霸戲哥之日常#276｜ J2監察站(6)：晒你冷

霸戲哥賭錢唔算好叻，只不過係6歲識打牌、7歲學鋤D、13張、8歲同人玩三公、9歲賭black jack叫人買「燕梳」、10歲已經唔再打牌改玩showhand呃飯食，讀U時成立「天地會」，將天九國術發揚光大而已。
多得當年嘅賭片風潮（當然仲有美女梭哈），令Showhand一度盛行。遊戲本身除咗快上快落，又可以甩牌，窺探不能預知嘅未來。但佢最大嘅優勢，其實係可以以小博大、以弱勝強，唔同其他賭局以運氣主宰一切。Showhand唯一問題係玩嘅時候要現兜兜，一遇冚檔走唔切鬼，咁就「人贓並獲」，有排守行為嘞。
千禧過後，唔知點解Showhand已經冇乜人玩，後生仔都改玩Texas Hold ‘em（德州撲克），仲慢慢變成富二代摸住杯底推籌碼嘅高檔社交活動，由地下賭檔變成上流玩意，都認真夠傳奇。
今晚J2就有呢個新節目《鋪鋪Poker》，主持Eric Kwok同方力申聯同靚女胡美貽同陳欣茵，每集邀請星級嘉賓上嚟玩poker，順便分享娛樂圈趣事同埋近況。
同霸戲哥一樣好賭嘅你，又點可以錯過！

霸戲哥

** 博客文章文責自負,不代表本公司立場 **

我家大爺雞係絕頂聰明，甚至比港女更識玩心理戰。點解咁講？要氹到佢大爺貼貼服服，所投放嘅金錢、時間同心機，似乎比投放喺豬視妹度仲要多。

其實已經越來越多科學報告，發現唔少動物係擁有人類嘅行為同思考模式（反之亦然），而因為狗本身係人類最可靠嘅companion，對佢嘅研究相對亦比較多，而忽視咗其他動物嘅智商。譬如

最近Netflix上架嘅《寵物私生活》，就會講解啲寵物究竟有幾醒。唔淨止係狗狗，連老鼠都醒目過人，其中有個實驗要老鼠學揸車（當然用食物做餌），結果老鼠唔止識得踩油向前，仲識轉彎，得罪講句真係叻過好多馬路炸彈。

總共四集嘅《寵物私生活》，睇完保證你眼界大開，同埋唔會再質疑我話大爺雞識得爆粗。