《海關戰線》劇組多人染疫延遲開鏡 謝霆鋒閉關度打鬥新招

霆鋒擔任電影武術指導，為動作設計下了不少工夫！

本港第5波疫情肆虐，娛樂圈已被病毒入侵，大部份開拍中的電視劇，為免開工有風險紛已決定停拍，早前由北京秘密回港的謝霆鋒，為接拍邱禮濤的新電影《海關戰線》（暫名），原定昨天（3日）正式開拍，不過因劇組內多人「中招」，為安全起見決定延遲三星期才開鏡！

謝霆鋒為接拍邱禮濤的新電影日前由北京秘密回港。

霆鋒早前由北京秘密返港，此行是為邱禮濤執導的新片《海關戰線》（暫名）做準備，今次霆鋒除了擔正男主角外，更會兼任武術導演一職，整個故事以海關作主幹，除了霆鋒外，今年憑電影《智齒》入圍金像獎「最佳女主角」的劉雅瑟亦有份參演。儘管疫情嚴峻，但為了新戲，霆鋒爭取時間和導演及劇組幕後人員開會準備，擔任武術指導的霆鋒，為動作設計下了不少工夫！

據知謝霆鋒今次拍嘅新片同樣有好多打戲。

電影原定昨天（3日）正式開拍，不過，連日來劇組有多名幕後工作人員「中招」染疫，所以整個拍攝團隊的「期表」須要一改再改，最後決定延至3個星期後才開鏡。

新片延期開拍，謝霆鋒都冇偷懶，反而日日開會做準備。

知情人士向本報記者表示：「本來決定3月初開拍，今次係大製作，好多拍攝場地都已預先申請，時間本身都好緊湊，如無必要都唔想延期，加上延期更要處理好多手續，可惜除咗劇組人員，最後連劇務阿頭都中招，所以冇辦法的情況下都要延期，大家都以安全健康行先，暫定喺三個星期後先開鏡！呢段時間霆鋒就可以多啲時間做前期準備，況且佢好緊張呢套戲，好多細節都堅持親自參與。」

獨家丨《海關戰線》劇組多人染疫 霆鋒新戲延三周開鏡 閉關度打鬥新招

疫情大爆發，歌影視都出現染疫群組，病毒近日亦殺入電影圈，張松枝拍攝由古天樂及林峯主演電影《九龍城寨．圍城》期間就初步確診，有見及此，大部份電視劇集都已暫停拍攝，除了本報日前獨家披露由周柏豪、胡杏兒、謝君豪及李治廷等主演的劇集《獅子山下．情》仍堅持繼續開工。

周柏豪主演的《獅子山下．情》係少數仲繼續開工的劇集。

由英皇娛樂主辦、恒生保險冠名贊助, 英皇鐘錶珠寶、英皇金融、Keeta 及國泰聯合呈獻的【恒生保險呈獻: 25+英皇群星演唱會】於5月3日至4日一連兩天在啟德主場館圓滿落幕。昨晚(5月4日)舉行第二場演出, 剛完成成都個人演唱會的謝霆鋒驚喜加入, 與容祖兒、古巨基、李克勤、陳慧嫻、Twins、李幸倪、關智斌、衛詩雅、陳家樂、曾比特及VIVA 等一同表演。是次啟德演唱會的規模與製作, 相比以往週年演唱會呈現幾何級躍升, 創下英皇娛樂的新里程碑。

洪卓立獻唱《彌敦道》時，衛詩雅與陳家樂登場作劇場版演出

陳家樂登場

衛詩雅投入演出

陳慧嫻演繹多首金曲

李克勤落力表演

曾比特實力唱腔

李幸倪、泳兒等歌手合力演出

海兒高音震懾全場

第二晚繼續由 Twins的阿Sa、阿嬌打頭陣, 關智斌(Kenny)接力, 三人勁歌熱舞後, 除祝賀英皇娛樂25+生日快樂, 更在台上「互爆」連場, 笑聲不斷。說到入行多年感受, 阿Sa 感觸表示百感交集, 回想十七歲簽約公司至今, 不過話未說完, Kenny即插嘴: 「做埋人妻啦! 嫁埋啦!」全場即時歡呼, 阿嬌和應: 「可喜可賀呀!」阿Sa哭笑不得: 「喂呀! 係咪日日都要Que呢句㗎?」

第二晚繼續由 Twins的阿Sa、阿嬌打頭陣

關智斌(Kenny)接力

三人話鋒一轉, 齊齊多謝英皇娛樂金牌經理人霍汶希(Mani)。Kenny笑言: 「點解會咁有慧眼, 喺二十幾年前將我哋呢幾個岩岩巉巉嘅人執返嚟?」他自嘲當年頭髮「一支支插晒出嚟」, 阿嬌即補刀: 「同埋好瘦㗎嘛, 骨瘦嶙峋咁樣。」阿Sa聞言大讚: 「骨瘦嶙峋! 好勁呀你啲中文!」阿嬌得意回應: 「梗係啦!」Kenny 不甘示弱, 反攻阿Sa: 「你都唔差呀, 由十一吋pizza(面)而家變咗七吋 pizza(面)。」阿Sa笑住認: 「大pizza 變細 pizza。」Kenny正想「點評」阿嬌, 阿Sa即護航: 「佢冇嘢㗎, 佢由細靚到大㗎!」阿嬌卻大爆, 「你知唔知 Mani每一日打電話嚟話: 『嬌, 減肥呀, 阿嬌, 記得減肥呀。』」此時阿Sa 與 Kenny 齊聲拋出金句: 「正所謂肥過瘦過冇醜過!」全場即歡呼大表贊同。最後阿Sa 不忘多謝英皇集團主席楊受成博士, 「多謝你咁多年嚟嘅栽培。」

古巨基唱完 Medley 後透露因聲帶發炎數日

至於古巨基唱完 Medley 後即坦白身體狀況, 他透露因聲帶發炎數日, 昨日(4日)更曾咳出血絲。醫生警告若聲帶受損, 必須考慮是否繼續演唱。然而他未有令樂迷失望, 更請來四位新晉歌手曾傲棐(Arvin)、黃明德(Dark)、黎展峯(Andy)及洪助昇(Aiden)合唱, 「我衷心感謝佢哋。因為今日突然下午我諗我可能需要幫手, 佢哋義無反顧一口答應, 亦都多謝佢哋特別為我練咗呢一首我哋重新做嘅《勁金K歌》。」基仔直言: 「我好對唔住大家, 唔能夠以最佳狀態表演。」他更即場承諾: 「我答應大家, 呢首歌我入錄音室錄一個正正式式嘅版本送俾大家。」全場大叫支持。

另一焦點落在女子組合VIVA身上。出道未夠兩年, 四位成員Carina、Ada、Macy及VALC已能登上啟德主場館這個萬人舞台, 表現毫不怯場。首場演出中, 她們與師兄陳偉霆(William)大跳勁舞, 氣勢已令人眼前一亮; 來到第二場, VIVA更獲得獨立Solo機會, 跳唱最新團歌《Baby Savage》, 台風穩健, 舉手投足散發出超越新人的自信與壓台感。演出後, 眾多網民於社交媒體上熱烈討論, 紛紛大讚: 「叻女呀! 你哋今日好壓到台! 好穩! 希望可以俾更多人見到、認識VIVA。」、 「呢個 live 唱得超穩超勁呀!」、 「個live超掂, 應該吸咗好多男飯, 見前面啲男仔睇得好開心。」可見VIVA的舞台魅力成功圈粉。

出道未夠兩年，VIVA表現毫不怯場

VIVA跳唱最新團歌《Baby Savage》

全晚另一高潮, 非容祖兒莫屬。她以個人快歌與熱舞為主軸, 一口氣連續跳唱十九分鐘, 由頭到尾氣勢如虹, 舞步精準凌厲, 全場氣氛持續沸騰。祖兒特別鳴謝韓國頂尖舞團 WEDEMBOYZ 為她編舞, 該舞團曾與 NCT 127、SEVENTEEN等國際巨星合作, 亦是《LIKE JENNIE》的合編舞者, 實力毋庸置疑。祖兒更以韓文多謝: 「감사합니다!」隨後她感觸多謝英皇娛樂多年栽培, 並霸氣宣佈: 「我會繼續強大。下年! 喺度見啦!」此話一出, 全場瘋狂歡呼, 為樂迷投下震撼彈。

祖兒一口氣連續跳唱十九分鐘

全場氣氛沸騰

她感觸多謝英皇娛樂多年栽培

而日前剛完成成都演唱會的大師兄謝霆鋒亦加入陣容, 為昨日(4日)演出壓軸表演。他以全黑造型配上黑超型格登場, 攜手王雙駿及樂隊演繹多首新舊金曲, 先以充滿搖滾風的《逆行》開唱, 隨後送上經典的《遊樂場》、《非走不可》及《玉蝴蝶》, 全場樂迷自動波大合唱, 場面震撼。霆鋒將「鋒式搖滾」的狂熱再度帶到啟德主場館舞台, 發揮其狂野魅力, 為整晚演出注入最熾熱的能量, 同時亦為第二晚的演唱會畫上完美句號。

大師兄謝霆鋒壓軸

先以充滿搖滾風的《逆行》開唱, 隨後送上經典的《遊樂場》、《非走不可》及《玉蝴蝶》

全場樂迷自動波大合唱

為第二晚的演唱會畫上完美句號

首晚台下觀眾星光熠熠、名人雲集, 第二晚同樣吸引眾多嘉賓出席, 包括霍震霆、霍震寰、李家誠伉儷、譚耀宗、容永祺、趙國雄、黃少媚、譚智輝、邱浩波、謝偉俊、譚志源、葉傲冬、陳國強、黎韋詩、梁伯韜等政商界人士。娛樂圈嘉賓則有狄波拉、許冠文、陳淑芬、陳欣健、黃子華、蔡一智、蘇永康、陳茂賢及連詩雅等(排名不分先後, 以實際出席名單為準)。

此外, 英皇集團主席楊受成博士、副主席楊政龍、英皇娛樂行政總裁張雅麗、營運總裁霍汶希, 聯同楊氏家族成員、一眾英皇娛樂的資深及新生代演員亦拉大隊出席, 看足全場, 包括兩位影后惠英紅、劉雅瑟; 影帝方中信、歐陽震華、陳家樂; 以及米雪、石修、溫碧霞、周家怡、陳國邦、周勵淇、湯怡、楊天宇、何佩瑜、李靖筠、艾妮、劉若寶、郭思、朱天、阮雅、鄭嘉欣(Christine), 還有內地藝人林秋楠、梁壁荧(Biky)、戰金意、林涵、王心垚(三土)等。