博客文章
霸戲哥讀U嗰陣（二十幾年前）成日走堂，唔喺球場嘅話，就係流連VCD舖（正版）。記憶中，當時賣緊100蚊3隻，間中做特價100蚊4隻，但多數係啲舊片，又或者唔太受歡迎嘅戲。因為住Hall嘅關係，啲VCD買完返嚟周圍「pat」，傳吓傳吓，偶然會執到「荀嘢」，包括三仔……
我對美亞嘅認識，亦係由當時開始，一齣戲兩隻VCD，中間個隔成日爛，封面玻璃又花晒。不過美亞VCD係陪伴咗我好多個孤獨夜晚，而我咁鍾意電影，或多或少都同美亞有啲關係。
無啦啦講美亞，其實因為美亞娛樂最近聯同TVB推出YouTube頻道「8號電影院」，可以免費任睇超過500套港產片同79套TVB獨家製作嘅電視電影，好似豬視妹最愛嘅《行運一條龍》、《辣手神探》都有得睇，而4月1號晚有《算死草》添。
睇嚟我櫃筒底啲VCD可以拎去recycle啦。
霸戲哥
** 博客文章文責自負,不代表本公司立場 **
第九屆【微電影「創＋作」支援計劃（音樂篇）】 賽果揭曉！我偶像邵音音憑微電影《電音女神》奪得專業組最佳微電影女主角銀獎，金獎就由葉巧琳憑微電影《意外》奪得。
霸戲哥第一時間恭喜音音姐，佢知道得獎受寵若驚，猛讚啲後生仔創意無限心思細密：「我呢啲老人家叉隻腳入去，好易畀啲長江後浪推前浪。多謝大會，我都諗到同佢哋冇得比。」
喺呢個咁艱難嘅時間，仍然拍得出高水平嘅製作，的確唔易，音音姐話：「香港有咁多有才華嘅後生仔唔怕做電影呢行，繼續為佢哋理想努力，令我覺得香港電影工業可以繼續推進。」
至於成個頒獎禮嘅大獎、專業組最佳微電影製作大獎金獎，由朱家誠執導同編劇嘅《與盧亭對談》奪得。套戲係關於盧亭嘅口述歷史，大家都知道盧亭同香港人有密不可分嘅象徵意義，入面故仔想表達啲咩？都係嗰句，明就明囉。只可以話，絕對值得一睇。
所有得獎短片呢度有得睇。
https://www.microfilm-music.hk/1st_microfilm/
專業組
最佳微電影製作大獎金獎：《與盧亭對談》
最佳電影製作大獎銀獎：《意外》
最佳微電影製作大獎銅獎：《你在記憶中走來》
最佳微電影男主角金獎：雷有輝《超時空旅行團》
最佳微電影男主角銀獎：李浩軒《茶記等》
最佳微電影男主角銅獎：馬檇鏗《魚鱗》
最佳微電影女主角金獎：葉巧琳《意外》
最佳微電影女主角銀獎：邵音音《電音女神》
最佳微電影女主角銅獎：譚杏藍《你在記憶中走來》
最受歡迎微電影獎：《超時空旅行團》
最佳微電影美術指導獎：《你在記憶中走來》
最佳微電影編劇獎：《意外》
最佳微電影攝影獎：《與盧亭對談》
初創企業組
最佳微電影製作大獎金獎：《不見了貓》
最佳電影製作大獎銀獎：《蠅》
最佳微電影製作大獎銅獎：《Morning》
最佳微電影男主角金獎：安俊豪《Hello World》
最佳微電影男主角銀獎：鄒旻諾《親愛的，我回來了》
最佳微電影男主角銅獎：SADJAY《不見了貓》
最佳微電影女主角金獎：蔡紫晴《帶菌者》
最佳微電影女主角銀獎：龔柯允《失戀傷⼼轉移速遞》
最佳微電影女主角銅獎：TABI《Morning》
最受歡迎微電影獎：《花之音》
最佳微電影美術指導獎：《Morning》
最佳微電影編劇獎：《Hello World》
最佳微電影攝影獎：《Morning》
