前八模兵團裴殷與Alfred阿哥於20年結婚。
前年11月,前八模裴殷(A.Lin)跟拍拖4年的許廷鏗(Alfred)哥哥許永鏗(Wilson)結婚,婚後更火速「造人」成功,BB女已於去年Boxing Day出世,Alfred的首位侄女叫Valerie 。
裴殷去年Boxing Day誕下囡囡。
許廷鏗同哥哥及阿嫂感情好好。
裴殷生B後好有濶太相。
A.Lin公開一家三口照同朋友拜年,着住紅色衫嘅Valerie 面仔脹卜卜,頭髮濃密,同爸爸極似樣,連抱住BB的Alfred都話,「我好似抱著一個女版的小時候的哥哥,第一次見世面見下啲世叔伯 auntie,不如大家好好送一啲虎年祝福畀佢啊~?」
許廷鏗表示當實體唱片是自己的卡片。
許廷鏗(Alfred)日前舉辦新歌試聽會及簽名會,由中午2點簽到晚上九時,Fans沿途各站上車見偶像,Alfred簽名都簽到手軟:「電車做新歌試聽會及簽名會,我之前好忍手唔幫Fans簽名,因為想等到今日先簽名,可以喺電車度同大家傾吓計,我同歌迷之間似朋友多啲,佢地已經唔會簽叫,所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即,亦宣布即將海外宣傳:「廣東話有時頗限制,但如果令其他地方了解多啲廣東話,呢個講法有啲偉大,但最想自己嘅音樂去到唔同嘅地方。」呢日雖然舉行「簽名會」,但中途發生「哈碌」情況:「我本來準備咗十幾枝簽名筆,不過呢一刻應該仲喺我張床度!簽名會唔記得帶筆真係癲咗線,好彩我有個美麗嘅Fans借咗枝筆比我,應該都頂到兩站嘅,不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離,仲話自己不時「周圍去」,希望與大家貼近:「希望用自己嘅影響力比其他人聽到,所以好多時作品源自Fans嘅DM,成為創作嘅養份。而出碟係因為自己『老餅』、『老派』,想要有實物喺手,我都當唱片係自己嘅卡片,不過張卡片嘅製作費好貴,只要有人買同想我簽名,所以都會製作。」佢就話同贊助品牌熟絡,碰巧對方電車有空檔,Alfred即時借用舉行互動簽名會,仲話有機會巡唱,叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴,但Alfred指只要有人買同要他簽名,他都會製作。