命·運？命運？
自學習八字起，多年之後成日遇到既現實問題係: 所謂既趨吉避凶，係點樣實行？
正所謂黑開有條路，有時候當衰運埋你身，自己每做既一件事，都會有迷茫同失望
基於係撞到一連串既不幸事件，而導致自己都失去左信心或放棄求助
據小弟觀察，當人有呢種情況既時候，通常已經經歷咗衰運三個月以上
心理學上稱之為「習得性無助」
—————————————————
回看八字，通常有四種情況
1. 好命、好運
2. 好命、衰運
3. 衰命、好運
4. 衰命、衰運
第 1 種，好命好運，如有神助
相信呢種情況都唔洗小弟多講
第 2 種，好命衰運
跟據小弟所睇過既命盤，通常呢種人會比較有自信，就算行上衰運，都能夠保持到心境去應對差既情況
但有時，會過於太有自信，而變得目中無人
第 3 種，衰命好運
通常有一種樂天性格，為人比較天真爛漫
每做一件事既時候，都逢凶化吉
第 4 種，衰命衰運
一樣唔需要多講，要幾衰有幾衰
——————————————————
學習八字既時候，以下既情況都有同學會師兄師姐討論過
有師兄師姐會選擇，出生時行差既大運，晚年無憂就最好
另有師兄師姐，會選擇相反方向
而小弟回望過去既人生，我會選擇如下:
出生既八字屬命好，但成長過程行一行衰運也無妨，過程中跌跌撞撞，慢慢學習
中年後，運好轉，發展潛力，運用早年學習到既知識
晚年好運，有兒有孫，無憂無慮
早年命好，能夠有好心境同自信去應付一切
為中年做好準備，打好根基
——————————————————
幻想，係美好
而命同運亦都不可分割
當解八字既時候，面對命主既命同運，給予既建議要建基於於佢哋既命格同運，絕不可搬字過紙
每個人都係獨立
而基於以上既原則，每個人既道路都盡不同，一步一步黎，無得急
保持住孩童時既純真，對世事充滿好奇，慢慢學習成長
保持有零的心，容納世間既事
所謂趨吉避凶，都要因人而異
最後，附上歌詞作
「逐個字 逐個字 逐個認識�糖是甜 唇是紅 誰是奇蹟�看懂了 然後尋覓尋覓另一種價值」
「做對事 做錯事 換過臉色�對不起 對得起 留下評擊�看開了 然後承受承受另一種壓力」
作者: 朱雀神君
香港兔蘆術數學會
** 博客文章文責自負,不代表本公司立場 **
時辰不確定（子平八字）
相信很多人幫朋友看八字時,他們都會答不知道出生時辰。或是應該上午、大約中午，一定是晚上，等等類似的說話。
初學時因為經驗太淺，通常我都會叫他們祈禱問一問耶穌，或問他親生母親。
不過即使命主有給出生時辰也不能盡信，
因為過去有好多人比既時辰都係話家人憑記憶講出黎/時辰踩界/未計算夏令/時區問題
因而導致實際批算結果不準確。
而且對盤唔好單靠命主講1、2件過去既事就信，因為相同既年月日，但不同時辰佢地都會有某些運勢係有相似的跡象，一定要由自己角度去睇時辰判事，仔細對清楚流年同時柱發生刑沖會合之時的事情/原局結構的特性。
———————————-
簡單分享2個例:
例1
日元丙火，年月日3柱無根，且年月皆忌，一般初學會判祖輩父母助力有欠，但命主出生家境甚佳，初看以為從格，接著看大運，一路走南方火運，命主搵錢能力，學歷佳,而且家境越來越好。
但在金水之年健康突然明顯轉差，心想一定正格。三柱無根，但事業、學歷也不俗，母親有助必定有點用神在時柱。
之後命主報稱是申時,我潛意識即答出沒可能，一定是未時！
我即鐵口說：命主你的頸部或身體上某長形的部位會有傷患，而且不只你有，你某某家人亦有，然後命主說對 。（之後再有幫他仔細對過命盤，亦有應驗)
———————————-
例2:
甲日未月生，正財格，比劫齊透見財即劫
命主戊辰運破財嚴重，己巳運讀書甚佳,家境亦不差。此時已能確定命主身強，喜火土。
命主說他乙亥時，乙亥時身強，提前看甲戌時看必是身弱，即使他乙亥時是身強,也不能排除他是寅時卯時的可能，所以要先用乙亥時看到的象同命主核對。
問：己巳運同同學關係是不是很差？
而且是否行動很急、粗魯，說話行為像男生，姻緣多不長久，遇親既男仔都比較弱雞？
友人答：是的！命主當時目中無人、自滿，像男生，多咀多粗口…XHOIZBJF。
加上看到20年會有一兄弟姐妹健康出問題，命主確實有一兄弟姊妹有CANCER，丑年問題更甚，而且破大財，判斷乙亥時無誤。
———————————-
八字就有如人生，有獲得就會有失去。
時柱的十神五行是你命中會有的東西。
當流年大運令時柱遭到刑沖剋合化等的時候就有機會令其失去或變質。
如果發現命主提供的時辰，時柱所對應的十神在該有問題的流年時沒有任何反應
就要思考一下會否可能時辰有誤了。
另有一例:
壬甲甲水
申子水金
命主正格官印極旺，如果是初學單以十神論是一個穩重踏實愛守規矩之人。
印星父母宮皆忌,出生環境不佳，夫妻星宮皆好很忌，另一半應是窮鬼/廢柴。
可是命主不是一個很踏實之人，家庭環境很不錯，母親亦對她很好，認識的男友很多也是富有的，為甚麼？
水主智，命主卻常被人說她行為低能。之後些朋友見到命主早行火運又說「偏印奪食」火主藥，水主智，所以佢一定係小時食錯野食到傻左變左「弱智」！
我只能說：你就弱智，睇野睇咁表面！
所以如果單單只是熟習十神或五行的單象，而忽略命局的結構，所算出的結果就有可能與現實相差甚遠。
———————————-
八字並非單純加減數,很多時候需要整體配合,(五行配十神/十神配五行)
例如:不能單看一個人好慳錢,但年月日都無正財星/財庫等，就說他時柱必定有正財或財庫。
因為全世界有節儉習慣的人多如繁星,但係唔會個個都同一原因，會否小時受家人影響?中年受配偶影響？
大運不佳導致生苦困苦迫使命主養成了慳錢的習慣？或是可能準備創業需要儲一大筆資金先暫時有段時間要慳錢呢？
人生百態，豈能用單一用某十神一個五行就算出一個人的個性….
今日就講到呢度有緣再說，謝謝~~
作者：弘樹
