跳出舒適圈挑戰更多可能性 黎展峯：我還有青春通通不怕

24歲的英皇新人黎展峯（Andy）去年參加網上音樂選秀節目《冤枉新秀訓練營》進入最後三強，今年正式出道的他日前推出首隻派台歌《跳》，歌曲寓意我們的生活中有很多未知數，但我們有沒有勇氣跳出舒適圈。

Andy首支派台作品《跳》於10日上架。

觀看相關影片按連結：https://youtu.be/7GvdiGURuEg

為何會選擇這個題材？Andy表示：「因為我覺得我24年入邊冇乜太特別嘅事情發生，我希望自己有一啲突破特點，所以周耀輝老師同我討論之後就寫咗跳呢首歌，用來提醒我自己同同我一樣嘅年輕人。」並表示自己最鐘意的歌詞是「我還有青春通通不怕」，因為自己做事考慮太多，但這句歌詞令他覺得現在還有時間，還有青春可以去衝，無論結果如何。

離開自己舒適圈，學識去挑戰。（本網記者攝）

跳出舒適圈的Andy的希望未來可以想不同的歌和不同的曲風，「因為想大家可以見到唔同面向嘅Andy......同埋係歌嘅製作上面我都想有多啲自己嘅idea，咁樣可以令大家更加了解我嘅諗法同感受」，並且認為無論學習結果如何過程更加重要。

Andy希望用歌曲表達內心諗法，大家可以更加了解自己。（本網記者攝）

Andy最欣賞的前輩是張敬軒，「我最欣賞佢嘅心態，因為佢係入圈多年嘅前輩，但係佢會因為隨著時代變化而不斷學習新嘢，而且佢唔係學咁簡單，佢仲可以做得好好。」軒仔之前亦曾在《冤枉新秀訓練營》中擔任評審，Andy透露在比賽中對方教他「點樣有鋪排有層次」，他也將偶像這句說話利用在新歌中，構思要在什麼時候投放適合的感情。

Andy表示向偶像張敬軒學習，成為一個更加全面嘅人。（本網記者攝）

Andy與張敬軒。

正式出道推出第一首派台歌，家人的支持對Andy來說是一個令他得以堅持下去的動力，因為他有想過放棄的時候，但家人都不斷鼓勵他，「佢會話：『我想睇下你行到邊啊，其實你努力咗咁耐，冇理由咁容易放棄！』無論件事係結果好與壞都好，佢想睇下佢個仔可以去到咩地步。」Andy又透露家人雖然沒有特別點評他的歌曲，但就有期待他之後出什麼類型的歌曲，不過Andy就一直保密，因為他希望家人能有驚喜。

Andy與媽咪

最後，問到之後會想出怎樣的歌曲，Andy表示要先「賣個關子」，「因為今次呢首歌叫《跳》，但係跳完之後係有好多唔同嘅可能，我都想每一個人去想象一下，跳完之後會發生啲咩呢，唔想太快下定論，但係其實已經有一定嘅方向，大家拭目以待吧」。

《跳》之後有更加多可能性。（本網記者攝）

Andy：

Salon: @mindner.professional

Hairstylist: @ladolko Ladol Ko

Makeup: @andylai_219

Venue: Mustard Seed Co-working Space

其中一位參賽者追問張敬軒：「我想問吓你着泳衣條數幾時找？」軒仔回應：「我話俾你聽我操緊呀真係！」

張敬軒、Gin Lee李幸倪、泳兒（Vincy）、黃明德（Dark）、黎展峯（Andy）及洪助昇（Aiden）日前到海洋公園出席《EEG電笠人人和音校園巡演》，劉若寶（Polly）擔任當晚MC，活動邀請了南區七間中學的學生及一些低收入家庭入場欣賞演出，目的是希望透過歌手分享自身經歷，鼓勵學生積極面對問題及認識自己，面對疑難時，總會有方法解決及抒發的途徑，他們並不孤單。

《EEG電笠人人和音校園巡演》。

Polly劉若寶

六位歌手除了唱歌，更與觀眾大玩遊戲，台下觀眾反應熱烈。壓軸出場的軒仔除了唱出《隱形遊樂場》及《青春告別式》，更帶來小手信送給現場觀眾，「今年我發行咗一款月曆，有我嘅玉照。」隨即引來全場起哄，而站在軒仔身旁的Vincy出奇不意一句：「係咪着泳衣㗎？」觀眾又再次嗌爆場館，這時其中一位參賽者乘機追問軒仔：「我想問吓你着泳衣條數幾時找？」全場大聲歡呼，軒仔回應：「咁多人記得㗎咩？我話俾你聽我操緊呀真係！」

軒仔遭參賽者追數，「我想問吓你着泳衣條數幾時找？」

去到問答環節，有學生問軒仔，自己於社交平台跟人嗌交，但其實他只是想表達自己真正觀點，卻被人攻擊，十分激氣，軒仔認為Social Media已經是我們生活的一部份，是一個讓人發表自己意見的地方，「每一個人都有自己嘅觀點、有自己想講嘅說話，只要唔係好傷害到人，我覺得係應該要互相尊重。我覺得學識去聽人哋嘅說話或者接納人哋嘅意見、學識思考，就算佢講嗰樣嘢唔係自己所認同，都要嘗試去認識，『哦！原來呢個世界有啲人係咁樣諗嘢㗎喎。』我覺得對自己嘅修為、對自己智慧嘅增長都係一個有好嘅提升。」

軒仔與學生分享表達自己真正觀點，以及決自己不開心的方法。

軒仔分享解決自己不開心的方法就是幫助別人，「好多嘅小行為、好多嘅善事你都可以嘗試去做，因為你發現原來喺幫人哋嘅過程當中可以療癒到自己，『勿以善小而不為』，你對你鄰居、對屋企人、對身邊嘅同事、朋友，伸出你嘅援手，你會發現原來自己嘅價值就係喺嗰啲地方體現，而唔係發幾多脾氣、喺網上鬧人，所以希望大家同我都一樣喺日常生活當中、喺呢個修羅場裏面，好好咁提升自己嘅智慧，搵到一個屬於自己嘅遊樂場。」

Gin當晚唱出新歌《Diff.》及《企好》，兩首歌曲亦十分正能量，她認為聽歌是一個很好抒發負能量的方法，有學生問到因為自己想成為youtuber，但父母想他找一些比較踏實的工作，令他十分懊惱，Gin隨即分享自身經歷，「鍾意同擅長係兩樣嘢。如果十個有九個人都話你唱歌好叻，咁就有好大嘅可能你係唱歌好叻，如果你好鍾意唱歌，但得一個人話：『嗯……都可以吖。』咁你就要諗一樣嘢係咪未必啱自己呢。』」

Gin唱出新歌《Diff.》及《企好》。

Gin續說：「好似我想做歌手，一個我好尊敬嘅一位音樂人佢同我講：『你唔應該做歌手，如果你要做歌手，就唔該你廢咗你全身嘅武功，重新學過啦！』嘩！呢一個feedback來自我一個好尊敬嘅音樂人，我聽到嘅時候傷心咗好幾日。我好想去證明俾我得或者唔得，所以我透過自己嘅努力去搵答案，俾個時限自己，如果做到嘅話，咁我就搵到個答案；如果試咗好一段時間都未得，咁我又要再諗一諗呢條路係咪啱自己呢？呢條路其實係好漫長，需要好多毅力、堅持、耐性，當你想放棄嘅時候，你再諗返起你嘅初心。」

Gin又分享自身經歷。

另外，有學生問到，自己經常被誤會「好串」，其實只是不想說話，但又不想解釋，問應該怎樣做。Vincy即道：「好似講緊我咁嘅？」原來她入行初期都遇過這情況，「有啲人認識咗我之後，同我講返以為我好有距離，但識咗我之後原來我都唔係真係咁串，我又覺得幾好，因為當對方深入了解咗你之後就會有個反差。所以我覺得你唔需要去解釋，唔一定個個人都鍾意你，最緊要係你嘅心態，只要你自己覺得其實我個人係唔串嘅，咁就已經好足夠，唔需要迎合別人，做返自己。」而Andy及Aiden則表示會透過做運動來紓緩壓力，Dark感到有壓力時便會寫歌，在歌曲中表達一切。

Vincy分享入行初期被被誤會「好串」的情況。

Aiden洪助昇

Andy黎展峯

Dark黃明德

大合照