博客文章
資深藝人曾江今日被發現倒斃在一尖沙嘴檢疫酒店內，享年87歲。人終須一死，但若是失救致死，那實在太遺憾。
昨晚霸戲哥才跟豬視妹講起雪妮，據講TVB劇集《食腦喪B》是她最後一部作品。而雪妮當年的銀幕拍檔，正是曾江。
曾江絕對是上世紀上流精英：家境富裕，又在外國浸過鹹水，說得一口流利英語，還要有俊朗外表。如此package基本上在職場上橫行無忌，但偏偏選擇做演員，明顯就是出於興趣。結果一做便70年，從未退休。甚麼叫忠於自己職業，大概就是如此。
我想最可憐的還是王馨平，一個月內父親和舅父相繼離世，受幾大打擊可想而知。
世事無常，珍惜眼前人才是最重要。
霸戲哥
** 博客文章文責自負,不代表本公司立場 **
相信喺金魚缸搵食嘅一眾股佬，都冇得唔信邪，無綫深宵時段重播鄭少秋套《天地男兒》，撻着咗「秋官效應」（aka Adam Effect），恒指早兩日已跌穿20000點，連翻車魚「mola mola」都浮埋上水，預先應驗股壇所講嘅「五窮六絕」。
豬視妹唔好股票，股市跌成點冇乜所謂，但重播《天地男兒》喎，雙眼即時發晒光。套劇展示咗咩叫真正嘅星光熠熠，你睇佢晒冷影相都可以排幾行：男嘅有鮑方、關海山、秋官、潘志文、羅嘉良、李子雄、古天樂、張智霖，女嘅有陳松伶、張可頤、伍詠薇、白茵、夏萍，呢個卡士依家真係好難再見到。
噚晚第一集，一開場睇住秋官喺灣仔捉犯跑十幾條街，已經壓得住場。依家你想封街拍戲都難啦，同埋邊度有咁多臨時演員吖。套劇有成65集，睇嚟霸戲哥同豬視妹又要推遲個生理時鐘嘞。
