Ben Sir主持《冇人性教育》談性經 36E波波持開心學嘢態度

節中以輕鬆角度談性。

由Ben Sir(歐陽偉豪)聯同無綫36E「咪神」黃婧靈（波波）、JoJo(黃紫恩)、吳兆麟、張盈悅、新人胡敏芝等主持J2節目《冇人性教育》大講「性經」，Ben Sir建議節目喺翡翠台黃金時間添食：「𠵱家呢個時勢大家唔開心屈住，歌舞昇平又話尷尬，最好提供正確性資訊幫到苦悶嘅香港人。」

Ben Sir跟年輕主持人用道具講解性知識。

節目中波波大談乳房大細及重量。

逢周五晚十一點於J2台播出嘅《冇人性教育》，Ben Sir帶領一班新世代於節目中公開討論性話題，也會「開箱」性用具、解構性用詞，由醫療界專家從專業角度解讀正確嘅性知識。

Ben Sir在節目中以輕鬆角度談性。

波波更放低藝人包袱，喺節目中興奮為青瓜戴安全套，又用道具測試性高潮等，言行舉止大膽。波波揚言唔尷尬，她接受本報訪問時表示持開心學嘢態度對待性知識：「不過打後拍其他節目都有啲困難，好似畀人覺得我同性有關變咗『性女』咁。」

波波為青瓜戴上安全套。

波波擁36E好身材。

對性用品大開眼界

Ben Sir要求做一個有數據及醫學角度可用嚟深入探討嘅性節目，總之用輕鬆方向講嚴肅嘢：「我冇尷尬反而愈做愈好，因為唔係涉及個人睇法及經驗。」他坦言主持節目後令他大開眼界。不過，據他了解好多老人家及長輩都唔識，要灌輸正確性知識，所以有必要再喺翡翠台黃金時間添食：「既然人人都係來自性，性教育咁重要點解唔攞出嚟講？最好放埋喺《愛回家》後播出，其實幾年前同馮盈盈及麥明詩傾開，佢哋都舉手支持，皇天不負有心人，至今C君提出才成好事。𠵱家抗疫疲勞，個個人都多咗時間留喺屋企，不如學吓新嘢啦。」

馮盈盈及麥明詩都撐性教育節目。

Ben Sir經常拍片緊貼時事。

之前Ben Sir跟傅嘉莉拍短劇《凶宅清潔師》。

Ben Sir鼓勵睇《冇人性教育》解悶 36E黃婧靈開心學習性知識

由一班靚仔靚女倪嘉雯（Carmen）、黃嘉雯（Carmaney）、廖慧儀（Jessica）、伍倩彤（Gillian）、蔡景行（行仔）等主持的飲食節目《美食新聞報道》，本周一、二、四、五晚8點TVB Plus（82台）播映。

行仔同波波「客串」一日情侶，食情人節大餐。

美食當前波波毫不顧儀態。

行仔送上小盆栽應節，並成功跟波波「拖手」。

本周六情人節又是男女朋友、老公老婆花心思為另一半籌謀吃喝玩樂日子。只要解決食的問題，距離順利過渡只是一步之遙。今晚（2月12日）蔡景行（行仔）會同波波黃婧靈「飾演」一日情侶，他們推介一間位於大角咀情調跟食物都有質素的西餐廳。他們點的情人節套餐，頭盤為生牛肉他他，波波說︰「他他牛肉用咗法松娜牛柳粒配新鮮黑松露，加埋鹹香味十足嘅芝士醬，味道更上一層樓。」緊接的招牌海鮮薄餅，徹底俘擄波波的心，爆滿的芝士加上海鮮，她興奮的說︰「成碟都係海鮮，最緊要啲芝士滿瀉出嚟。我食pizza最緊要係個芝士，呢個簡直擊中我要害。」接下來兩道菜︰西冷牛肉薄切、黑松露細扁麵，再次打中波波「要害」，原因是刨滿一碟芝士片的牛扒及芝士味極濃的意粉，完全俘獲芝士狂人的波波。

餐後甜品為可麗餅。

行仔跟波波一塊菠蘿乾兩份食。

飽嚐了一頓豐富情人節套餐後，接下來還有好戲，行仔鬼馬地以小盆栽代替花送給波波預祝佳節。而餘慶節目是行仔帶波波到大角咀人氣爆燈的可麗餅（Crêpe），他們分別點了士多啤梨香蕉配朱古力雪糕及抹茶紅豆白玉，二人還一塊菠蘿乾兩份食，幸福感滿滿亦完成一日小情侶的任務。波波接受訪問時透露今年會有另一半渡情人節，她笑說︰「今年比較特別，會同屋企隻比熊狗仔一齊過第一個情人節，今年佢剛好滿一歲所以好期待。但都會準備大餐，因為我真係好鍾意食。」

Nicole（左）、Carmaney（右）介紹一間傳統餅店。

Nicole表示這類舊式西餅製作費時。

此外，胡美貽（Nicole）知道黃嘉雯（Carmaney）嗜甜，專誠帶對方到灣仔一間逾45年歷史的老字號餅店，吃該店招牌的忌廉筒。她們分別點了原味的忌廉筒及開心果醬忌廉筒，原來兩人都是首次食這款「老餅」。Nicole形容酥皮香脆，忌廉奶香很甜，她笑說︰「好似食緊雪糕，但係穊版。」她表示這類老式西餅已買少見少，因為製作太費時，很多餅店都不願意做。