許廷鏗上半年接二連三身體受創 首公開傷勢照兼親揭抗病心路

歌手許廷鏗（Alfred）今年上半年可謂禍不單行，身體接二連三遭遇重創，先是因打匹克球（Pickleball）期間意外受傷，導致右腳足底跟腱撕裂，之後又因行樓梯不慎踏空弄傷左手，需要接受手術治療。豈料手術過後，身體狀況持續走低，免疫力大幅下降的他更不幸「生蛇」，短時間內全身多處傷病，一度度令他情緒陷入崩潰邊緣。幸好Alfred憑着堅強的意志積極抗病、慢慢調理身體，近日更在社交平台首度公開傷勢照及抗病過程，宣布生活已重回軌道。

許廷鏗早前身體接二連三遭遇重創。

影片中，Alfred展示了左手內側在手術後留下的大片瘀青，以及腰部生蛇的的紅疹照片。他憶述在左手做完手術後的某個晚上，臨瞓前突然感覺腰部感覺到好似被針拮刺痛，起初不以為意，翌日早上就發現該位置冒出紅點，伴隨陣陣電擊般異樣不適，而且越來越頻密，深知不妙的他於是立刻求醫，結果發現是「生蛇」。

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

Alfred分析自己中招的原因，全是因為前期接連受傷、接受手術，加上術後休息不足、身心透支，導致免疫系統徹底失守，但幸好及早發現，紅疹沒有蔓延至面部或眼睛。他又形容生蛇的痛感極為「鬼祟」，經常「陰啲陰啲」痛，而且毫無預警反覆發作，時常因為突然的刺痛而被迫停下來手上的工作，對當時的生活和心情造成極大影響。

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

經歷一連串傷病波折，許廷鏗深刻體會到免疫系統的重要，他坦言本以為自己平時經常打波，運動量足夠，而且尚算年輕，「生蛇」這類疾病應該與自己無關，但經此一役後，他徹底明白，單靠運動根本不足以維持健康，充足休息、規律作息同樣重要，二者兼備才能穩定免疫力、守住身體狀態。身為牙醫的他更以專業角度指「生蛇」就好像牙痛，提醒大眾切勿抱有僥倖心態，等到牙痛才來去牙醫，應及早向家庭醫生諮詢預防方法，防患於未然！

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

許廷鏗IG影片截圖

歌手許廷鏗（Alfred）剛推出新歌《自尊歌》，由自己曲詞包辦，並邀請合作無間的黃兆銘及陳考威為新歌編曲及監製。相隔一年才推出全新作品，Alfred坦然遇上了音樂事業的迷茫期：「我覺得自己算係勤力嘅人，自組公司四年幾，其實都出過兩張大碟，開過兩個個人演唱會，一直亦都有出新歌，呢4年其實都做咗超過二十首全新作品，當然亦都繼續兼顧牙醫事業。但就係有時好矛盾，返到診所，有人會問『你幾時出新歌啊？』；然後出席活動又有人會問：『你無做牙醫喇？』，其實兩樣都有做，仲要都幾勤力㖭。或者大家好似成日都關心啲同音樂無關嘅事情，例如『你瘦咗啲』『你肥咗啲』，所以上年開始真係有點迷茫，感覺係進退兩難。」

許廷鏗（Alfred）

Alfred相隔一年推出新歌《自尊歌》，由自己包辦曲詞，坦言過去一年陷音樂事業迷茫期。

經歷事業迷茫期，Alfred決定放慢腳步沉澱尋找一些新的養分，甚至接觸一些自己完全沒有想過會接觸的事物：「年頭嘅時候去咗跟KB滑雪，以前我係無可能會俾自己滑雪，因為覺得自己又係歌手又係牙齒，絕對唔可以整傷。但有一刻突然覺得，其實why not? 結果因為KB嘅教導下，我先知道自己之前太多誤解，其實滑雪係可以好安全。我甚至同KB、Mike Orange成為咗生死之交，因為我地一齊晌山上遇到暴風雪，亦因為KB嘅專業，令到我安全落山亦都入咗滑雪呢個坑。」

遇上暴風雪安全回港，卻不幸遇上意外跌落樓梯需要做手術，手術前更要參與一個慈善演唱會演出，是次演出反而令Alfred對自己的使命開始有新的轉向：「我真係要多謝呢個慈善演唱會嗰一晚嘅觀眾，我記得當晚有幾位歌手一齊演出，然後晌我表演嗰part，幾位歌手嘅樂迷都同時俾咗好多好真心嘅掌聲我，然後我晌台上得到好大嘅力量，嗰一刻令到我明白咗，只要我用心去表演，大家係真係會感受到，好感動！」

他決定放慢腳步，跟KB學滑雪遇暴風雪成生死之交，其後意外跌傷需做手術。

手術前參與慈善演唱會獲觀眾真心掌聲，令他重新思考使命。

落台後感覺仍然湧動，然後靈感終於出現，令Alfred相隔十年多再次決定自己嘗試為新歌包辦作曲填詞：「《自尊歌》想表達係，唔係淨係我，係我地，我地可能都太習慣想盡量迎合最多嘅人，成為別人眼中最好嘅自己，結果自己就burnout，但係我呢一年學到嘅係，以上嘅諗法，都係我地自己諗出嚟，自己俾自己嘅壓力嚟。所以我想借呢首歌話俾大家知，其實自我認同係可以無條件㗎，只要你做一個你自己都鍾意嘅自己就可以。」

沉澱一年，終於不再迷茫，重新出發，新歌MV選擇潛入大海，首次以「濕身性感」造型示人，Alfred表示自己都係第一次潛水：「潛水都係我人生其中一樣覺得絕對唔會做嘅事情，但就係呢一年嘅經歷話俾我知，其實我俾得太多規矩自己，有時真係會限制咗想像，所以今次好快就決定MV要做啲未做過嘅嘢。」結果潛入深海，因為沒有其他雜音去探索另一個世界，令Alfred靈感再次浮現，出新歌前夕已經開始進行下一首歌的錄音！

新歌MV他首度潛水以「濕身性感」造型示人。

Alfred直言學會放下規矩、擴闊想像。