關楚耀豪送廿萬現金冧女友 Joann晒大叠金牛放閃

情人節禮物。

今年情人節同元宵只係差一日，咁特別嘅日子，要𠱁另一半開心，當然要花點心思。今年關楚耀（Kelvin）似乎就成為最有話題性嘅一個，事關佢唔係送花，又唔係親自下廚整大餐呢啲普通嘢，而係最最最實際用「銀彈」，任女友鍾意買乜就買乜。

Joann心情大靚。

原來收到大叠金牛。

仲Tag埋關楚耀，好高調放閃。

現年38歲嘅關楚耀跟年輕11年嘅空姐兼IG女神Joann Law拍拖5年，Joann不時喺社交網放閃，噚日（14 日）佢就喺IG限時動態上載一大叠「金牛」，目測估計有20萬，Joann興奮留言兼tag 男友：「任何玫瑰花都不及任你花隨便花！錫女朋友的男人會發達！諗住簡簡單單食餐飯，佢突然拎個（信封）出嚟〝情人節快樂”我以為佢寫咗一叠情信！Wish you all Happy Valentine’s Day.」咁豪爽，難怪會成為討論區熱話，網民出Post指「關楚耀情人節做埋啲咁嘅嘢........」，引來熱烈討論。

Joann曾被質疑整容。

Joann的IG有9.3萬粉絲，經常派福利。

白滑美腿。

關楚耀為○氹女友開心，出手好豪爽。

而Joann Law多年來被爆出不少黑歷史，曾被指整容、周身冒牌貨，又用層壓式推銷等，但Kelvin一直好支持女友，不時高調送Like，懶理旁人。 

關楚耀係譚詠麟契仔，同前同爸爸關維麟一齊同契爺慶生。

關楚耀情人節豪送20萬現金冧女友 Joann晒大叠金牛放閃

香港人的人情味，總在最需要的時候閃閃發光。上月大埔宏福苑發生火災後，社區各界紛紛伸出援手，人間有愛，娛樂圈中幾位暖男歌手決定以最直接的方式送上關懷——用歌聲傳遞溫暖，為受影響居民同社區送上祝福，唱出正能量。

吳業坤、胡鴻鈞、關楚耀及胡諾言將於12月27日聯手舉辦「星聲送暖 • 愛心音樂分享會」。

吳業坤、胡鴻鈞、關楚耀及胡諾言四位歌手，將於12月27日聯手舉辦一場特別的「星聲送暖 • 愛心音樂分享會」。這場音樂會並非普通表演，而是一個充滿愛心的行動。四位歌手希望以最真摯的歌聲，為受火災影響的街坊及社區，搭建一座音樂橋樑，凝聚善意，一起為這個冬日注入一股實在的暖流。

吳業坤

胡鴻鈞

關楚耀

胡諾言

音樂分享會於下午2點半開始，於香港嘉里酒店舉行，演出達兩小時，門票定價為380港元，現已公開發售。是次活動的所有收益，在扣除必要成本後，將會全數撥捐「大埔宏福苑援助基金」及其他受惠機構，真正將樂迷及社區的支持，化為送到災民手上的一點心意、一線光明。

「星聲送暖 • 愛心音樂分享會」

四位參與歌手表示，「好希望透過呢次機會，用自己擅長嘅音樂為社區出力、回饋社會。一份門票，唔單止可以聽到好歌，更係將祝福同援助直接送到有需要嘅人手中。」這個冬天，讓我們用愛心跟音樂，為受創的社區打氣，將溫暖及祝福，化作最實際的支持。

「星聲送暖 • 愛心音樂分享會」