KellyChu - 港大培育高質蠔苗 助流浮山重現光輝｜Executive日記

2022年06月10日00:00 最後更新: 06:55

生蠔鮮甜美味，Kelly鍾意食。原來，生蠔生存對環境有利，除咗係海水嘅「過濾器」，蠔礁係唔同本土物種嘅棲息地，但近年流浮山同后海灣周邊水域因氣候變化、環境污染等，導致生蠔大規模死亡。港大聯同本地生蠔業界，成立咗香港蠔孵化場及創新科技研究所，開發創新嘅孵化技術，希望喺二○二四年供生蠔養殖者採用新技術，令流浮山再成生蠔嘅孕育場。

港大將會喺校內設立一個具研究規模嘅生蠔孵化場，採用新式孵化技術提高蠔苗產量，蠔苗長成後，會移至鶴嘴海岸保護區嘅太古海洋科學研究所進行監測，蠔苗生長穩定後，才將之供應給養殖者。孵化場將於七月開始營運，該項目將生產三種本地生蠔品種蠔苗，包括香港牡蠣、近江牡蠣和葡萄牙牡蠣，預計每年可生產約一萬串蠔苗，而每串大約附有二百隻蠔苗。

漁農自然護理署高級漁業主任（水產養殖）周永權話，生蠔孵化場可以展現本地蠔苗生產喺技術上和經濟上嘅可行性，亦可以令具抗病能力嘅生蠔生長更快，並且改善本地生蠔養殖者嘅生計。

往下看更多文章