霸戲哥之日常#182 │ 馬馬杜

我家小狗大爺雞最近越來越大支嘢，手撕海南雞要餵埋口先食；三更半夜打橫瞓晒半張床；又嫌平日小便個兜兜污糟，唔肯企上去屙。我feel到豬視妹抹地抹到想鍊死我。

係咪應該搵馴犬師調較一下？

情況就好似Netflix最新上架嘅卡通片《酷狗馬馬杜》（Marmaduke）咁，主角大丹狗Marmaduke同大爺雞一樣，最叻食玩瞓同搞破壞，主人Phil一家搞佢唔掂，諗住搵冠軍馴犬師幫拖，鬧出連番笑話。

《酷狗馬馬杜》係古天樂嘅天下一動畫（One Cool Animation）嘅首部作品，而《Marmaduke》係改編自同名報紙連載漫畫，由漫畫家Brad Anderson喺1954年創作。有別近年嘅為成人而話嘅「卡通」，《酷狗馬馬杜》係真係適合一家大細一齊睇嘅，睇完保證開開心心。

最估唔到嘅係，大爺雞都睇到入晒神，跟住啲卡通一齊手舞足蹈。睇嚟唔使請馴犬師嘞。

霸戲哥

** 博客文章文責自負,不代表本公司立場 **

年年嘅母親節已經變成一個商業活動，唔少商店都推出限定優惠促銷，連電影公司都不敢怠慢，趁住呢個今日咁特別嘅日子，食住個勢宣傳一番。

由銀都、英皇、寰亞同天下一共同出品嘅電影《一樣的天空》，可以話係大堆頭製作，
超過三十位明星參與演出，淨係導演都四位（陳翊恆、潘梓然、侯楚峰、葉正恆），由份量級嘅莊澄監製。

套戲係關於四個年青人喺香港成長嘅故事，年份貫穿90年代至今，相信都係一齣勵志電影。