傷者血跡斑斑以頭箍固定送院觀眾憶述恐怖一幕心有餘悸

2022年07月28日 23:59 最後更新：07月29日 00:23

Mirror紅館演唱會發生嚴重意外，一個掛於高處的大型電視突然鬆脫跌下，砸中台上多名舞蹈員。有觀眾事後猶有餘悸，向記者講述事發經過。

一名觀眾表示，自己是Edan支持者，當時只顧拍攝他唱歌，沒有實際看到大電視跌落的一刻。當大電視跌落時，她突然聽到整個場館響徹歌迷們的驚呼聲，自己隨即循聲而望，才發現整個大電視塌下。意外發生後，場館燈光熄滅了差不多兩分鐘才重開，其後消防陸續到場為傷者急救。

點擊看圖輯

網上圖片

更多相片

網上圖片

據悉事件目前造成至少5人受傷，其中2人送伊利沙伯醫院搶救，他們衣衫血跡斑斑，頭部需要用頭箍固定。其中一名受傷舞蹈員據傳是阿Mo李啟言，是COLLAR成員So Ching蘇芷晴的男友。大批支持者湧入其IG專頁集氣，希望他能平安無事。

往下看更多文章

憑《存酒人》入圍釜山《2026全球OTT大獎》最佳男配角 Lokman高呼：爸爸媽媽我得咗啦！

繼上月憑舞台劇《我推的男子》首度入圍《第34屆香港舞台劇獎》「最佳男主角（喜劇／鬧劇）」後，MIRROR隊長楊樂文（Lokman）演技再獲關注。在釜山公布入圍名單中，Lokman憑《存酒人》中「阿當」一角，成功入圍《2026全球OTT大獎》（2026 Global OTT Awards）「最佳男配角獎」，成績斐然。

在《存酒人》中，Lokman一改舞台上的隊長光環與強烈節奏感，飾演內斂壓抑的「阿當」。角色看似平靜懂事，實則將悲傷與孤獨深埋心底，層次分明的演繹獲觀眾與影評人一致好評。不少劇迷直言：「睇到唔同咗嘅Lokman，完全忘記佢係舞台上的隊長。」

對於能夠在國際性大型頒獎禮上獲得提名，Lokman收到消息時難掩興奮，以半開玩笑半認真的語氣分享心路歷程：「可以喺一個咁大型、咁有指標性、咁國際化嘅舞台上面有呢個提名，我係好開心嘅，真係好開心嘅！係一個肯定，係一個『我得咗』嘅感覺——『爸爸媽媽，我得咗啦！』嗰種感覺。雖然只係提名啦，但係已經有呢個份量！」

Lokman並感謝《存酒人》團隊，多謝公司、監製阿簡、導演Alan、編劇阿海，以及所有台前幕後。他說：「多謝團隊努力建構咗阿當呢個角色，呢套劇我真係拍得好開心，亦都喺裏面得到好多感受。同時間，見到呢個角色可以帶我去到咁遠，多謝『阿當』。」被問到會否親身出席在釜山舉行的頒獎禮，Lokman表示正努力和公司爭取中，自己都很期待可以到當地感受頒獎禮氣氛。

接連獲得舞台劇男主角及OTT國際獎項提名，Lokman多謝宇宙送了一份充滿肯定的禮物，直言這是一支強心針和定心丸：「最近有咁好嘅成績，舞台劇又有提名，今次呢個角色又去到國際提名，係好好嘅一個里程碑，都係我自己嘅自信心加強系列。即係喺迷惘嘅時候，得到讚美、肯定呢啲說話，係非常之好強嘅強心針、定心丸。」

最後，Lokman在2026下半年期望有更多演藝工作外，亦預告會再出Solo：「希望之後都會繼續多啲演藝嘅工作啦——劇集、電影、舞台劇，成為更立體嘅演員。因為呢一兩年嘅作品入面，我都繼續有Keep住學習，繼續有好多唔同嘅人幫助我，所以係真係好開心嘅……我係會出Solo㗎，哈哈，大家期待吓啦。多謝大家！」