母愛並唔係人類獨有。但地球上只有人類先咁偽善，要特登設定一日去歌頌母親嘅偉大，好似其餘364日都唔使理阿媽咁。
喺大自然界入面，野生動物唔會開口埋口將母愛掛喺口邊，因為確保嬰兒有足夠溫飽同遠離危險，係哺乳類動物嘅天性同責任。延續下一代，只不過係順應物競天擇呢條原始法則。
Netflix最新上架嘅野生動物紀錄片《野生動物寶寶》入面，記錄咗16種唔同嘅動物BB嘅生活片段，當中有海獅Tabo、獅子女Kaya同埋小笨象Jasiri等等，當中佢哋會遇到好多生存難題，都要靠媽媽幫佢一齊渡過。
睇住啲媽媽義無反顧咁為佢哋遮風擋雨，作為人類嘅我同你，只會越睇越覺得慚愧。
霸戲哥
** 博客文章文責自負,不代表本公司立場 **