睇新聞報道，得悉前壹傳媒營運總裁周達權，轉做控方證人，在肥佬黎被控隱瞞科技園公司容許自己的力高顧問公司使用蘋果大樓一案中，講出事實內容。有老友電話通報，說老周被人在網上說是二五仔反骨篤灰仔。
我聽完就非常不滿，上法庭講事實講真話，就叫二五仔，又叫反骨仔，仲叫篤灰咩。打份工幫壹傳媒做事，幫肥佬黎工作，你估不用返工，不用做事㗎，不用被肥老黎問候老母呀? 做事出糧，冇出汗冇做事㗎? 返工出糧，天公地道喎，點解要講大話，要坐監喎? 調轉頭講，你班肥佬契弟，滿口義氣，胡亂批評老周是二五篤灰仔，如果你哋班黑暴黃絲去坐監，你哋班肥佬黎契弟，及所謂死士，一定嚇到周街瀨尿瀨屎喇。點解我咁肯定，因為我親眼見過，有位肥佬的佔中十大死士，嚇到瀨屎又瀨尿呀。你們班仆街仔今天咁口響，話老周二五仔篤灰仔。上法庭講事實，咁都有錯嗎？你們班粉腸人渣，講人是非，就大大聲，就天下無敵，咁夠薑，上山打遊擊，我就話你這班美帝契弟，有義氣夠英勇嘞。我知道周達權，無畏無懼，出庭作證，講出事實，我就第一時間，給老周留言，我支持你老周，講事實為香港，救香港人。
前壹傳媒營運總裁周達權。
講開周達權兄，我喺近十年前，在佔中之前，我同佢有一次在觀塘apm利苑酒家吃午飯，他就講起近幾年，蘋果日報新聞亂叉咁嚟，大話連篇，講到非常不滿意，說編輯部某位高層，令到蘋果新聞，走去極端。
我就即時說，壹傳媒得一個人話事㗎咋，嗰位叫做黎智英。你唔好誤會某高層呀，絕對唔喺某高層主意啩。要做呢啲極端新聞，一定喺你老細肥老黎嘅主意嚟㗎。周達權聽完，即時黯然收聲，默默挪起筷子，挾著利苑酒家名物，半肥瘦燶叉燒放進口，不斷蠕動，當時我只能聽到，他咬叉燒聲音。所以我証明他，是一位良善正義香港人。他只是出糧，在壹傳媒工作，並不同意壹傳媒搞亂香港，破壞言論自由新聞自由，他更是非常不認同，壹傳媒的極端新聞的一位少數壹傳媒工作人員，亦是正人君子。
星期四約咗田豐蔡與某大印刷公司廠長小肥輝，在沙田馬會中菜廳吃午餐。因為瘟疫，沒見經年，我們好似再世重遇。一坐低，牙擦大半生的蔡老闆，就肅然起敬說，「好彩當年你小強講，肥佬黎一定會拉，壹傳媒一定會封，叫我搵定後路，搵定印刷廠，否則員警封壹傳媒印刷廠時，印緊田豐馬經，我蔡錦豐三張馬經找不到人印，就要執笠。初初我都不信，因為有美帝國照住肥佬黎，誰人誰國咁夠膽呀。好彩當年得你小強，介紹我識肥輝印刷廠，當時我都是當識個新朋友，應應酬咋，點知真喺出事，壹傳媒及肥佬黎，真是給員警拉人又封廠。今天真係多謝你，但我不是沙田馬會會員，所以都是你小強埋單找數。」
講講吓，蔡老闆就問我，你知唔知壹傳媒被拉曬啲人，最近喺監獄情況點呀。我就講我最近同壹傳媒一位老兄弟，吃瘟疫兩年多開關第一餐飯聚舊。老同事就講到，壹傳媒社長張劍虹，初初就好唔忿氣好擔心好憂心，但是隨著時間，都安頓咗啦。
接住蔡老闆，即時鬧我，你黐線㗎小強，你講到張劍虹好似去移民喎，安頓咗？我接住道歉，我冇乜讀書㗎，用錯詞語我錯了。我話即喺佢適應咗，接受咗呢個事實哪，依家坐監坐得寬容咗好多呀。冇以前嗰種，日日夜夜，對住監倉欄桿，愁容苦面，擔心到天長地久。
肥佬黎想破整信封紀錄。
而大領袖肥佬黎呢，就仍然勝利心滿滿，充滿魅力，充滿領袖雄心。監獄分派做信封的工作給他，黎先生竟然問監獄官，自有做信封工作以來，每一天做信封最快最多紀錄，是幾多封? 聽到答案後，已經是七十多歲老人家的黎智英就說道，我會打破以前記錄。領袖就是領袖，不會受到年齡限制，他雖然不是偉大領袖，但絕對是好勝領袖，不理什麼環境，不理什麼困難，都仍然迎難而上，要勝利要打倒一切。這就是領袖風範哪，希望他的跟隨者，不要放棄，繼續承繼黎精神，鬥爭下去，直至香港死亡完蛋。
但是朱議員，就對住四壁監牢，垂淚不斷呢。聽聞朱兄本來就視力不好，又是大近視，入了監牢喊喊嚇，眼就越來越矇，我真是擔心這位，曾經刻苦下鄉入農村，為人民服務為理想而給美帝利用的朱議員呀。
另外一個充滿母愛的前蘋果高層大姐，她就不斷擔心獄中愛徒，擔心獄中兄弟姊妹，日日夜夜睡不好吃不好，左思右想，搞到精神恍惚。好彩她有位好夫婿，這幾年，無微不至，日與夜照顧她。
從美帝開始，抵制我們中國。我已經說，東西方開始分離，地球將會劃分出，兩個平行宇宙世界。希望你們黃絲，跟隨我們，成為現實主義者。愛香港者請留下，為自己打拼，過安定平穩生活，追求健康創富人生。藍絲們請大諒，寬容曾經犯錯，又接受懲罰的香港人，帶領他們，凝聚他們，為國家迎上，衝擊我們的巨浪，對抗侵犯我們的刀鋒。不愛香港者，請交下香港身份證，不要佔香港福利及任何便宜，去你們想去的幻想理想之地之國伊甸園，中國香港，沒有任何政府與任何人阻止你。藍絲們，不要做舊中國的死而不僵的殭屍，將被肥佬黎利用過的任何人，吸收過來，感動他們，改變他們，令他們重新上路，為自己打拼，為祖國奮鬥。
小強
** 博客文章文責自負,不代表本公司立場 **