仔女發生意外，特別是傷及身體的，身為父母的都好緊張，但傳統的父母因愛子心切，又不太懂得用語言表達憐愛之心，通常都會以責備代之，日前就有一位港男在社交平台發文，指自己不慎跌倒，母親不但沒有關心，反而是責備他，令他非常無奈，而帖文就引發大批網民的共鳴，紛紛分享類似經歷。
示意圖。AI生成圖片
樓主深深體會咩係「blame the victim」
一位港男在社交平台發文，指日前自己不小心在「牛池灣仆X，左邊眼眉位置爆左」，傷勢嚴重到要「去急症室縫咗六針」。但當他回家向母親「講返跌親個情況」時，母親竟第一句就責罵他：「好人好姐你好地地走到去咁遠做咩，唔熟又唔睇路！」令他體會到甚至是「blame the victim」 (責怪受害的那個人)。事件中他是受害者，反而卻遭到母親的責備。他大感無奈呻到「大佬我宜家係咪知道牛池灣有個靚位係仆X勝地，所以特登去試下個地係咪真係咁硬？」
示意圖。AI生成圖片
示意圖。AI生成圖片
網嘆：換來無止境不間斷既責罵
港男的遭遇引來不少網民共鳴，他們在帖文下紛紛回應，並分享類似經歷。有網民指「之前係越南出車禍，人生第一次縫10針係隻腳度。我返到香港只係簡單講左句跌親整損，因為我一誠實交代所有野，係會換來無止境不間斷既責罵&仲會間歇性提返起喱件事，直到佢死亡為止」、「我腸胃痛咗幾日，我腸胃痛前果晚去咗個friend度食飯，之後凌晨佢個女發燒又嘔，我個friend之後都發燒，我尋日終於好少少，佢講咗幾次話我病就唔好去人哋屋企，整病埋人哋個女」、「一月中我碌左落樓梯骨折，入左院settle down我打比家母，然後佢一輪咀話我唔小心呀，咁都睇唔到樓梯呀，唔夠營養呀，骨質疏鬆呀」。
示意圖。AI生成圖片
網民坦言：佢地都係話左你唔岩先
不少網民都認為「亞洲父母最鍾意二次傷害」，批評指「無文化嘅上一代就係咁，完全唔想同佢地有交流，就算好事都唔會戥你開心 只會奚落人」、「永遠有事上黎，雖然心知佢地想關心，但永遠佢地口出果句都係話左你唔岩先」、「佢地字典入面係無『將心比己』呢4個字」，而樓主都有感而發慨嘆「家家都有難相處的老母」。
