「宅女」伍詠薇罕有現身工展會自爆愛購物曾收穫兩車戰利品

伍詠薇日前罕有現身維園工展會，為代言的馬百良健康產品擔任一日店長，吸引大批途人圍觀，爭相自拍、攞簽名，現場氣氛有如小型見面會，她笑謂：「今日嚟嘅朋友都好熱情，賣咗好多貨好開心，大家都好肯使錢！」伍姑娘表示滿意自己的銷售額，更想不到首位客人是男士：「佢哋講得啱，就嚟聖誕要諗送咩畀朋友，送健康產品係好選擇，自己健康都想啲老Best健康！」

伍詠薇日前罕有現身維園工展會。

為代言的馬百良健康產品擔任一日店長。

現場氣氛有如小型見面會。

伍姑娘自己亦正準備聖誕禮物，最愛手寫聖誕咭：「係咪好Old School？我覺得人與人之間，多咗好多電話、Send個message講Happy New Year或者Merry Christmas就算，我啱啱收到喺柏斯嘅二哥寄畀我嘅聖誕咭，好窩心！」

伍詠薇

伍姑娘大送簽名年曆卡。

伍姑娘透露平日是宅女，很多人以為她不會逛工展會，其實她最愛到會場購物：「其實我好多朋友都做產品，所以有好多老闆朋友喺度，我呢啲小婦人嚟到就『喂老闆，我嚟撐吓你！』跟住大家又畀好多產品我。最高紀錄嚟足四年，有兩年仲要借人哋鋪頭啲大車仔，拖咗兩車戰利品返去！」

伍詠薇

伍詠薇

最近網民瘋傳30年前，伍姑娘在十大中文金曲奪新人獎銀獎的片段，她說：「唔怪得呢排啲朋友係咁話我攞獎啦，95、96年嗰段片嘛，我首《失落於巴黎鐵塔下》呀嘛，我有印象！」她笑指初時看到片段感奇怪，但很開心大家仍然記得，還表示自己與「失」有緣：「我有《失落於巴黎鐵塔下》、又有《失樂園》，我同失字好有緣，所以我有咩都失而復得，哈。」伍姑娘亦有留意Jeffrey的作品《失約巴黎》，更表示有興趣與對方合唱。

伍姑娘30年前在十大中文金曲奪新人獎銀獎。

伍姑娘有留意Jeffrey，並希望和對方合唱。

對於再為《全民造星》擔任評判，伍姑娘讚參賽者表演幾好：「我係中段選未去到最後，都會望吓電視，睇吓心水嗰一、兩個，我估自己今年都會Tip中（賽果）。」問到會否被燃起唱歌癮？她指自己同樣熱血：「熱血唔分年齡，我都想同佢哋Jam吓歌，睇到佢哋愈嚟愈成熟，好Good。」

伍詠薇

伍詠薇、李凱賢（Brian）拍攝HOY節目《九運會客室》在網上大受歡迎，當中嘉賓爆料環節令人非常期待！伍詠薇表示節目嘉賓以「中女」為主，充滿人生故事：「節目個內容我都有興趣嘅，因為我自己都中女嘛。節目中有師傅坐鎮，我覺得成件事都幾大包圍！我個人覺得同Brian有化學作用，互相做『上、下把』，大家一路進步緊，愈做愈舒服、愈訪問得愈好！」

《九運會客室》

《九運會客室》

李凱賢

李凱賢

伍姑娘表示邀請嘉賓時，曾試過被人「拒絕」：「佢哋都會睇定啲嘅，依家佢哋 know 咗我哋嘅內容，有啲朋友會打嚟話想上我嘅節目！依家訪問中女有返咁上下年紀啦，以前以前點樣捱呀，去到依家點樣成功，我希望好多香港嘅女人見到『原來我都可以做我想做嘅嘢喎！』Just do it!」

伍詠薇

伍詠薇

伍詠薇

Brian笑指以為50歲以上才稱為「中女」，笑指拍檔伍姑娘做「『阿嬋』級」主持：「我當然知伍詠薇小姐係邊個啦，咁第一次接觸，我feel到佢個人真係nice嘅，即係有時可能啲動作比較癲咗少少，一路做慢慢夾，我feel到佢一個好嘅人！」Brian表示最難忘與羅霖訪問：「羅霖係其中一個最鍾意嘅，佢真係好好！當年嘅《真情》首歌好似國歌咁，一聽到就要起身致敬。」

佢哋二人預告今晚播出版將訪問簡慕華及梁嘉琪，當中更涉及娛圈「鹹豬手」，伍姑娘重提昔日往事：「當年我未入行去坐地鐵，遇到一個人用性器官『頂』住我，我已經中途捉住佢嚟鬧，好在身邊都好多街坊幫手，其實我想話俾大家知遇到呢啲嘢要講出嚟！」伍姑娘亦話冇預期楊思琦嘅訪問會炒起話題，更大讚對方！

二人聊得興起之際，有線寬頻首席內容官嚴嘉念表示正計劃開拍第2季，期望今年內添食：「依家網上播放足本係新興趨勢，佢同傳統嘅電視觀眾係兩批客群，變相網上好似『第4個台』咁，加上網上審查冇咁嚴格。開拍新一季最緊要主持有期拍攝，期望今年內開工。」

伍姑娘亦話冇預期楊思琦嘅訪問會炒起話題，表示二人合作過兩次，更大讚對方準時，合作得好舒服，：「因為我作為一個主持去分享一件事而冇參與過嘅，咁我係分享緊、講緊人地嘅事，咁出嚟好大迴響都係問返佢唔會問我嘅。咁啱工作我有份參與，我自己係將一件真實拍戲有喜、有落，有開心、有唔開心嘅事分享。我地係分享型式，我係估唔到有咁大嘅迴響，『邊個邊個、誰是兇手』嗰啲遊戲，我就無玩呢一樣嘢、無諗過呢一樣嘢嘅。如果你問我係咪邊個？我係唔會答。因為我同思琪妹都覺得因為節目嗰度講開呢個話題，就講開呢件事去做，而且真人真事嚟，佢都知我地會傾呢件事。」