「聲夢四小花」首拍劇愛上演戲 大爆拍攝《青春本我》趣事

四小花青春無敵！

「聲夢四小花」炎明熹（Gigi）、姚焯菲（Chantel）、鍾柔美（Yumi）以及詹天文（Windy）主演的無綫校園青春歌舞劇《青春本我》播出以來大受歡迎，日前四小花接受本網專訪時，分享幕後花絮與拍攝趣事。

《聲夢傳奇》學員（左起）炎明熹（Gigi）、姚焯菲（Chantel）、詹天文（Windy）以及鍾柔美（Yumi）憑比賽及劇集《青春本我》，成功入屋！

四小花日前接受本網專訪。

今次是Gigi第一次拍劇，劇中她飾演性格內向、父母關係有問題的「何芊芊」，連場喊戲成功感動觀眾！雖然演出被觀眾大讚演出自然、穩定，很有做演員的天份，但Gigi自言演技還未算合格：「第一次拍劇真係好緊張，我之前有參加過自己音樂學校舉辦嘅舞台劇，但舞台劇同拍劇真係天淵之別，兩者非常之唔同，今次拍劇學咗好多嘢！」

炎明熹（Gigi）為《聲夢》學員當中的人氣王，由選秀節目至今人氣爆燈，唱歌拍劇外還有大量商演工作。

Gigi感激劇中父母姜皓文及陳煒對其貼心照顧。

平時說話陰聲細氣的Gigi，爆喊演技獲得網民讚賞！

有「國民初戀」之稱的Chantel，在劇中飾演的「陳婷」性格害羞、愛看漫畫，暗戀中文老師朱敏瀚。被問到有沒有試過暗戀老師，Chantel笑說：「對唔住，因為我學校啲老師實在 ……太後生嘞，所以自己都冇點暗戀過老師！其實一開始係有啲尷尬，因為我唔識點去演，唔知要點去扮到個樣好似好sweet咁，同埋好鍾意咁嘅樣。」飾演「葉敏兒」的Yumi，因為渴望做領袖以致面對校園欺凌，但自從結識好友Gigi和Chantel後才解開了心結。做過童星的她運用之前拍劇經驗：「最習慣可能係拍攝跳舞場口，今次係成班人一齊跳，類似《歌舞青春》咁，所以好開心好興奮！」

姚焯菲（Chantel）在比賽結束後人氣未減，更被封為「國民初戀」。

Chantel在劇中暗戀阿Sir朱敏翰，卻遭同學們取笑。

有社交恐懼的Chantel沉醉於漫畫世界。

有「翻版鍾嘉欣」之稱的鍾柔美（Yumi），擅長跳唱路線。

童星出身的Yumi，在劇中遭同學欺凌，她透露現實中也曾發生。

Yumi有多年舞蹈功底，在拍攝跳舞場口當然得心應手！

而Windy飾演的「倪韻廸」，父母重男輕女，只顧其哥哥Asha（張馳豪），令她變得收埋自己。Wind大讚Aska是個非常貼心的男仔，對《聲夢傳奇》每一位組員也很照顧：「其實Aska做我哥哥，我覺得係毫無違和感，因為我覺得無論係咩時候，佢都係身處大哥哥嘅角色，佢好照顧我哋每一個人。今次同佢合作默契更加深咗，同埋我記得有一條宣傳片，我哋兩個同時一齊笑，真係笑到勁似樣囉！」

劇中詹天文（Windy）活在高材生哥哥張馳豪（Aska）光環壓力下，感自卑及存在感低，多番出現情緒問題。

Windy大讚Aska好貼心！

Windy獲網民大讚唱歌劇超勁，前途無可限量！

四小花近日組成女團After Class。

炎明熹

髮型: Bluedy Wong @Base 8 Salon

化妝: King Yip @Kings Makeup

除了爸爸，Jaime與媽媽和細佬感情都好好，平日一家人都會一同拍片玩。

張天穎（Jaime）早前推出全新廣東歌《低調》，更特別請來親爸爸為新歌featuring彈奏琵琶，Jaime指新歌《低調》的構思是來自爸爸經常教她做人要「低調」，因而有感而發，將爸爸教導的「低調做人，高調做事」寫成一首歌。

本網記者攝

Jaime早前推出全新廣東歌《低調》。

Jaime表示：「Instagram啱啱出嘅時候呢，我都成日share好多自己生活上嘅點滴、moments上去，咁每次影到爸爸嘅時候呢，爸爸都會對住個鏡頭就講：『唉，低調啦，低調啦，唉，唔好post我啦』咁樣咁樣，之後佢就話『低調做人高調做事呢啲唔使影我咁多㗎啦』，所以佢就有一個口頭禪就叫做『低調』啦。」

觀看相關影片按連結：https://youtu.be/rr0x8bu0nrw?si=S68ZmC5J0UR-b0Yh

本網記者攝

今次會邀請爸爸一同合作，原來Jaime一直有和爸爸Jam歌，爸爸彈琵琶，她彈結他及唱歌，曾中西合壁cover過AGA江海迦的《小問題》及BLACKPINK的《How you like that》，「我又覺得其實都幾得意啊，聲音上聽落，所以我就覺得會唔會，整一首咁樣嘅歌呢，咁我又想試下feature爸爸嘅talent，所以就膽粗粗問佢，因為佢不嬲低調，佢好難出鏡㗎其實，佢就肯咗囉，因為就係彈琵琶，即係通常其他佢唔肯，但係琵琶係一樣佢都好鍾意嘅音樂啦，佢都係中學開始彈琵琶，所以我諗佢都鍾意表演嘅，咁所以佢就『好啦，彈琵琶就幫你一次啦！』」

Jaime一直有和爸爸Jam歌。

曾壁cover過AGA江海迦的《小問題》及BLACKPINK的《How you like that》。

BLACKPINK的《How you like that》更是全家出動。

全家都玩得好投入。

問到與爸爸合作會否特別緊張？或者爸爸又會否特別緊張？Jaime直言完全不緊張，反而好興奮，因為一家人的關係一直好似朋友，平日都會一同拍片玩，但就擔心歌曲和MV推出後的回響，擔心爸爸會被負責留言影響，所以會先給爸爸心理準備，並和他說：「唔使理㗎，你have fun就得㗎啦，我哋盡力行好，盡力做好，你have fun就得㗎啦。」

Jaime對和爸爸合作完全不緊張，反而好興奮。

爸爸都樂在其中。

本網記者攝

Jaime亦覺得爸爸完全不緊張，而且好快上手，「佢都幾好、都幾玩得啊，錄琵琶嘅時候就因為係喺我自己studio錄嘅，之前都有同佢合作過，佢都喺我studio度錄緊音，所以佢就應該好舒服嘅啦。」Jaime又笑指爸爸在MV中對自己的衣著和髮型都有想法，但和造型師討論後，他亦會接納其他人的意見，「所以佢（爸爸）又冇緊張，我反而覺得佢幾have fun嘅。」

Jaime覺得爸爸亦完全不緊張，而且好快上手。

又笑指爸爸在MV中對自己的衣著和髮型都有想法。

至於其他家人，Jaime笑指當家人知道爸爸要上鏡，「好早就問我爸爸做咩衫呀？使唔使剪咩頭髮呀？化咩妝呀？」因為家人知道拍攝時間好緊張，就算有一個月時間準備，可能到最後計劃依然有變，所以一早做了很多準備。問到其他家人會否都會想合作？Jaime就表示媽媽和弟弟都比較低調，「我細佬讀緊書啦，我媽咪就真．低調啦，佢係怕醜添，唔係好鐘意出鏡嘅，仲罕有過爸爸，所以嗰一日拍BTS嘅時候，有鏡頭對住佢，佢都話：哎唔好啦唔好影我啦，影爸爸得啦』」咁。」

本網記者攝

本網記者攝

提到有和全家人一同拍片，媽媽除了有上鏡，還哼了幾個音讓Jaime創作出一首歌《LIAR》，Jaime表示：「我有一個series叫做《本故事不純屬虛構》，咁就係有街訪、有問唔同嘅人、有唔同嘅artist朋友啦，同埋屋企人我都有叫佢哋玩埋一份嘅咁樣，我係make sure咗佢哋OK，我先出條片嘅，咁咁啱因為媽咪話：『好啦，我又想玩佢咁樣』，佢自己講喎，『我使唔使畀幾粒音你啊』，佢講吓笑咁講，我話可以㗎，你肯唔肯啊？佢話：『好啦』，咁樣佢就畀咗啦。因為佢哋畀我㗎嘛個inspiration，所以我作好嘅時候呢，我就諗住播翻俾畀佢哋聽，睇下佢有咩feedback。」

Jaime有一個短片系列，叫《本故事不純屬虛構》。

其中她用了媽媽提供的幾粒音創作出《LIAR》。

問到今次和爸爸正式合作後，會否想再與家人，或與男朋友Ansonbean合作？Jaime笑指想和弟弟合作，「其實如果今年全部同屋企人合作都幾搞笑嘅，但係如果同男朋友就呢個順其自然啦，我覺得每人今年都有一個timeline，我自己都有一個小目標，我就係想希望呢一個series出30集嘅，最尾就揀8至9首歌嚟整一個album，所以都係一個幾繁忙嘅timeline，咁佢（Ansonbean）應該都自己有自己嘅timeline，如果夾到嘅話都唔排除嘅。」

Jaime話同男朋友Ansonbean合作順其自然。

不過，Jaime新歌推出後，都有同男朋友Ansonbean拍dance challenge。

提到《本故事不純屬虛構》這個系列，Jaime透露30集的內容及歌曲都已構思得七七八八，只是未拍片及剪片。除了拍片，Jaime今年亦計劃出碟，「因為我覺得30首歌，你再揀8、9首，話難唔難，但真係要用時間去做，而我覺得8首歌嚟講，如果我又有啲想拍MV呢，其實都真係差唔多，如果好彩嘅話，就睇下會唔會開一個mini concert，但係我覺得album為主，我覺得可能今年都爭啲啊，我驚係要橫跨到出年先可以推出到，所以我諗目標就係真係推出到個album先。」如果成功舉辦個人小型音樂會，她都希望邀請爸爸上台一同表演，「呢個係我夢寐以求嘅夢想啊，但係佢好低調啊......你唔知佢諗咩㗎，可能佢嗰一刻覺得：『唔好啦唔好啦，你第一次個唱，個光芒留畀你啦』，或者『嘩，你第一次過唱梗係要上台啦！」要睇下佢嗰陣時嘅狀態係咩囉，但係我一定會邀請佢。」

本網記者攝

本網記者攝

Jaime

髮型：Prudence @ Artify Lab
服裝：Sandroparis
造型：Natalie @ Fameglory
場地提供：怡紅院火鍋料理