Alfred許廷鏗相隔一年推出新歌《自尊歌》 首以「濕身性感」造型拍MV

歌手許廷鏗（Alfred）剛推出新歌《自尊歌》，由自己曲詞包辦，並邀請合作無間的黃兆銘及陳考威為新歌編曲及監製。相隔一年才推出全新作品，Alfred坦然遇上了音樂事業的迷茫期：「我覺得自己算係勤力嘅人，自組公司四年幾，其實都出過兩張大碟，開過兩個個人演唱會，一直亦都有出新歌，呢4年其實都做咗超過二十首全新作品，當然亦都繼續兼顧牙醫事業。但就係有時好矛盾，返到診所，有人會問『你幾時出新歌啊？』；然後出席活動又有人會問：『你無做牙醫喇？』，其實兩樣都有做，仲要都幾勤力㖭。或者大家好似成日都關心啲同音樂無關嘅事情，例如『你瘦咗啲』『你肥咗啲』，所以上年開始真係有點迷茫，感覺係進退兩難。」

許廷鏗（Alfred）

Alfred相隔一年推出新歌《自尊歌》，由自己包辦曲詞，坦言過去一年陷音樂事業迷茫期。

經歷事業迷茫期，Alfred決定放慢腳步沉澱尋找一些新的養分，甚至接觸一些自己完全沒有想過會接觸的事物：「年頭嘅時候去咗跟KB滑雪，以前我係無可能會俾自己滑雪，因為覺得自己又係歌手又係牙齒，絕對唔可以整傷。但有一刻突然覺得，其實why not? 結果因為KB嘅教導下，我先知道自己之前太多誤解，其實滑雪係可以好安全。我甚至同KB、Mike Orange成為咗生死之交，因為我地一齊晌山上遇到暴風雪，亦因為KB嘅專業，令到我安全落山亦都入咗滑雪呢個坑。」

遇上暴風雪安全回港，卻不幸遇上意外跌落樓梯需要做手術，手術前更要參與一個慈善演唱會演出，是次演出反而令Alfred對自己的使命開始有新的轉向：「我真係要多謝呢個慈善演唱會嗰一晚嘅觀眾，我記得當晚有幾位歌手一齊演出，然後晌我表演嗰part，幾位歌手嘅樂迷都同時俾咗好多好真心嘅掌聲我，然後我晌台上得到好大嘅力量，嗰一刻令到我明白咗，只要我用心去表演，大家係真係會感受到，好感動！」

他決定放慢腳步，跟KB學滑雪遇暴風雪成生死之交，其後意外跌傷需做手術。

手術前參與慈善演唱會獲觀眾真心掌聲，令他重新思考使命。

落台後感覺仍然湧動，然後靈感終於出現，令Alfred相隔十年多再次決定自己嘗試為新歌包辦作曲填詞：「《自尊歌》想表達係，唔係淨係我，係我地，我地可能都太習慣想盡量迎合最多嘅人，成為別人眼中最好嘅自己，結果自己就burnout，但係我呢一年學到嘅係，以上嘅諗法，都係我地自己諗出嚟，自己俾自己嘅壓力嚟。所以我想借呢首歌話俾大家知，其實自我認同係可以無條件㗎，只要你做一個你自己都鍾意嘅自己就可以。」

沉澱一年，終於不再迷茫，重新出發，新歌MV選擇潛入大海，首次以「濕身性感」造型示人，Alfred表示自己都係第一次潛水：「潛水都係我人生其中一樣覺得絕對唔會做嘅事情，但就係呢一年嘅經歷話俾我知，其實我俾得太多規矩自己，有時真係會限制咗想像，所以今次好快就決定MV要做啲未做過嘅嘢。」結果潛入深海，因為沒有其他雜音去探索另一個世界，令Alfred靈感再次浮現，出新歌前夕已經開始進行下一首歌的錄音！

新歌MV他首度潛水以「濕身性感」造型示人。

Alfred直言學會放下規矩、擴闊想像。

無綫音樂節目《伯樂音樂學院20週年呈獻：J Music》，明晚（11月1日）10點15分翡翠台播出。今集邀請了韓國歌手崔誠允（Y）、陳家樂、許廷鏗（Alfred）、林煊諭（Yumiko）及Heyo（霍嘉豪）擔任嘉賓，接受主持曾展望（GM）及李尹嫣（Victoria）訪問，陣容新鮮，值得期待。

崔誠允推出首支廣東歌《I STILL WAITING》。

唱得動人，畫面唯美。

許廷鏗「侘寂之道」第六站《自尊歌》低谷重生
今集精彩環節《勁歌金榜》，邀來許廷鏗（Alfred），接受許文軒（Edmond）訪問，分享由2024年起啟動的音樂企劃「侘寂之道」，今年就來到第六站推出新歌《自尊歌》。他形容這個企劃像一段旅程，在不同站點都有所放下和吸收，希望在不同地方留低一首歌，送給當地人或自己。Alfred透露今年遭遇連環不幸事件，但正正因為種種經歷成就了《自尊歌》：「打匹克球整親腳，由屋企最頂嗰級樓梯碌落到最低一級，之後又生蛇，心情有少少似跌入谷底。」談到曲詞包辦，Alfred盼以純粹姿態貼近初心表達心中所想，並透露希望企劃最尾一站能回到香港。

家樂推出新歌《我們都是無名氏》，更有份落手落腳參與創作。

唱得好好聽。

唱得好好聽。

Yumiko及Heyo合作推出新歌《ALL I NEED IS YOU》。

陳家樂新歌有洋蔥 向成長路上無名氏致謝
在「登陸新聲」環節，嘉賓陳家樂現場演繹新歌《我們都是無名氏》，以充滿感情的聲線演繹，歌聲悅耳、情感真摯，好聽到耳朵懷孕。家樂透露積極參與歌曲創作，由概念到錄音都多了自己意見。談到歌曲背後意念，家樂表示：「無名氏，可能喺你成長過程入面陪伴過你一刻，或者講一啲說話令你振作。隔咗好耐未必記得佢哋嘅樣，但佢畀到你嘅鼓勵同說話，其實仍然喺心入面。」盼藉着歌曲向成長路上的無名氏致謝。

另一邊廂，樂壇新人Yumiko與Heyo現場演繹合唱歌《ALL I NEED IS YOU》，歌曲以勇敢愛自己為核心，二人一剛一柔的聲線形成反差，充滿化學反應，演繹充滿力量，令人眼前一亮。

Alfred今年連環遭遇不幸事件，心情一度跌入谷底。

Alfred曲詞包辦《自尊歌》，非常有才華。

崔誠允首推廣東歌《I STILL WAITING》
今集另一精彩環節，是來自韓國男子團體Golden Child成員崔誠允（Y）現場獻唱首支廣東歌《I STILL WAITING》，聲線深情而帶有感染力，聽得人動容，展現出他對廣東歌的誠意與努力。談到推出廣東歌的契機，Y表示今年一月來港出席粉絲見面會，因而愛上廣東話，所以決定推出廣東歌《I STILL WAITING》。談到歌曲創作背後訊息，Y指出歌曲圍繞一段無法實現的單戀故事：「單戀過程中，究竟要唔要告白？我哋之間嘅關係會變成點？如果交往嘅話又會係點？呢首歌就係包含呢啲煩惱。」他亦透露MV在香港取景拍攝，大讚尖沙咀、旺角等香港景色迷人。想知道更多精彩內容，敬請密切留意明晚播出的《J Music》。