志偉指FYY只係去咗隔離，無入過雪櫃。
《講你都唔信》今明兩晚（28-29日）將由「獎門人」曾志偉與錢嘉樂，帶領馮盈盈（FYY）及鄭衍峰為第二輪比賽擔任主持，嘉賓分別為肥媽、薛家燕、陸浩明、阮兆祥、鄧兆尊、何遠東、曹永廉、車婉婉及商天娥，三隊人馬將分別圍繞「第一次」 及「講你都唔信」兩大主題進行講故仔技巧大比併，每晚分數較高一隊可晉級至第二集，並與新加入隊伍再火拼，每周均會選出終極得勝隊伍，相關隊伍有機會贏取大獎。
點擊看圖輯
新一輪主持組合。
今晚一集嘉賓陣容。
FYY 同志偉嘅互動好搞笑。
《東張西望》訪問截圖。
《東張西望》訪問截圖。
四位主持每集都有新Look。
家燕姐講到好肉緊。
肥媽到底會講咩呢？
商天娥為咗講故仔，做足準備。
新一輪主持組合。
今晚一集嘉賓陣容。
FYY 同志偉嘅互動好搞笑。
本周節目焦點及話題人物絕對非FYY莫屬，除了曾與鄭衍峰傳緋聞，早前更盛傳被雪藏及證實患上新冠肺炎，新聞多多。對此，志偉早前接受無綫節目《東張西望》 訪問時，以「四両撥千斤」方式為FYY澄清傳聞：「邊個人入過雪櫃啫？呢度冇人入雪櫃， 其實係佢去咗隔離拉番佢返嚟咋！」嘉樂仔聞言再加多兩錢肉緊幫口謂：「傳吓傳吓就變咗第二件事，人哋隔離之嘛，又話人哋雪藏。」
《東張西望》訪問截圖。
主持追問志偉是否睇中FYY與鄭衍峰是過氣情侶，所以專誠「撮合」二人，志偉聞言再搞鬼謂：「我從來唔知呢啲嘢喎，原來你哋已經過咗氣。」嚇得FYY及鄭衍峰異口同聲謂：「緋聞緋聞。」之後口多多的嘉樂仔再追問二人緋聞孰真孰假，二人再顯示默契同步謂：「講你都唔信啦！」
《東張西望》訪問截圖。
四位主持每集都有新Look。
至於家燕姐及肥媽，則為要自爆「第一次」大感頭痛，家燕姐透露事前有向肥媽求救，並有意分享第一次險失身經歷，肥媽聞言即預告內容「好激」，隨後又搞笑指自己無話可說：「第一次咁耐嘅嘢我唔記得，然後叫我講感情喎，我話吓？我冇乜咋啵。」
家燕姐講到好肉緊。
肥媽到底會講咩呢？
商天娥亦同樣為上節目做足準備，笑言帶備了陳年珍貴剪報做證據：「因為我會講一啲陳年往事，公布結果之後，我要證實真定假嘛，又或者我會講啲真嘅，又加啲假嘅落去，大家唔知嘛。」 問到會否同時開心Share當年性感美照，商天娥則大賣關子。
商天娥為咗講故仔，做足準備。
觀看相關影片按連結：https://youtu.be/g0LUdIQM5YI