黃子華獲戲中兄弟姊妹齊齊捧場 擬《飯戲攻心》原班人馬演舞台劇

黃子華、鄧麗欣（Stephy）、張繼聰、王菀之（Ivana）、林明禎及陳湛文主演《飯戲攻心》，將於中秋節上映，戲中「大佬」子華備受眾兄弟姊妹尊重愛戴，適逢其主演的舞台劇《最後禮物》正於灣仔演藝學院上演，《飯》的一眾兄弟姊妹齊齊捧場為他打氣。

黃子華（左二）近日和潘燦良（右二）一同演出舞台劇。

Stephy向子華送上鮮花，而阿聰則奉上有最佳大佬的小巴路線牌給他。

戲中飾「二佬」的張繼聰帶同老婆謝安琪，與Stephy及王菀之到場欣賞，及後還到後台探班，他們還在後台遇到汪明荃，眾人跟子華一同拍照留念。當然一眾兄弟姊妹不會兩手空空，他們送上花籃、花束以及極具香港特色的小巴路線牌，寫着「最佳大佬」的名牌給子華留念。對於「家人」誠意到場支持，子華表示感激之餘更趁機大讚阿聰及Stephy，他說：「你哋首新歌《叉叉叉Love Song》MV非常之好。」更講到早前亦有留意到Ivana的宣傳歌 《狠愛狠愛你》MV，同樣大讚出色。

在電影中名符其實是大佬。

剛巧阿姐（右二）也在後台，一行人合照留念。

問到子華有否考慮過將電影搬到舞台？子華竟率先直認：「聽聞正在籌辦舞台劇之中。」問到會否原班人馬演出時，阿聰即搶先表示：「我哋要睇大佬嘅意願，不過先畀大佬完成今次舞台劇，好好休息一下先決定。」眼尖的Stephy就觀察到子華消瘦不少，Ivana即提醒子華: 「一定要食多啲飯呀！」子華即笑說：「我真係日日都《飯戲攻心》㗎！

黃子華獲戲中弟妹舊愛捧場打氣 擬《飯戲攻心》原班人馬演舞台劇

近年憑《飯戲攻心》、《毒舌大狀》等電影成為票房保證嘅黃子華，當年同吳鎮宇、張達明組成「鬚根Show」黃金組合，陪伴唔少觀眾成長。三人近日難得聚首食飯，畫面曝光即刻勾起回憶殺。

「鬚根Show」黃金組合陪伴唔少觀眾成長

如今，黃子華有份出演的電影都成為票房保證

今次聚會由吳鎮宇兒子費曼分享照片，見三人喺餐廳內舉杯暢飲，氣氛輕鬆又開心。相中黃子華面紅紅，神情略帶呆滯，疑似飲到微醺，罕見展現「飲大咗」一面，反而令網民覺得更貼地真實。

黃子華面紅紅，疑似飲到微醺

而張達明則笑容滿面，與老友合照。不過佢身形依然瘦削，臉頰略見凹陷，頸骨明顯，不少粉絲睇到都留言關心佢健康狀況。

張達明則笑容滿面，不過身形依然瘦削

其實張達明早於2011年確診鼻咽癌，一度瘦到只剩約40公斤。經過多年抗癌後，近年已逐步復出，但佢亦坦言因治療影響，出現口齒不清、體力下降等後遺症。

雖然身體狀況未完全回復，但見到佢仍然可以同好友相聚舉杯，狀態尚算精神，亦令不少粉絲感到欣慰。

經典組合再聚首，引來不少回憶