全港首個匹克球主題首飾系列面世 許廷鏗聯同專業運動員見證跨界璀璨時刻

為慶祝全港首個匹克球主題首飾系列正式面世，Lovebird Diamond早前在黃竹坑Asia Aces Pickleball Academy成功舉辦「Make Your Perfect Pick」盛大活動。當日現場星光熠熠，除了邀請到人氣歌手許廷鏗（Alfred Hui）擔任星級嘉賓分享時尚見解外，更邀得兩位體壇精英親臨助陣——分別是前香港網球「一姐」兼現役匹克球「一姐」Venise Chan，以及專業匹克球運動員Rachel。三位嘉賓更即場上演了一場精彩絕倫的匹克球表演賽，透過專業運動員的俐落身手與Alfred的活力參與，完美詮釋了匹克球運動的魅力，並將現場氣氛推向高峰。

人氣歌手許廷鏗、專業匹克球運動員Rachel、前香港網球「一姐」兼現役匹克球頂尖選手Venise Chan、Lovebird Diamond創辦人 Ivan，聯同一眾KOLs共同出席「Make Your Perfect Pick」體驗活動。

活動現場巧妙地將璀璨的靜態珠寶展示與熱血的動態運動體驗結合。場內不僅陳列了Lovebird Diamond的最新首飾系列，更設有專業的鑽石鑑賞環節，讓嘉賓在動感氛圍中深度領略鑽石的極致工藝。配合現場DJ的音樂放送與精緻餐飲，整場活動在歡快的感官饗宴中圓滿結束，成功展現了品牌優雅美學與運動能量交織的獨特風格。

Lovebird Diamond創辦人Ivan向嘉賓介紹全港首個以新興運動「匹克球」為設計藍本的珠寶系列。

Lovebird Diamond推出全港首個匹克球主題系列 珠寶與運動美學的新穎結合

本地鑽飾品牌Lovebird Diamond推出全港首個以新興運動「匹克球」（Pickleball）為設計藍本的珠寶系列。是次系列嘗試將運動的律動感融入精緻工藝，打破珠寶一貫的傳統框架，為愛好運動與追求品味的現代女性提供多元化的配戴選擇。

Lovebird Diamond最新首飾系列

工藝與動感的平衡：將匹克球活力注入珠寶設計

匹克球（Pickleball）作為近年全球增長最快的新興運動之一，以其高度的社交性與活力著稱。Lovebird Diamond敏銳洞察現代女性對健康生活與個人風格的追求，率先將匹克球的經典元素——如球拍的獨特幾何輪廓與球體的孔洞美學，轉化為璀璨的珠寶設計。這不僅是品牌在設計領域的一次大膽嘗試，更填補了香港市場在運動主題首飾方面的空白。

專業匹克球運動員Rachel親臨活動現場「打卡」支持。

Rachel於活動現場展示精湛球技。

歌手許廷鏗（Alfred）剛推出新歌《自尊歌》，由自己曲詞包辦，並邀請合作無間的黃兆銘及陳考威為新歌編曲及監製。相隔一年才推出全新作品，Alfred坦然遇上了音樂事業的迷茫期：「我覺得自己算係勤力嘅人，自組公司四年幾，其實都出過兩張大碟，開過兩個個人演唱會，一直亦都有出新歌，呢4年其實都做咗超過二十首全新作品，當然亦都繼續兼顧牙醫事業。但就係有時好矛盾，返到診所，有人會問『你幾時出新歌啊？』；然後出席活動又有人會問：『你無做牙醫喇？』，其實兩樣都有做，仲要都幾勤力㖭。或者大家好似成日都關心啲同音樂無關嘅事情，例如『你瘦咗啲』『你肥咗啲』，所以上年開始真係有點迷茫，感覺係進退兩難。」

許廷鏗（Alfred）

Alfred相隔一年推出新歌《自尊歌》，由自己包辦曲詞，坦言過去一年陷音樂事業迷茫期。

經歷事業迷茫期，Alfred決定放慢腳步沉澱尋找一些新的養分，甚至接觸一些自己完全沒有想過會接觸的事物：「年頭嘅時候去咗跟KB滑雪，以前我係無可能會俾自己滑雪，因為覺得自己又係歌手又係牙齒，絕對唔可以整傷。但有一刻突然覺得，其實why not? 結果因為KB嘅教導下，我先知道自己之前太多誤解，其實滑雪係可以好安全。我甚至同KB、Mike Orange成為咗生死之交，因為我地一齊晌山上遇到暴風雪，亦因為KB嘅專業，令到我安全落山亦都入咗滑雪呢個坑。」

遇上暴風雪安全回港，卻不幸遇上意外跌落樓梯需要做手術，手術前更要參與一個慈善演唱會演出，是次演出反而令Alfred對自己的使命開始有新的轉向：「我真係要多謝呢個慈善演唱會嗰一晚嘅觀眾，我記得當晚有幾位歌手一齊演出，然後晌我表演嗰part，幾位歌手嘅樂迷都同時俾咗好多好真心嘅掌聲我，然後我晌台上得到好大嘅力量，嗰一刻令到我明白咗，只要我用心去表演，大家係真係會感受到，好感動！」

他決定放慢腳步，跟KB學滑雪遇暴風雪成生死之交，其後意外跌傷需做手術。

手術前參與慈善演唱會獲觀眾真心掌聲，令他重新思考使命。

落台後感覺仍然湧動，然後靈感終於出現，令Alfred相隔十年多再次決定自己嘗試為新歌包辦作曲填詞：「《自尊歌》想表達係，唔係淨係我，係我地，我地可能都太習慣想盡量迎合最多嘅人，成為別人眼中最好嘅自己，結果自己就burnout，但係我呢一年學到嘅係，以上嘅諗法，都係我地自己諗出嚟，自己俾自己嘅壓力嚟。所以我想借呢首歌話俾大家知，其實自我認同係可以無條件㗎，只要你做一個你自己都鍾意嘅自己就可以。」

沉澱一年，終於不再迷茫，重新出發，新歌MV選擇潛入大海，首次以「濕身性感」造型示人，Alfred表示自己都係第一次潛水：「潛水都係我人生其中一樣覺得絕對唔會做嘅事情，但就係呢一年嘅經歷話俾我知，其實我俾得太多規矩自己，有時真係會限制咗想像，所以今次好快就決定MV要做啲未做過嘅嘢。」結果潛入深海，因為沒有其他雜音去探索另一個世界，令Alfred靈感再次浮現，出新歌前夕已經開始進行下一首歌的錄音！

新歌MV他首度潛水以「濕身性感」造型示人。

Alfred直言學會放下規矩、擴闊想像。