如果戲院4月21號開得成，霸戲哥會第一時間衝去睇Nicolas Cage（尼古拉斯雞治）嘅《喪盡癲才》。
呢種睇戲嘅衝動，我諗要追溯番去上世紀。嗰時啱啱考完會考，就約埋同學去睇《Con Air》，冇錯，就係為咗睇雞治。至於佢點解由票房巨星變成票房剋星，到呢刻我仍然R晒頭，明明佢嗰種歇斯底里式癲狂同明明唔靚仔但懶情深個樣，絕對係獨一無二。
Nic Cage喺《喪盡癲才》擺自己上枱，飾演番觀眾心目中那個癲癲得得嘅自己。就咁睇英文名The Unbearable Weight of Massive Talent，就知佢有幾狂妄同目空一切。套戲可以話極盡挖苦之能事，講佢點兜踎同濫拍，當然唔少得嘅係亂買恐龍骨搞到差啲破產啦。
但你唔好理，Nic Cage淨係憑呢齣戲就可以還清債務大翻身，我哋有冇咁多人生經歷可以出賣，而又賣到錢先？
所以話，宇宙巨星點兜踎都係宇宙巨星。BTW，有冇人同霸戲哥一樣，覺得雞治個樣好似甄子丹？
霸戲哥
** 博客文章文責自負,不代表本公司立場 **