霸戲哥之日常#227 │ 驚天奪寶

古今中外電影界，久唔久就會有啲所謂嘅「小道消息」，同傳媒放風話邊套電影拍續集，又話搵咗邊個開戲，實情係十劃都未有一撇。霸戲哥深信，當中一定有啲「警轟」，諸如刺激下股價呀，呃下知名度咁。

呢啲小道消息，霸戲哥好少放喺心度，唯獨今次例外。因為盛傳霸戲哥偶像Nicholas Cage有機會演出新系列《驚天奪寶》，仲要係由Jerry Bruckheimer口中講嘅，似乎堅堅哋。

話說Jerry Bruckheimer早兩日喺Reddit宣傳佢套《壯志凌雲：獨行俠》嗰陣，喺AMA（ask me anything）環節被問到嚟緊會唔會搵番Nic Cage合作，Jerry就爆響口話同對方合作寫緊《驚天奪寶》嘅script。如果係真嘅話，就真係驚天新聞啦。

霸戲哥諗番起當年都好興呢啲奪寶動作戲，好似《盜墓迷城》呀、《盜墓者羅拉》咁，但霸戲哥始終對《驚天奪寶》情有獨鍾，除咗因為Nic Cage對尋寶嘅執着同狂熱，好符合佢原本嘅性格之外，當年女主角Diane Kruger真係索到癲咗，就算隔咗幾年拍第二集都係咁正。

所以如果真係有Nic Cage拍新系列，都一定要搵埋Diane Kruger呀。

霸戲哥

** 博客文章文責自負,不代表本公司立場 **

梁芷佩主持嘅《潮什麼》又返嚟啦，呢輯《東．南歐潮什麼》帶觀眾快閃歐洲三國：克羅地亞、波黑同黑山，噚晚同今晚嗰集就介紹克羅地亞。

講起克羅地亞，霸戲哥第一時間會諗起球星摩迪，啱啱先幫皇馬捧走歐聯冠軍嘅佢，四年前世界盃，佢帶領「格仔軍團」擊敗英格蘭傳奇殺入決賽，可惜最尾不敵法國屈居亞軍。但你冇得唔佩服呢個人口只有400萬人嘅國家。

克羅地亞嘅