國慶全港紅旗飄揚節日氣氛濃 娟姐打卡影靚相

今個星期六係十一國慶大日子，為慶祝中華人民共和國成立73周年，18區民政處除咗安排各項精彩慶祝活動，當然唔少得喺全港各區懸掛國旗區旗及節慶橫額，同市民一齊喜迎國慶，祝願祖國繁榮富強、香港和諧穩定。

五星紅旗隨風飄揚，仲有大型花牌同璀燦燈飾，節慶氣氛濃厚，民政及青年事務局一連幾日在fb發布各區嘅旗海盛況，歡迎大家齊齊打卡留念，同心賀國慶 。

民政及青年事務局局長麥美娟早幾日就話要去打卡，今日（30日）佢終於抽到時間約埋副局長梁宏正和政助張進樂去中環街市，同旗海影番張靚相，感受國慶嘅歡樂氣氛。

沿途佢哋見到中環街市有好多唔同嘅展覽同小市集，班街坊同檔主都好熱情同娟姐打招呼傾吓計。

在民政及青年事務局和娟姐的fb貼文下有網民說今年國慶五星旗海飄揚，顯示出特別濃厚的氣氛。還有網民發圖分享各區的國慶旗海盛況。

值得一提的是去年國慶日，有市民向路政署申請在燈柱掛國旗後，收到路政署帳單要求繳付約14.7萬元。特首李家超得知事件後，向有關部門了解情況，並已指示豁免費用。李家超表示，特區政府重視推展愛國主義教育，一向積極推動民間團體及市民在尊重國旗、區旗及其圖案的前提下，共同慶祝國慶日、香港特別行政區成立紀念日或其他特別日子，以表達愛國情感。

Sebastian

** 博客文章文責自負,不代表本公司立場 **

警隊首個大型戶外電子屏幕今日（9月29日）正式開播。這個設在旺角警署外牆的大屏幕相當佔盡地利，背靠警署，對正彌敦道，太子地鐵站出口，等候過馬路的市民隨時可以睇到。

警隊首個大型戶外電子屏幕正式開播。

警方還在社交平台透露，大屏幕會365日，全天候分享源源不絕嘅警務資訊。「就有佢陪住你，唔好再做低頭族喇，抬頭望望，隨時會有驚喜！」

咁大個屏幕，究竟會播啲乜？Sebastian聽聞，今日開始，輪播的內容相當豐富，既有慶祝國慶、關注國家安全、反恐等內容，也有警隊社交平台、「晨光警聲」等等線上平台的宣傳，等大家多啲關注同互動。

防騙吉祥物「提子」都會登上大屏幕。

大量中英文防騙資訊亦會輪番播出，包括最近市民好關心的「賣豬仔」等內容，而市民好熟悉的吉祥物「提子」也將親自上陣，時時刻刻提醒我哋，唔好俾人呃呀。

《守護香港》影片截圖

當然唔少得嘅係警隊宣傳大片《守護香港》、少年警訊系列活動、警隊招募等，不少紀律部隊職位全年接受招聘，有意加入的市民可以立即投考。

警隊近年非常注重公共關係工作，一直透過好多不同方式加強同外界溝通，今次又多咗一個咁當眼的大屏幕助陣，真係走過路過，唔好錯過喇！