霸戲哥之日常#383｜ J2監察站(29)：Tesla

J2新節目《邊度都有外星人》今晚登場，以《邊度都有陰謀》原班人馬陸永同鄭子誠主持，仲有外星文明研究者Tecki做嘉賓主持，第一集主題就係圍繞近年名字響噹噹嘅Nikola Tesla。點解係佢？因為根據FBI嘅絕密檔案（Nikola Tesla Part03 of03），話Tesla其實來自金星……

細過睇嗰啲咩百大偉人故仔書，愛迪生經常榜上有名，偏偏就冇乜點提Tesla。直至電動汽車公司用咗佢個名，大眾先至將Tesla掛喺口邊。

生於1856年嘅Tesla，可以話係最接近神嘅天才發明家。畢生超過700件發明，超出同期水平300年。單單是交流電呢項技術，就已經造福咗全球幾十億人。另一項偉大發明，就係無線電，今日我哋能夠享用智能手機、電腦、GPS、衞星系統，統統都係靠呢項技術。

再數下Tesla嘅其他發明：人造閃電、感應電動機、變壓器、X-ray、收音機、
霓虹燈，每一樣都嚇得死人，好難唔相信佢係來自外星。

想知道多啲Tesla嘅神秘事蹟，今晚11點一齊睇《邊度都有外星人》。

霸戲哥

** 博客文章文責自負,不代表本公司立場 **

有冇諗過，如果呢刻世界突然冇GPS，大家生活會點過？冇得track淘寶貨；call唔到uber；唔知foodpanda外賣員去到邊；盪失路又冇得睇google map；最慘係唔見iPhone都trace唔到。

今時今日，人類已經完全依賴GPS。但其實GPS原理到底係乜？佢嘅演變歷史又係點？

新一季《歷史101》（History 101）最近喺Netflix上架，今季總共10集，主題包括有GPS、MP3、迷幻藥同交友軟體咁，每集大約20分鐘，透過infographics將大量信息簡化，再呈現畀觀眾。啱晒自問求知慾強，但又懶去維基尋根究底嘅你。

GPS的確帶畀人類好多方便，縮短人與人之間嘅距離，但同時亦係雙面刃，因為GPS令監控更易如反掌，人類嘅私隱越來越冇保障。

究竟GPS幫助到人類定位，還是令人類更加迷失？呢個已經昇華到去哲學層面嘅問題。