出軌斷正點處理？
J2再出世，一口氣推出十五個全新節目，今晚9點半會有郭偉亮（Eric Kwok）、方力申連同兩位J2ers胡美貽（Nicole）、陳欣茵（Sonya）主持的《太興33周年呈獻︰鋪鋪Poker》。透過玩牌見盡賭桌上爾虞我詐，為求贏出老友都沒有情講，因為輸家要接受大懲罰。今集嘉賓是何超儀，家族經營博彩事業，超儀玩牌能力，自然不能睇小。壓軸是10點半播映、由J2ers主持的《搵鬼同你瞓》，上集陳國麟（Doniven）大膽到在猛鬼的地方，問「係咪想搵替身」，最終一身蟻。呢班後生仔女，今集又會有乜創舉，今晚有分曉。
點擊看圖輯
陳國麟在上一集《搵鬼同你瞓》，夠膽問「係咪搵替身」，正宗撩鬼攞命。
三位「愛情研究員」（左起）黃紫恩（Jojo）胡敏芝（Karen）同Susuca。
兩位男「愛情研究員」（左起）吳兆麟（Alan）同Koba。
假如被男友見到同異性合照，Karen靠賣萌同賴拍戲過骨。
Jojo話J2壓力大經常要上堂學戲，矛頭直指創意總監C君。
陳國麟在上一集《搵鬼同你瞓》，夠膽問「係咪搵替身」，正宗撩鬼攞命。
昨晚（1日）11點播出的《J2ers：不正常愛情研究所》，由3位J2ers「初戀愛情研究員」胡敏芝（Karen）、「異國愛情研究員」吳兆麟（Alan）、「本地愛情研究員」黃紫恩（Jojo），連同「複雜愛情研究員」麥惠琪（Susuca）、「性別愛情研究員」文頌男（Koba）一齊主持。
三位「愛情研究員」（左起）黃紫恩（Jojo）胡敏芝（Karen）同Susuca。
兩位男「愛情研究員」（左起）吳兆麟（Alan）同Koba。
今集節目先討論面對另一半出軌的反應，Susuca自言未試過另一半出軌，但自言報復心極強，如果有此一日，絕對不會原諒男友，又會瘋狂起對方底，想辦法報復，果真是烈女一名。相對「性別愛情研究員」Koba就冷靜很多，現實試過男朋友偷食，後來被要求復合。Koba二話不說，只是煮了一餐讓對方來食，最後男伴邊食邊喊，二人復合成功。
節目後段話題調轉，被問到假如另一半，見到自己同異性親吻的照片時，會以什麼理由脫罪時。Susuca最攻心，她會先發制人反問︰「你做乜check我嘢，偷睇我手機，係咪唔信我。」笑言先發對方脾氣攞個氣勢，最後才氹返對方，實行軟硬兼施。
今集主題講出軌，各主持身先士卒戴綠帽。
假如被男友見到同異性合照，Karen靠賣萌同賴拍戲過骨。
Jojo話J2壓力大經常要上堂學戲，矛頭直指創意總監C君。
一向乖乖女的Karen同Jojo用的橋一樣，以演員身份指拍戲需要，Karen連帶附上萌樣。而Jojo非常大膽，居然拖埋高層、J2創意總監鄭詩君（C君）落水，她說︰「你唔知我返呢間公司好大壓力（即係關C君事啦），成日要出去上啲acting class，未來有床戲要上床戲acting class，練習同人攬同錫。」最後Alan的藉口「太掛住你」，被評為最差，接受戴錄帽懲罰。
今集受訪嘉賓Karlie 的故事頗出位，特別在於她同阿哥同時間戴綠帽，原因是自己男友跟阿哥女友搞上。話說有趟跟男友鬧交，男友上了阿哥屋企，當時只有阿哥女友在家。阿哥收工回家，居然發現兩人赤條條在梳化攬在一起。女朋友事後解釋是試新睡衣，男友就話飲醉酒不知情，最後當然分手收場。事後Karlie同阿哥重組案情，相信二人出軌非突發事件。
Alan的解釋被指最差，要接受大懲罰。
今集嘉賓Karlie被男友及阿哥女友出賣。
由無綫與優酷聯合出品，鍾澍佳、關旭總監製，方浤酌／關文深／權香蘭監製，方家逸、潘漫紅、楊雪兒總編劇的律政劇《康業信貸快遞物業貸款呈獻：正義女神》，逢周一至周五晚翡翠台八點半播映，主要演員有佘詩曼、譚耀文、陳煒、周嘉洛、許紹雄、馬貫東、蔣祖曼及戴祖儀，特別演出：文頌嫻。
羅皓誼首度挑戰喊戲，表現不俗。
啲欺凌場面拍得好逼真，亦因為咁更加有警誡同埋警世效果，呢啲都係全靠台前幕後嘅用心同努力。
樣子可愛兼楚楚可憐的羅皓誼，加上皮膚白晢，獲封「小白兔女孩」。
昨晚一集《正義女神》言官（佘詩曼飾）審理的「女學生傷人案」，案情亦貫徹劇情特色反轉再反轉。女學生文靜宜（羅皓誼飾）因用美工刀𠝹傷男教師張一匯（周嘉全飾）上庭，並聲稱是因張一匯企圖非禮所以自衛；言官感事有蹊蹺，破天荒要求檢控官雅晴（戴祖儀飾）傳召全班三十名同學作證，並以敏銳觸覺識破「美工刀謊言」，終引出其中一名女學生連詩詩（胡敏芝飾）講出真相，原來一切是女學生集體欺凌引發的悲劇…
齋睇Chloe個樣都感受到嗰種絕望。
Chloe最難忘廁所被集體欺凌同埋被推落樓梯戲份，而呢場碌落樓梯戲份雖然係短短嘅場口，但佢都堅持親身上陣，好專業！
Chloe最難忘廁所被集體欺凌同埋被推落樓梯戲份，而呢場碌落樓梯戲份雖然係短短嘅場口，但佢都堅持親身上陣，好專業！
獲網民激讚「每個案件都有新人，每一個都演得好好」的《正義女神》，昨晚個案的焦點新演員絕對是羅皓誼（Chloe）及胡敏芝。羅皓誼（Chloe）飾演的靜宜，因被揭發寫情信給張Sir，從而跌入被誣陷及集體欺凌的地獄，最終更被逼走上傷人之路。由於遭受「惡霸學生」（張天妮及劉詠彤飾）一再威脅，Chloe經常要呈現惶恐及有口難言狀態，配合她清純的樣子，著實我見猶憐；之後當真相水落石出，靜宜在庭上涕淚交連的「漸進式崩潰自白」場口亦相當有感染力，Chloe的情緒明顯跟著角色訴說的不幸遭遇有所遞增，由最初的委屈、不甘、無助，最後演變成絕望及走向崩潰，最後Chloe聲嘶力竭的「爆喊道歉」：「好我後悔呀，對唔住呀，對唔住呀，我唔應該咁做架」，更是令網民大感動容，好奇飾演靜宜的新面孔是誰之餘，並大讚樣子可愛的Chloe是「小白兔女孩」：「好漂亮，小白兔一樣的女孩」、「妹妹演得真好，又漂亮」、「學生裝好清純」。
其實Chloe之所以贏得網民一致同情，除因為靜宜角色自身的悲慘遭遇及Chloe本身自帶的可愛清純感，亦與劇組將欺凌場面拍攝得相當像真有關；為了強調靜宜身處的環境有多地獄，劇組將搶情信、集體語言暴力、扯頭髮、掌摑、除衫羞辱、倒垃圾落飯盒、用波掟，甚至是推落樓梯，畫面的逼真混亂感，再配以Chloe無力又可憐的無聲吶喊，令人看得相當心酸，亦逼令受眾正視在各地已存在了多時的校園暴力問題。就像言官判詞所說：「同學之間嘅欺凌行為，經常被大人視為簡單嘅、過火嘅玩笑，而輕視咗佢嘅嚴重性，學校息事寧人嘅態度，對孤立無援嘅受害人嚟講，係等同二次傷害。如果校方同埋家長，可以及早重視、及早阻止，教導年青人正確嘅價值觀，而唔係做無聲嘅幫兇，咁本案就唔會發生。」
雖然言官判咗靜宜入更生中心，但其實佢私下有託蔣祖曼拎本書畀靜宜予以關心及指引，好有愛。
雖然言官判咗靜宜入更生中心，但其實佢私下有託蔣祖曼拎本書畀靜宜予以關心及指引，好有愛。
最終言官判靜宜入更生中心，遭程睿燊（馬貫東飾）怒斥太狠心，而言官的回應則以另一種方式演繹了何為「慈母多敗兒」：「法律係道德嘅底線，文靜宜真係有做錯，我唔理佢咩原因…咁細個就講大話畀假口供，如果判決冇足夠阻嚇性，你認為佢會記得今次嘅教訓咩？班細路依家唔教，你將來先去阻止佢哋就已經太遲喇。」根據劇情，靜宜入了更生中心受到應有懲罰後反而變得更釋懷，亦因著言官及鄭邵玲（蔣祖曼飾）的引導，有了重新出發的動力和希望。
現年22歲的羅皓誼Chloe，2022年經藝訓班加入無綫，並以《愛‧回家之開心速遞》中的卜卜脆一角深入民心，之前在《異空感應》中飾演的叛逆少女羅秀慧，亦獲得了一定好評。早前，有網民發起「TVB三大童顏女藝人」選舉，Chloe僅次於羅毓儀、倪嘉雯排名第三，足見入屋度。談到被欺凌場口拍攝極逼真，Chloe受訪時透露劇組及佳導為了確保她們拍攝時的安全，在現場做足保護措施之餘，佳導更是全程貼身指導：「佳導有教我哋打面時，要打面下面骨嘅位，咁先唔會受傷。同埋畀人扯頭髮時，我要盡量借力挨後，一來冇咁易整親，二來出到嚟嘅畫面先會好。」
之前喺《麻雀樂團》有亮麗表現嘅Karen，今次演繹同樣到位。
佢個樣真係好內疚。
網民大讚佢同Chloe扮學生零違和之餘，亦好有CP感。
完全感受到詩詩嘅自責同內疚。
周嘉全飾演被誣陷嘅張Sir。
感激佳導貼身指導：佢一見我有唔明，就會即刻教我
談到最難忘場口，Chloe透露是廁所被集體欺凌及被推落樓梯場口：「廁所嗰段一來係重頭戲，二來我哋拍嘅地方真係廁所嚟，所以係我人生第一次瞓喺廁所裏面，同埋嗰段戲都多拉扯，所以都辛苦」、「至於樓梯嗰場因為係自己親身碌落去，劇組為咗咁做咗好多安全措施，同埋台前幕後都有不斷關心問有冇整痛我。」Chloe續指其實拍樓梯戲當日劇組有book男替身，但最後因為「腳毛」問題，Chloe就自告奮勇頂上：「因為個替身著裙，拍時個shot好難就，我就提議不如自己嚟，因為我覺得個樓梯個高度都Ok Handle到。其實拍攝現場係鋪咗好多海棉墊同埋有人幫我卸力，所以好安全。」
Chloe續指是次是她首拍喊戲，故事前感到「有啲大壓力」，並感激佳導貼身指導及阿佘幫忙帶入戲：「拍法庭戲時，劇組畀咗個好安靜環境我去培養情緒，除搬嘢時特登好細聲，連講嘢都唔敢大聲，驚影響到我，令我好感動。佳導都有睇住我，一見我有唔明，會即刻教我」、「其實第一場拍我係有啲驚，但當言官（佘詩曼）一行上庭就已經拉咗我入戲、冇晒擔心嘅感覺。」
阿佘今次飾演嘅言官沉穩睿智又有愛。
言官呢番話好有啟發性。
另之前憑《麻雀樂團》的「可愛慳妹」程晴贏盡好評的胡敏芝Karen，這次飾演為了公義、決心鼓起勇氣說出真相的詩詩，詩詩與靜宜一樣同樣曾受欺凌，並曾因為同學將欺凌目標轉往靜宜感到鬆一口氣、並一時自私選擇「見死不救」而大感內疚，故在法庭說出真相時情緒大為激動，配以Karen「小綿羊」的感覺，將角色的內疚及後悔相當立體的展現出來，與Chloe一樣贏盡好評及同情。網民又指現年26歲的Karen，與Chloe演同學完全沒有違和感，並大讚這對「女學生閨蜜CP」相當合襯！
