婚姻危機變轉機。
現年53歲的伍詠薇近日接受網上平台節目《月傾會》的訪問，首先當然要談到她最近在TVB新劇《金宵大廈2》的單元《雙魚》中，飾演操控狂阿媽角色，伍姑娘透露為角色刻意減磅，成個人又凹又乾：「我特登跌到去47kg，之後再dehydrate（脫水），拍緊嘅時候唔飲水、唔食嘢再dehydrate，乾住唔上妝！」她又表示絕不介意飾蘇皓兒的媽咪。問伍姑娘有否留意現今樂壇？伍姑娘即說：「193（ERROR郭嘉駿）最近嗰隻歌都幾好聽喎！仲有姜濤 《蒙着嘴說愛你》嗰啲啦，我覺得佢好勤力囉，我幾like佢，如果佢做我個仔，我會教得佢更加好！」她又表示可以跟姜濤合作拍類似西片《畢業生》題材的電影：「姜濤鍾意咗我，但我係佢同學嘅阿媽，咁都得！」
點擊看圖輯
伍詠薇接受老友林柏希的網上節目訪問。
一向大情大性的伍姑娘，在訪問中暢所欲言。
直認欣賞姜濤夠勤力。
直言跟老公練海棠已甚少性生活。
伍姑娘直認還很掛念亡夫翁江培。
兩人婚姻的小風波，反而造就他們更珍惜對方。
當然要接受《大膽答 冇膽食》的挑戰。
原來最怕食榴槤。
伍詠薇自爆跟老公冇乜性生活 直認對亡夫翁江培念念不忘
伍詠薇接受老友林柏希的網上節目訪問。
一向大情大性的伍姑娘，在訪問中暢所欲言。
談到與練海棠的婚姻生活，真性情伍姑娘坦言：「性生活少咗好多，因為對咗同一個樣20年，你試吓對一個女人20年，靚到李嘉欣咁樣呀，都要搵伍詠薇啦！」至於多久一次有性生活？「唔定㗎喎，咁8年都有一次嘅！你問我問題，你理得我點答你啫！」認真抵死！再談到早年老公曾被拍得和妙齡少女出街，當年伍姑娘選擇原諒：「我係冇嬲，我反而第一係諗吓自己，呢件事發生一定有原因，自己有咩問題，有冇問題，大家商討囉，傾得埋就合，傾唔埋就分手！」
直認欣賞姜濤夠勤力。
直言跟老公練海棠已甚少性生活。
提到亡夫翁江培，伍姑娘說如果當年不是翁江培提議她選亞姐，她很大可能已經行了另一條歪路，絕對有可能會去做舞小姐。伍姑娘形容亡夫是他的明燈，又坦言：「我係掛住你㗎，翁，所以我覺得啲人話我生命裏面有咩遺憾，真係陰功呀，咩陰功啫，上天有好多嘢安排晒，我無悔第一段婚姻，因為第一段婚姻，令到我學識好多嘢，同埋係我真愛！」
伍姑娘直認還很掛念亡夫翁江培。
兩人婚姻的小風波，反而造就他們更珍惜對方。
後來去到節目環節《大膽答 冇膽食》，今次預備了伍姑娘最怕的榴槤，主持林柏希問入行33年的伍姑娘有否遇過令她發脾氣的對手，伍姑娘透露有兩個，但卻沒有開名：「兩個字，男人，兩個！失蹤唔到、另一個飲醉！」她又給了四個字提示：「芳華絕代！」給網友猜到哪兩位男星。再問伍姑娘最曳做過哪一件事，她坦認中學時曾被踢入三合會，感情上又試過搭上別人老公囉，還不止一個。
當然要接受《大膽答 冇膽食》的挑戰。
原來最怕食榴槤。
伍姑娘參加1989年亞姐，當年冠軍翁虹、亞軍萬綺雯及季軍趙靜儀，大熱的伍姑娘只獲「最上鏡小姐」。當年有否最不喜歡誰？伍姑娘笑謂：「又係兩個字呀！翁虹其實係炒作到我同佢唔啱咋嘛！冇乜特別憎，當時可能憎幾嘢咁囉，即係可能覺得你咁樣撥吓啲頭髮，作狀，作狀到佢；萬綺雯『耶』一聲咁樣，作狀，即係呢啲囉！」
伍詠薇自爆跟老公冇乜性生活 直認對亡夫翁江培念念不忘
