黎諾懿體驗高溫燒豬成「入坑第一人」 《滿足的味道》自爆對泥鯭有陰影

一連6集的無綫全新飲食節目《滿足的味道》將於8月15日起、逢周一至三晚10:30在翡翠台播映。節目主持黎諾懿將帶領觀眾走訪各區為人熟悉的老字號，一嚐6種香港地道傳統美食。首星期主題美食有燒肉、蒸魚及雲吞麵；諾懿又會與一眾默默耕耘多年的飲食界前輩暢談對炮製美食的堅持、以及公開製作過程及心得。

飲食界前輩向諾懿大方分享多年來的心路歷程。

第三集，諾懿仲有機會近距離觀摩製作竹昇麵的過程。

諾懿在節目中大飽口福，嚐盡各大老字號傳統美食]。

諾懿帶大家走訪其中一間自己經常幫襯的麵店。

諾懿一邊跟食店老闆娘傾偈、一邊包雲吞。

《滿》拍攝方面落足功夫，諾懿透露製作組今次以微距及慢鏡捕捉食材、煙霧及水花等，再配合燈光效果，務求以最細緻的畫面呈現出「色、香、味」。每道菜拍攝時間至少10小時。雖然節目只有6集，但卻花了8個月拍攝，凌晨及半夜開工更是常態。另外節目片頭曲更邀得曾榮獲第36屆香港電影金像獎「最佳原創電影音樂」的日籍音樂人波多野裕介（Yusuke Hatano）作曲，務求帶給觀眾聲畫雙重享受！

製作組以微距及慢鏡等捕捉烹調過程及食物特寫，圖為大大粒馳名雲吞！

畀個Close Up大家睇下有幾飽滿！

入地窖火爐成身灰

節目首站來到屯門燒豬工場，諾懿深入地窖介紹長達半世紀歷史的大火爐，更成為本港電視史上「入坑第一人」。他說：「個爐停咗工兩日都仲係好熱，可想而知啲磚幾咁高溫！佢哋好錫我，一早灑水等啲灰盡量唔好飛起，但爬到落去都係成身黑晒。」諾懿又指師傅為「爆」出脆卜卜的「芝麻皮」燒豬，每每要在320度火爐旁企足30分鐘，為美食付出心血及汗水。諾懿更獲安排在另一食店親自落場燒豬，站在炭火旁僅10分鐘已滴晒汗的他，坦言塊面「辣到裂」，並對雙手起繭的師傅大表佩服謂：「佢哋唔用機器都係想留住傳統，畀食客食番以前嘅味道。呢份堅持好值得尊敬。」李家鼎與無綫總經理（節目內容營運）曾志偉亦有現身節目，前者大講「切燒豬」開鏡文化的起源，後者則公開獨創的「燒豬三文治」食法。

節目首站來到屯門燒豬工場，諾懿深入地窖介紹長達半世紀歷史的大火爐，更成為本港電視史上「入坑第一人」。

雖然已熄爐兩日，但諾懿表示爐內溫度仍然很高。

「巨叉」加燒豬好重手，諾懿拎住喺炭爐前不停轉，熱到滴晒汗。

燒豬出到來皮薄脆得來，肉又肥美香嫩，隔住MON都令人口水直流！

鼎爺透露首個切燒豬儀式發生在1978年製作的經典劇《倚天屠龍記》。

曾志偉大方分享獨創的「燒豬三文治」食法。

就係喺兩塊脆卜卜嘅皮中間夾住塊燒肉。

自爆食泥鯭有陰影

諾懿在節目中還獻出了魚棚吃飯初體驗。值得一提的是，為了節目效果，製作組於正式開拍前前往榕樹澳的養殖魚場，將泥鯭放入黃立鯧魚池，讓觀眾能親眼體驗牠們經過「運動訓練」的成果。身為「住家廚神」的黎諾懿，更在節目中即席示範「陳皮豉蒜蒸泥鯭」，大方分享獨門烹調貼士之餘，還自爆曾對泥鯭有陰影：「因為細個見到阿媽劏泥鯭好多蟲。」諾懿又透露不時跟5歲大仔「小春雞」黎峰睿玩下廚親子樂，問是否想囝囝接棒做廚神，他說：「每個小朋友都有自己興趣，大個學唔學廚冇所謂，但我要佢試過、知道煮嘢食辛苦就會惜食。」

諾懿跟漁民出海撒網捕捉「本灣魚」。

諾懿於節目正式開拍前已專誠走訪榕樹澳養殖魚場，將泥鯭放入黃立鯧魚池，讓牠們接受「運動訓練」。

諾懿首次於魚棚吃飯，體驗雙重新鮮感。

諾懿於節目中大展廚藝，並分享烹調「陳皮豉蒜蒸泥鯭」貼士。

製作組以最細緻的畫面呈現出「色、香、味」，讓觀眾「隔住個Mon」都感受到每道菜式的滋味及心血。

最近憑馬來西亞劇《義和》擄獲不少馬來西亞粉絲的黎諾懿，於3月8日以「HiPP喜寶有機大使」身份於中環出席《全城有機日2026》活動，分享有機心得，吸引大批市民圍觀，場面熱鬧。

「HiPP喜寶有機大使」黎諾懿與「星級有機大使」張新悅（右二）

「HiPP喜寶有機大使」黎諾懿與「星級有機大使」張新悅分享有機心得

一眾嘉賓台上合照

黎諾懿

黎諾懿

想追多個女但未有動力

自從成為人父，黎諾懿與太太對飲食都非常講究，他深信有機對小朋友成長健康至為重要，故自小為他們選用HiPP喜寶有機奶粉，它含有天然母乳益生菌HMP幫助腸道、豐富DHA則促進大腦發育，而有機的營養價值更高，更能避免過程中有害物殘留。由於兒童接觸農用化學有害物有機會更容易過敏或引起濕疹皮膚問題，特定的農藥對認知發展可能有影響，身為代言人他當然更熱心支持有機！黎諾懿透露4歲的細仔「小冬牛」黎奕辰暫時仍未戒奶，幸好他已第八年擔任HiPP喜寶有機大使，成功省下不少奶粉錢，他更笑言：「老闆娘仲成日叫我生多個，我都好想追女，但如果再生仔我驚自己接受唔到，因為我兩個仔都相差4年，玩嘅嘢唔同，大仔要滑雪、細仔要跳彈床，我要花好多時間陪佢哋玩，分身不暇，暫時都未有動力生多個住。」

黎諾懿

黎諾懿大受男女老少歡迎

黎諾懿任「HiPP喜寶有機大使」8年慳盡奶粉錢

黎諾懿應圍觀巿民合照

爆老婆是地獄廚神：貪我識煮飯先揀我

講到飲食習慣，黎諾懿跟太太李潔瑩非常合拍，全家人奉行清淡原則，主張少糖、少鹽、少油，挑選食材時盡量選有機食品，透露小朋友食納豆、雞翼和白飯又一餐，並說：「依家喺屋企主要都係姐姐下廚，雖然我識煮，但都係姐姐下廚多，不過我老婆就係地獄廚神，當年太太揀我，都係貪我識煮飯，依家我就過時過節先煮。」

飲食方向夫妻倆甚有共識，但黎諾懿就自爆跟太太在教育方針南轅北轍！他自言從來不是嚴父，偏向跟小朋友玩樂；相反，老婆則認為兒子年紀尚輕，現階段應該專注學業：「我就覺得讀書無乜用，20年後AI、電腦都好發達啦，所有嘢都唔使背，我細個就花好多時間背乘數表、代數、公式，但出到社會根本就未用過，除非你係做科學家、物理家，或者研究火箭就話啫，否則讀書都係無用，哈哈。」縱然在教育觀上間中有分歧，不過作為廿四孝老公和老竇的黎諾懿，最終還是會妥協讓老婆。

大仔讀國際學校少寫字：就嚟變文盲

黎諾懿大仔「小春雞」黎峰睿年僅8歲就考獲8級鋼琴，黎諾懿認為小朋友應在童年多探索個人興趣，學習喜歡的技能，比如說兒子熱愛彈琴就讓他學琴，這樣才事半功倍。而眾多技能之中，他最看重語言能力，大仔現時識英文、廣東話、普通話，不過由於讀國際學校，寫字機會不多，他笑謂：「佢就嚟變文盲，睇會叻過寫。」他指細仔亦即將入讀國際學校小學，平時十分有跳舞天份，正計劃送他報讀兒童舞蹈班，問到會否希望兒子將來入行做藝人，黎諾懿明言反對：「做娛樂圈實在太被動喇，男仔唔應該咁被動，我唔想佢哋白等，等晒啲時間。」