《夜王》2.17大年初一公映子華信心滿滿誓要「開大」 Sammi大爆第一次見子華「赤身露體」

萬眾矚目的馬年賀歲片霸《夜王》，2月5日晚假座「澳門銀河」綜合度假城東翼大堂舉行世界首映禮。安樂影片有限公司總裁兼《夜王》監製江志強、銀河娛樂集團主席呂耀東，聯同導演吳煒倫以及主角黃子華、鄭秀文、王丹妮、廖子妤、謝君豪、盧鎮業出席典禮，並與在場觀眾分享拍攝趣事，陣容鼎盛，星光熠熠。

馬年賀歲片霸《夜王》

馬年賀歲片霸《夜王》

安樂影片公司總裁兼《夜王》監製江志強，感謝銀河娛樂集團主席呂耀東的鼎力支持，並正式公布喜訊：「《夜王》將會喺2月 17號大年初一，喺香港、澳門正式上映 ，相信電影能夠帶俾大家好開心嘅兩個多小時，亦希望未來有機會返嚟澳門拍戲！」吳煒倫導演（Jack）最滿意子華與Sammi在酒店房間的一幕對手戲，同樣熱烈期望能再到澳門拍戲，導演說：「今日返嚟，我直頭想喺度開多部戲，至於係咪《夜王》續集？就要睇下大家對《夜王》有幾支持喇！」

《夜王》將會於2月 17號大年初一在香港、澳門正式上映

《夜王》將會於2月 17號大年初一在香港、澳門正式上映

導演所言，子華甚有同感：「啱啱阿Jack講嗰一場真係好深刻，我記得當日拍攝間房有好多人喺裏面，而我喺嗰個沖涼缸坐得好舒服、好嘆吓！」戲中子華與Sammi另有一幕精彩賭場戲，今晚重臨舊地，子華大呼奇妙：「我哋而家喺呢度做《夜王》世界首映，感覺好似我行咗埋去百家樂枱，後面有成百幾人圍住，我而家搣緊嗰隻牌，大家一齊幫我嗌『開大』！對呢套戲，我而家充滿信心！」

馬年賀歲片霸《夜王》

馬年賀歲片霸《夜王》

據Sammi所知，這間酒店房剛裝修完成，立即借出讓劇組取景，令她深感榮幸：「成間房唔單止舒服，顏色配搭同用料都相當華麗，好期待睇到呢個畫面！」Sammi更忍不住大爆：「最深刻係第一次見到子華赤身露體，個body都好ok！」子華搞笑回應：「 我可能係『銀河』最唔道德嗰個人，我喺條走廊冇著衫行咗好耐，第二啲人係唔可以嘅！」

馬年賀歲片霸《夜王》

馬年賀歲片霸《夜王》

《夜王》另外兩對人氣CP——王丹妮與（Louise）盧鎮業（小野）、謝君豪與廖子妤（Fish）皆盛裝出席首映禮，Louise分享拍攝時的難得體驗：「其實我都係人生第一次可以入到貴賓廳賭錢，仲要太子峰（小野）俾我一鋪成千萬咁樣『對』出去，好開心！」小野表示，賭場實景拍攝絕對有助投入角色：「因為嗰個空間，會令我覺得角色真係一個幾有背景嘅人士，好容易就代入到！」首次出席《夜王》宣傳活動的謝君豪，表現相當雀躍，豪哥說：「現場氣氛令我感覺好開心、好 high，希望大家鍾意呢部電影！」Fish置身現場，則有氣派十足之感：「今日落車嘅時候，見到《夜王》海報同埋預告喺呢度播放，同呢度金碧輝煌嘅裝修非常之夾！」

電影公司正式發放《夜王》最新海報及終極預告，講述華麗璀璨的東日夜總會表面紙醉金迷，暗地裡卻正面臨前所未有的存亡危機，正如歡哥黃子華在終極預告中勉勵下屬所言：「世界艱難，但係我哋冇驚過……東日仲可以玩幾耐，冇人知，但係如果真係要熄燈，我哋一定飲到最後！」更以一句「絕不投降！」為東日眾人打下強心針。

《夜王》以夜總會為舞台，邀得子華與Sammi兩位重量級演員首度合作主演電影，既要為觀眾送上笑聲與娛樂，同時亦希望透過這個走向沒落的行業，刻畫東日夜總會這個小社群，在世代轉變與經濟逆風之下如何自處。這個題材與現今全球經濟放緩、各行各業面對結業潮的處境不謀而合。導演期望藉這個逐漸消失的行業、透過歡哥的口，向觀眾送上鼓勵︰面對起起跌跌，只要繼續「照行」，終有一天可以笑到最後。

《夜王》將於農曆新年大年初一（17號）正式公映，一馬當先、華麗賀歲！

古天樂結束兩場紅館舉行的《MY FIRST SHOW》後，昨晚（8月29）起一連兩天假威尼斯人綜藝館展開澳門追加場，經團隊趕工打造出四面台，古仔澳門首演為觀眾帶來多個驚喜位，分別請來天后Sammi鄭秀文及台灣舞王「小豬」羅志祥擔任表演嘉賓！

古天樂一連兩天《MY FIRST SHOW》澳門站開鑼！

演唱會揭開序幕，主角古天樂在台中央從天而降，跟香港站一樣拿出激光劍，化身「黑武士」唱出《世紀大騙案》。為了兩場澳門演唱會，古仔日前已拉隊過大海，當然少不了農夫二人；陸永、C君跟古老闆合唱完《天下一家》後，又是一貫認叻作風，自言上月剛在同場館開完澳門演唱會，並叫老闆「努力、俾啲心機」，陸永、C君把口繼續唔收，指在港睇完演唱會通常是去食消夜，而在澳門睇完Show可以順便玩兩手，如果運氣麻麻的朋友，睇完Show大可諗住「古天樂」，在賭枱上一定「黑冇事」！

古天樂

古天樂亦以新造型登場，穿上紅色西裝情深演繹《新手戀愛》及《吻得到愛不到》，之後介紹公司旗下的新一代唱將CY陳宗澤出場，當CY唱完自己作品《急口令》，古仔再次現身舞台，演唱改編自經典老歌《相思河畔》的搞笑歌曲《暗戀王》，「自從我峨嵋山上見到你  我好想飛鵝山上見返你」，台上螢幕同時播出2003年電影《百年好合》的精彩片段，唱罷表示：「無厘頭唱呢首歌一定有原因嘅。」隨即介紹同片拍檔Sammi出場，兩人合唱《煞科》即High爆全場！

古天樂

兩位老朋友再度合體仍默契十足，Sammi坦言好開心為古仔任演唱會嘉賓，更笑談宣萱形容他是繼胡楓後第二年紀大首登紅館開演唱會的藝人，續說：「我預想到你八、九十歲開演唱會，但到時你唔好滾攪我，我應該都發福晒…」Sammi多謝古仔每次都義不容辭為她的演唱會站台，兩人立即來個擁抱，Sammi又叮囑古仔要好好休息，事關見對方唱到「面都青埋」，古仔隨即交個台給Sammi獨唱《終身美麗》。

宣萱、古天樂

鄭秀文、古天樂

鄭秀文、古天樂

當送走Sammi，古仔竟從上層觀眾席驚喜現身，由舞蹈員及保安護送下唱出《天真》，並與歌迷零距離接觸。澳門演唱會亦有保留「360」為山頂觀眾唱歌環節，愛將林峯、胡子彤「城寨兩子」也有落力跳唱。

古天樂、鄭秀文

古天樂、鄭秀文

林峯、古天樂、胡子彤

古仔每場嘉賓均驚喜十足，昨晚「小豬」羅志祥於Encore出場，兩人升上台即合唱張國榮作品《第一次》，當古仔唱歌時，小豬落力伴舞之餘更充滿喜感，小豬透露揀唱哥哥的《第一次》是兩人第一次同台唱兩，亦曾「第一次」合作拍廣告，彼此緣份不止於此，自稱廣東話標準的小豬還在台上爆料，其間被指「爆粗」，要由古仔負責翻譯；小豬指當年兩人曾在酒店餐廳食飯、飲酒，大讚古老闆酒量好，飲完一大支清酒，小豬醉到要由古仔抱回房間：「好Man，他從餐廳到酒店，他是呢個新娘抱，他把我抱回去房間喔！」現場一片尖叫聲，古仔立即補充：「我抱到佢直接放佢上張床先走。」

古天樂

羅志祥

小豬即場作狀撒嬌，要求在舞台上重演一次「新娘抱」，古仔在全場歡呼聲下惟有照做，抱完不禁拋出一句：「喂！你重咗咁多嘅？」小豬堅稱自己變瘦，又即興模仿跳唱幾句《今期流行》，趁古仔入後台換衫，小豬獻唱《戀愛達人》 ，最後一句更改成「古老闆我愛你」。

古天樂、羅志祥

羅志祥、古天樂

澳門首場氣氛熱烈，古仔在快歌Medley 唱出《今期流行》掀起全晚高潮，帶領完場大跳「拜神舞」，觀眾意猶未盡不肯離開，古仔再出場唱出哥哥兩首快歌《Stand Up》和《黑色午夜》，唱完他第一時間從褲袋掏出一張紙巾抹汗，最後送上《風再起時》為澳門首場劃上完美句號。古天樂《MY FIRST SHOW》今晚來到尾場，密切期待再有更多驚喜！

羅志祥、古天樂