四哥親自設計！
以「樓價」為主題的問答遊戲節目《美聯物業特約：樓價有得估》，逢周四、五晚十點半翡翠台播映，節目由鄭裕玲（Do姐）、鄭衍峰（Leonard）及周奕瑋（Jarvis）擔任主持。
點擊看圖輯
梁凱晴（左起）、宋宛穎、周奕瑋、鄭裕玲、鄭衍峰、黃嘉樂、郭子豪
陳敏之呢間將軍澳舊居嘅樓價已經升到逾千萬，佢話想為呢間屋搵個好租客。
鄭啟泰租樓自住夠晒Free，日日歎維港靚景勁Chill。
梁凱晴（左起）、宋宛穎、周奕瑋、鄭裕玲、鄭衍峰、黃嘉樂、郭子豪
梁凱晴（左）、宋宛穎希望30歲前成功置業。
本周四（11日）播出的第三集，嘉賓陣容為郭子豪、黃嘉樂對戰宋宛穎、梁凱晴。為配合發問題目，是集外景主持黃婧靈（波波）帶大家參觀陳敏之位於將軍澳舊居及鄭啟泰現時租住的單位。最近搬了大屋的陳敏之，笑指希望可為舊居找到好租客：「呢間屋個海景View好靚，當年差唔多500萬買番嚟，依家升值已經去到千幾萬。」鄭啟泰的大坑單位則同樣對住靚靚海景，鄭啟泰則開心Share寫意生活之道：「朝早起身望住維港飲咖啡，黃昏就飲紅酒睇吓書、吹吓色士風。」製作組另外又以當年四哥謝賢與狄波拉位於西貢相思灣的舊居作為題目，四哥當年「從零開始」親自設計西貢舊居，主人房對着無敵海景之餘，更有靚靚花園，到底四哥呢間屋同製作組嘅問題又有乜關係呢？
陳敏之呢間將軍澳舊居嘅樓價已經升到逾千萬，佢話想為呢間屋搵個好租客。
鄭啟泰租樓自住夠晒Free，日日歎維港靚景勁Chill。
四哥同狄波拉以前喺西貢相思灣築愛巢。
間屋所有嘢都係四哥親自設計架。
至於本周五（12日）播出的第四集，嘉賓陣容為曾樂彤、艾妮對戰鄭俊弘、譚嘉儀。是集波波帶大家參觀宋宛穎租住的日出康城單位、及「七線人棄王」程浩駿租住的大埔白石角單位，兩間屋同是兩房單位及擁有露台，大家又估唔估到邊個單位租金較平？另外是集帶觀眾參觀的藝人舊居為戚美珍於1986年購入的單位，片段更會曝光戚美珍的「全粉閨房」，勁有少女心！
第四集有鄭俊弘、譚嘉儀做嘉賓。
仲有曾樂彤（粉紅衫）、艾妮。
第四集波波帶大家參觀宋宛穎屋企。
仲有「七線人棄王」程浩駿嘅屋企。
戚美珍昔日嘅閨房成間房都係粉紅色！
好有少女味呀！
一連五場的林子祥 x 葉蒨文《白頭到老WE ARE ONE世界巡迴演唱會 – 香港站》昨晚（10月9日）於紅磡香港體育館正式開鑼，不少好友及圈中人包括：朱玲玲及丈夫羅康瑞、兒子林德信及太太Candace、吳浩康及太太郭思琳、狄波拉、陳淑芬、賈樟柯導演、蔡一智、陳潔靈、車婉婉、關心妍及丈夫楊長智等，都有前來捧場。
林子祥×葉蒨文時隔27年後，再度舉辦一連五場《白頭到老WEARE ONE世界巡迴演唱會》 首場個唱，昨晚（9日）開鑼。
Sally晒馬甲線狂跳13分鐘！
今次演唱會是阿Lam林子祥及Sally葉蒨文兩位樂壇巨匠送給樂迷最深情的禮物。從青絲唱到白首，歷盡高山低谷，人生最美好的時光都有樂迷同行。阿Lam與Sally將音樂與人生感悟毫無保留分享予知音人。演唱會主題「白頭到老」不僅是兩人婚姻的寫照，更是他們與樂迷之間跨越數十載的音樂約定。在長達三小時的演出中，二人不時與台下互動，言談間充滿對樂迷的感激之情。
Sally演唱會服飾由有「香港演唱會服裝之父」的本地設計大師Tomas Chan 及Kenneth Chan 操刀。而阿Lam的服裝則由他自己親自包辦。華麗卻不浮誇的設計完美契合阿Lam的型格風範與Sally的優雅氣質，每套戰衣皆為兩位巨星度身訂造，在經典中見新意，華麗得來又不花巧，完全符合阿Lam跟Sally的個人風格。
演唱會主題「白頭到老」不僅是阿Lam與Sally婚姻的寫照，更是他們與樂迷之間跨越數十載的音樂約定。
阿Lam唱《海闊天空》感觸落淚。
演唱會一開場已經掀起高潮！阿Lam與Sally攜手飆唱《敢愛敢做》、《200度》、《十分十二吋》等經典快歌，瞬間點燃全場氣氛。Sally更率領二十六位成人與小童舞蹈員連續跳唱十三分鐘，全程面不改容，唱跳期間更驚喜露出結實馬甲線，fit爆身形引來全場尖叫聲，將現場氣氛推向高峰。
二人各自solo環節同樣精彩，阿Lam多首代表作撼動人心，包括《千億個夜晚》、《真的漢子》及《這一個夜》等，而Sally的《祝福》、《珍重》、《信自己》等的演繹，繞樑三日。眾所周知兩人作品向來高難度，但他們依然中氣十足，完美演繹每粒音符，讓樂迷聽得如癡如醉。阿Lam的《男兒當自強》氣勢磅礴，盡顯鐵漢柔情；Sally的《祝福》溫婉動人，勾起無數集體回憶。更難得的是，兩位樂壇前輩在演唱時仍保持巔峰狀態，高音鏗鏘有力，轉音流暢自然，實力派風範表露無遺。多首經典金曲更引發全場大合唱，包括《憑着愛》、《數字人生》、《分分鐘需要你》等，現場氣氛溫馨熱烈。
Sally在台上分享感受：「呢個世界冇嘢重要過愛。」
保持巔峰狀態！
演唱會亦充滿感人時刻，阿Lam在唱出《每夜唱不停》及《海闊天空》前，感性地說：「我唱咗咁多年歌，都望唔清楚你哋個樣，我而家想睇吓係乜嘢人聽我啲歌。」期間唱到哽咽，感觸落淚。唱完後，他說：「我見到你哋啲樣㗎啦，祝你哋每一位一千個夜晚都咁開心。」除此之外，其中一個環節是二人向父母致敬。演唱《藍天》前，Sally說：「呢首歌對我嚟講好重要，係教我點樣信自己，終於知道係咩意思啦，就係我親愛的媽媽……我又唔可以講太多，因為我一講呢就要出嚟，但係阿Lam講咗一句，我哋入咗呢行咁多年，我哋嘅媽咪Daddy永遠都係坐喺前面，但係而家佢哋去咗第二個世界坐第一個位，喺呢度致向敬佢哋，呢首歌我想送俾我媽咪，教我點樣去愛人同愛自己。」接着阿Lam說：「多謝你哋嚟呢度，不過我同沙麗最大最大嘅粉絲，都係我哋嘅Daddy媽咪。我Daddy好早就唔喺度，睇唔到我嘅演唱會，我媽咪差唔多由頭睇到落尾，不過而家佢都同我Daddy去咗一樣嘅地方啦，所以喺呢度唱呢隻歌俾佢哋。」然後二人唱出《追憶》、《單車》及《空櫈》。
朱玲玲及丈夫羅康瑞前來捧場。
陳淑芬與狄波拉
賈樟柯導演
最後Sally在台上分享感受：「我哋發覺去到我哋呢個年紀， which is唔係好大啫，一剎那眨吓眼就過㗎啦喎，突然間白頭到老，但係我哋發現最緊要一樣嘢，就係一個愛字，呢個世界冇嘢重要過愛，所以我哋呢個show，就係獻出好多愛，唔淨係我同阿Lam，係要俾全部嘅心機送俾你哋好多好多愛，喺呢度要再俾你哋一個大愛，要表示有幾愛你哋。」
這場充滿感動與驚喜的音樂盛宴，將還有連續四晚繼續在紅館發光發亮，讓樂迷見證這對樂壇傳奇與樂迷白頭到老的真摯情誼。
林子祥×葉蒨文時隔27年後，再度舉辦一連五場《白頭到老WEARE ONE世界巡迴演唱會》 首場個唱，昨晚（9日）開鑼。
