不少人都試過搭車遺下個人物品。有網民發文指，日前其家人乘的士不慎遺下iPhone 8手機，幸有乘客拾獲，經聯絡後，司機答應將手機送還，當司機到達後，其家人主動給予500元作為車馬費及酬勞，惟司機一手收錢，一手仍緊握手電話，最後，其家人再付100元給對方才拿回手機。事件引起網民熱議，網民反應兩極，有人認為的哥「似乎太貪心」，亦有網民認為，「比$600都ok，司機要搵食，無責任專登拎番個電話比客」、「人地吉車屯門送觀塘，幫補下都應該」。
資料圖片
該名網民「的士司機資訊網 Taxi」FB發文，指上周五（20日）晚上，其年輕家人乘的士前往觀塘時，不慎將iPhone 8手機遺留在車內，好彩有乘客執到，但當時的士正前往屯門，樓主說，「事後同司機溝通，佢願意車返去觀塘」，當司機到達後，樓主家人主動給予500元作為車馬費及酬勞，「一心諗住跟錶頭再畀多少少」，但司機收錢後「無咩表示，樓主說，「司機不發聲，一手揸住電話，一手接住張$500，並無意欲放手歸還手機」。
資料圖片
樓主稱，家人見狀隨即追問的哥，惟對方當時未有說話，僅一直用雙眼望住其家人。最終家人將銀包內最後一張100元給予司機，「佢先肯放手歸還(手機)」。樓主直言「屋企人年紀細唔識反應比你恰到」。
資料圖片
事件引起網民熱議，有人認為的哥「咪貪心」、「直頭係勒索」、「畀500應該嘅，再𦧲埋多100有啲過分」、「攞住部電話唔肯畀返人嗰下好核突」。另亦有網民留言，指事主給予車馬費「好正常」、「司機係搵食，商業車，無責任專登持個電話比客，所以，客都要高級感謝」、「睇錶俾錢只係佢送嘢嘅酬勞，人哋咁好肯送返過嚟，俾多幾百當答謝都啱吖」；亦有人認為「正常嘅處理方法交畀差館，現代社會保障自己」。
資料來源：「的士司機資訊網 Taxi」FB
資料圖片
有的士疑誤衝何文田屋苑消房通道，意外撞斃狗仔及撞傷一名坐在BB車上的小童，意外引發熱議。
的士誤衝屋苑消防通道
有網民於Facebook群組 「車cam L（香港群組）」發文，表示日前目擊一家三口帶著狗狗到何文田屋苑樓下的公園散步，當時父母推著BB車，車內有一名男童，狗狗並沒有繫上狗帶。
突然，一架載客的紅的直衝屋苑消房通道，樓主憶述「的士佬又再唔睇路，明明成隻狗仔，加BB車，成家人都兜嘢噬埋去，喺畀住油嗰隻」。
(FB圖片）
狗仔當場被撞斃 男童則擦傷
不幸的是，狗仔當場被撞斃，而BB車上的男童亦有擦傷。從樓主上載的影片可見，涉事爸爸立刻上前質問司機，並大聲指罵「話衝入嚟就衝入嚟！」背景亦聽到一名女士的哭泣聲，相信是涉事媽媽因狗狗突然離世而哭。不過，樓主指司機並無悔意，只落低個窗，輕輕交低一句「報警囉」。
(FB圖片）
事主留言還原真相
帖文曝光後，涉事媽媽留言表示「我係狗主家人，請問有無當時狗狗係車轆附近相片？要交向警方處理」、「個個位置有閘口同有看更亭，正常係要停。我地係行人路，佢無收油直沖上黎」、「佢上斜我地落斜」。她又表示的士司機不但毫無悔意，更故意撒賴「佢依家話我地打左佢一拳要驗傷，仲話要玩到底」。
(FB圖片）
(FB圖片）
網民大罵的士司機
不少網民憤怒表示「記得帶小朋友睇醫生，比駕的士嚇親，慢慢同佢計數！」、「唉！狗狗安息，希望個官重判，動物都有生命，都要尊重」、「佢重唔落車果下，真心人渣黎」、「釘牌就最好，咁樣嘅揸車態」、「要報警追究，也希望小朋友儘早擺脫陰影。揸車真係要小心，一隻這麼可愛的小狗嘅生命就咁俾你斷送」。
亦有網民批評事主無用狗繩
不過，亦有網民指責事主沒有用狗繩「法例細狗唔需要狗帶係因為攻擊性弱，但唔代表你唔會俾車轆死，天陰陰你放隻灰衫bb在馬路爬行一樣會被轆死，要怪就怪無好好保護佢果個！」
事主解釋為何未用狗繩
樓主則回覆表示「當時位置係呢到，問點解行出馬道既，因為傷殘通道出口係依邊。交通部都接左手同埋有度狗繩長度。希望唔好再因狗繩之類去嘈。當時閘口位係有兩車並排既空間。我地只係氣憤司機出事後無落過車/教低車窗去睇下咩事，甚至乎笑容滿面。當警察黎到佢先落車行到好遠，仲出言不遜，最後小朋友已經送醫。狗仔都接走處理後事，多謝」。
(FB圖片）
帖文來源： 「車cam L（香港群組）」
