霸戲哥之日常#030 │ 居家喪食

依家每朝起身，第一件做嘅事就係打開雪櫃同食物櫃，check吓夠唔夠糧食。好似返番去大學住hall嘅日子。

疫情失控，就算餐廳食肆唔禁堂食，霸戲哥都冇呢份勇氣光顧。所以當樓下茶記嘅「show me your love飯」食到冇愛，熊貓袋鼠又嗌到窮時，杯麵同Indomie自然成為我嘅救星。

「自己學煮囉！」自命「天才小廚師」嘅豬視妹一句得埋嚟。有啲嘢，你估學就識嘅咩。

肥媽同6號主持嘅無綫節目《煮‧野食》，今晚開始唔再去荒山野嶺搵食材，改為「居家版」就地取材，用冰鮮食物同罐頭煮出上等佳餚。

吖，唔知五香肉丁煮唔煮到粟米肉粒飯呢？

#霸戲哥之日常
#TVB
#全民居家煮嘢食
#霸戲哥
#豬視妹
#肥媽 #6號
#居家防疫

霸戲哥

** 博客文章文責自負,不代表本公司立場 **

印度神童Abhigya Anand又中。

上年先預言話今年３月全球經濟大崩潰。結果俄羅斯上月攻打烏克蘭，令歐洲政治局勢升溫，全球股市大幅波動。

唔使講香港就更衰，第五波新冠疫情大爆發，商舖食肆執完一間又一間，早兩日連地都震埋，震到恒指跌穿20000點（依家19224點）。唔通印度神童又識穿越？

印度神童咁準，令霸戲哥醒起「達達大師」（笑）。

李志毅套《救世神棍》喺1995年上映，當時港人面對九七回歸，成個城市彌漫住末世情緒。導演食準呢股詭異氣氛，對資本家、傳媒、政治人物同群眾嚟個全方位嘲諷，今日睇番仍然嗒落有味。當然朝偉扮神棍再加個癡癡傻傻嘅小春更是一絕。

印度神童又預言3月16日，即聽日，係決定性嘅大奇蹟日。金融市場將會有重整，財富版圖大轉移，重點係打破「貧者越貧富者越富」嘅定律喎。

咁買三T定利物浦好呢？

#霸戲哥之日常
#印度神童
#AbhigyaAnand
#霸戲哥
#救世神棍
#李志毅 #梁朝偉 #陳小春