KellyChu - 易危「大鱗鰭鰕虎魚」現身東涌河｜Executive日記

香港又有寶了，有環團喺大嶼山東涌河首次發現大鱗鰭鰕虎魚，為中國特有，喺《中國脊椎動物紅色名錄》中列為易危，真係唔簡單。

綠色力量喺東涌河中上游至下游嘅河道和河濱，展開生態及水質調查工作，錄得多種具保育價值物種，包括首次錄得大鱗鰭鰕虎魚、瀕危嘅盧氏小樹蛙等，大鱗鰭鰕虎魚只於珠江口一帶水域有記錄，仲係易危品種，科學界對佢認知非常有限，形容今次發現「令人欣喜」。但環團擔心東涌河下游普遍受污染，水質持續偏差，希望當局要防止生態環境退化。
Kelly Chu

聽日就踏入兔年啦！文化體育及旅遊局局長楊潤雄，同副局長劉震及政治助理招文亮，齊齊着兔仔裝，拍片同市民拜個早年，恭祝「兔（吐）氣揚眉」。

影片喺文體旅局facebook專頁開心分享，只見三位高官唔怕麻煩去着呢套兔仔裝，Kelly都感覺到佢哋好有誠意，三人仲祝大家「兔年吉祥」、「鴻兔（圖）大展」。帖文還提到，兔仔充滿活力，所以今年香港都會活力四射；局方亦會學習兔仔嘅迅速、靈活、敏捷，把握二十大及《十四五規劃綱要》帶來嘅新機遇，利用香港獨特優勢，成為世界級中外文化藝術交流中心。
Kelly Chu

■楊潤雄局長同可愛兔兔一齊祝大家兔年吉祥！

KellyChu - 文體旅局高層 盞鬼化身「兔男郎」拜年！｜Executive日記