XiX獲23盞綠燈成最高分 趙頌宜曾陷淘汰邊緣逆轉變熱門

Maggie今次同大熱門Janees並列第二位！

《聲夢傳奇2》昨晚（9日）播出的第五集，六位導師繼續各自派出一名學員，並由兩位總監郭偉亮（Eric Kwok）及陳奐仁（Hanji）進行點評，及25名來自樂壇不同界別的代表擔任專業評審。最終XiX憑藉團結力量及活潑可愛跳唱獲得23盞綠燈，Fight低大熱門Janees黃洛妍成本集最高分。

XiX拎咗今集最高分。

拎到23盞綠燈，開心到呢！

觀看相關影片按連結：https://youtu.be/-Bltfl44WZY

而本集被淘汰的，則是獲得14盞綠燈的Mandy孫衣文。雖然Janees未能獲得本集最高分，但卻獲網民盛讚有職業水準，並將她與Sabrina趙紫諾列為本屆「聲夢兩大魔王：「十邊（Sabrina）與小提琴（Janees）勢均力敵，應該鬥到大結局」、「好過唔少職業歌手」。

獲得14盞綠燈嘅Mandy喺本集被淘汰。

原來Mandy首歌係送畀爹哋嘅。

觀看相關影片按連結：https://youtu.be/yW-bdMvV0bs

網民對於Janees評價相當唔錯。

觀看相關影片按連結：https://youtu.be/Wk9g81N9-TE

是集出戰學員成績相當亮麗，除了XiX獲得23盞綠燈外，Janees及Maggie趙頌宜亦獲得22盞綠燈並列第二名，至於第三名的Jason陳晉軒則獲21盞綠燈！在首輪個人表演中因走音兼「呆若木雞」台風險被淘汰的Maggie，本集竟「大逆轉」！經導師林二汶「軟硬兼施」調教的Maggie，上台獻唱時明顯放鬆了很多，不但偶爾能展現懷舊台風，更終與現場觀眾有眼神交流！

觀看相關影片按連結：https://youtu.be/jY-dZklEEx0

Maggie終極大翻身，拎咗22分。

Jason今晚都表現出色，拎到21盞綠燈。

其實Maggie首集已獲張佳添以「有錢佬」比喻肯定其坐擁靚聲本錢，結果Maggie終憑其獨特聲線獲得22盞綠燈。原本對Maggie「愛之深、責之切」的二汶看畢Maggie脫胎換骨表演後，亦忍不住歡呼拍手兼激讚謂：「咩事呀你？好到咁嘅？多謝你相信你把聲。」

Maggie終於唔係淨係企定定喺度，仲同現場觀眾有眼神接觸，進步咗好多。

細心睇Maggie偶爾仲會有笑容，雖然都仲係感覺緊張，但睇得出佢盡咗力咁同觀眾交流。

睇二汶個樣就知佢對Maggie嘅表現有幾咁滿意。

二汶對Maggie嘅表現讚不絕口。

二汶好認真咁教Maggie要學識互動，有一吓二汶仲忍唔住怒吼咗。

Eric Kwok亦大讚Maggie夠真夠自然：「佢最正係冇一樣嘢係扮出嚟，佢真係不擅表達、佢真係鍾意聽舊歌。」陳奐仁更在公布分數之前，已肯定Maggie能晉身下一輪：「我已經諗緊你下一隻歌會係點。」台上的Maggie雖然十分拘謹，但台下的她卻是貪玩、精靈又活潑，是學員間的開心果，所以全場學員得悉其「終極翻身」時，忍不住高聲歡呼叫好，場面感人！

Eric Kwok大讚Maggie夠真。

陳奐仁已經好期待Maggie下次唱咩歌。

張佳添都大讚Maggie，仲覺得Maggie之後可以再蛻變。

Maggie大晒可愛笑容，其實唔緊張嘅佢好鬼萌。

Maggie私底下其實好鬼馬。

Eric Kwok同XiX玩遊戲好落力！

由森美、馮盈盈、陳若思及倪嘉雯主持的問答遊戲節目《OneDegree家居保險呈獻：HOME即是識》，逢周一至三晚10點半翡翠台播映。《HOME即是識》是一個關於家居大小事的問答遊戲節目，透過問答遊戲及做實驗等不同方法教曉觀眾家居大小事。參賽者不論藝人或素人、只要擅長處理家中大小雜事就能參加，組隊爭奪高達港幣10萬元的獎金獎品！

陳若思（左起）、森美、馮盈盈擔任主持。

Crystal（左起）、Vici、Kiele同埋Eric Kwok擔任嘉賓。

今（5日）、明（6日）晚是第六輪初賽，藝人隊是Eric Kwok+良玳瑩Crystal＠XiX與莊殷玥Vici＠XiX +鄧曉殷Kiele＠XiX，素人隊則有Jessica+Tammy、柏遨+Cathy、Tracy+Ricky和Michelle+Gary。Eric Kwok透露早年在美國生活，閒時會幫媽媽打理花園，他說：「11、2歲就要喺花園掘泥，自己駁水管、鋪草，最大鑊係要隊冧田鼠！」Eric Kwok再傳授「恤衫不皺」大法，他說：「係我Daddy教我嘅，唔想着恤衫皺，就要將成件恤衫攝喺底褲入面，穿過條底褲！」人仔細細的Crystal、Vici和Kiele自認有幫屋企做家務，Vici大大聲說：「有做過幾次囉！」笑到大家碌地！

Michelle（左）+Gary

柏遨（左）+Cathy

Jessica（左）+Tammy

Tracy（左）+Ricky

遊戲環節繼續搞笑，第一輪選擇題已經火花四濺，森美和Eric Kwok為了一條關於女性健康的問題拗到爭持不下，激到Eric Kwok大拋金句回敬森美：「你唔可以judge the person by the book！」另邊廂，鬼馬的Kiele和Vici多番出貓偷睇Eric Kwok答案，最終被Eric Kwok實名舉報，場面搞笑。之後的動作題同樣好玩，Eric  Kwok和Crystal要合力鬥快打開拉環斷了的汽水，Eric Kwok拿着一卷保鮮紙死鋤爛鋤都打不開，相反Crystal單靠一張紙便輕鬆解決，搶盡風頭！最終的動作題揭示了Wasabi加入砂糖會變得更辣，輸掉遊戲的Eric Kwok接受大懲罰要吃下加了砂糖的Wasabi，Eric Kwok不單食到面都青埋，額頭更青筋暴現，他說：「辣咗20至30%！」認真誇張。

Eric Kwok傳授「恤衫不皺」大法，就係將恤衫攝入底褲入面，勁搞笑。

睇呢張相就知氣氛有幾咁熱鬧。

Eric Kwok拍住Crystal玩遊戲。

Kiele 、Vici被踢爆出貓𥄫答案。

大家玩遊戲好落力。

Eric Kwok好暴力咁款，Crystal淡淡定有錢剩。

終極回合搶答題戰況激烈，Eric Kwok極速答中一條關於電視螢幕的問題，森美笑言：「你對啲AV產品比較熟，唔係淨係AV！」Eric Kwok即怕醜仔上身耍手否認，森美即揶揄他：「你杯弓蛇影做咩啫，此地無銀三百兩！」另邊廂，身為醫生的Cathy則憑住專業知識瘋狂答中問題，表現精靈的Vici則頻頻「跳掣」撞中答案，想知道哪一隊最終殺入決賽？密切留意《HOME即是識》。

Eric Kwok食加辣Wasabi搞到青筋暴現。

森美同Eric Kwok係咁鬥嘴。

Eric Kwok爆出金句。

Eric Kwok被笑指對AV產品好熟悉。

Cathy後勁凌厲。