《東張西望》主持隊陶大宇上身 孖李思捷大跳水撥舞搞氣氛

李思捷遭區永權「逆襲」搶飯碗！

由李思捷主持及監製、瘋魔全球45年、直至現時為止仍有近三十個國家正值熱播的趣味民調遊戲節目《Family Feud》，正式授權製作香港版無綫遊戲節目《思家大戰》，並將於周日晚（30日）九點半翡翠台播出第二十集。

《東張西望》一班主持先「腿」奪人呀！

家庭觀眾代表「老表你好正」隊都好Enjoy。

傳聞中嘅水撥式舞姿呀。

氣氛好熱鬧。

陳庭欣晒長腿勁吸睛。

是集嘉賓有區永權率領、由《東張西望》主持組成的「60886600」隊，以及家庭觀眾代表「老表你好正」隊。「60886600」隊成員有陳庭欣、容羨媛、吳幸美及何沛珈；「老表你好正」隊隊長是Kennis，成員則為Anthony、Ivy、Sang及Tony。今集播出日期適逢年廿八，故主持及嘉賓均穿得紅噹噹非常應節；李思捷又與《東張西望》主持大唱賀年歌，期間大跳近期熱爆的陶大宇水撥式舞姿，相當有氣氛。

陳庭欣今集會自認係專家，到底係咩專家呢？

思捷今集嘅《思家大戰》主持位置嚴重受到威脅。

「老表你好正」隊玩得好落力。

思捷唔信何沛珈答啱問題，仲自作孽搞到自己要跌錢請食飯。

聽到個正確答案之後，思捷樣都變埋。

今集最精彩的問題是「講一樣女人着得愈耐就愈唔舒服嘅嘢」，當中容羨媛玩得相當豪放，直接戙高腳擺上枱回答問題，思捷都被她嚇窒謂：「估唔到容容係咁樣！」思捷今集更「自作孽」，事緣思捷覺得何沛珈的回答「難以置信」，故許下豪言謂：「我真係唔信（答案）喺上面，喺上面嘅話，我請你食飯！」可惜最終何沛珈竟真的回答正確，思捷即扮嬲飛紙仔，之後更一度口齒不清，相當搞笑。

區永權想同思捷搶Job，所以笑騎騎放毒蛇？

同為《東張》主持的阮嘉敏（左1）及朱凱婷（左2），雖然冇出賽，但都有去到錄影現場撐場！

做得《東張》主持自然有番咁上下口才同急才，故以「轉數快」出名的李思捷今集主持地位可謂「危危乎」，繼被何沛珈「技術式擊倒」，區永權亦上演「逆襲記」搶「飯碗」；而在《東張》經常做「白老鼠」的吳幸美，在節目表現出色連番答中問題。想知道區永權如何逆襲？吳幸美又如何Carry全隊？敬請密切留意本周日晚（30日）播出的最新一集《思家大戰》！

陳庭欣

區永權

吳幸美

何沛珈

容羨媛

「扮嘢王」李思捷歌藝綜藝瓣瓣掂，近年他與麥長青、曹永廉、黃智賢和唐文龍組成「Hey Brother」中港兩地累積了一定人氣，日前李思捷重返成長地多倫多舉行一連兩場《今晚睇李思捷演唱會》，期間座無虛席，當中不乏圈人：杜麗莎、張崇基等到場支持，星光熠熠，難得在「樂壇教母」杜麗莎面前演出，李思捷坦言有壓力，認真少有！

李思捷

李思捷

李思捷在台上獻唱多首廣東歌，勾起多倫多粉絲的回憶和情懷，為入鄉隨俗，李思捷亦獻唱了英文歌，更穿上多倫多棒球隊波衫，以示對球隊的熱愛。多倫多是李思捷的成長地，他受訪道，重回舊地開騷感覺親切，他又透露，上次回到多倫多已是八年前，今次開騷，有很多認識30多年的老朋友現身支持，李思捷直言：「小時候讀書的美麗畫面，以及童年回憶都走出來了。」

顏米羔

當年導師今日座上客
席間李思捷貫徹「扮嘢王」作風，獻唱譚詠麟、鄭少秋、張國榮及四大天王等多首名曲，並邀請《中年好聲音2》季軍顏米羔擔任嘉賓合唱，將氣氛炒熱至最高點。對於獲得「樂壇教母」杜麗莎和張崇基到場觀賞，李思捷表示受寵若驚， 他憶述17年前首次與王祖藍、阮兆祥開福祿壽演唱會時，就是由杜麗莎擔任歌唱導師，糾正當年歌藝尚未成熟的李思捷，他說：「喺杜麗莎老師面前唱歌，有啲壓力！好彩我有用佢教過我嘅歌唱技巧獻唱，佢都話『今次演出OK，睇得好開心』，佢開心，我都好開心。」

張崇基

適逢農曆新年，李思捷在演唱會期間獲現場粉絲狂派利是，主辦單位老闆娘更向李思捷派送「銀紙扇」，絕對錫到李思捷燶，對此他也難以置信表示：「今次收利是真係收到手軟，而且每封都唔輕手，估唔到多倫多粉咁熱情，所以我都有少少唔好意思。」問到李思捷多倫多歌迷有否向他催婚？他笑言這類問題一定有講：「好多朋友同粉絲都叫我快啲結婚，成日都講，我都聽慣晒。我覺得順其自然，睇時機，最重要係同對方互相尊重。」談及今年大計，李思捷透露會與Hey Brother舉辦演唱會，以及搞創作和綜藝節目，計仔多多。

杜麗莎