今晩來到《嫁衣》下集，操控狂@hubertwu 胡鴻鈞監視mode全開，徹底監控@shi_ga 連詩雅嘅一舉一動，仲hack埋對方手機個GPS，連詩雅24小時嘅起居飲食，都逃唔過胡鴻鈞嘅電眼。
與此同時，連詩雅亦開始意識到胡鴻鈞係control freak，感覺唞唔到氣。導演巧妙將呢種窒息感覺，用連詩雅畀件嫁衣緊緊箍實去比喻，都算係神來之筆。
當觀眾以為呢個只不過係狗公俘虜女神嘅故事，但原來終極控制狂，係件「嫁衣」。佢可以操控一切，包括連詩雅嘅生死。
胡鴻鈞雖則戀態，但總算似番個人，為咗救連詩雅，願意犧牲自己，同「嫁衣」共諧連理。
操控唔係真愛，為愛犧牲先係。
霸戲哥
** 博客文章文責自負,不代表本公司立場 **