撰文：勾玄 @ 香港兔蘆術數學會
冇L錯，今期唔講八字，講因果，吹咩。
我好鍾意呢個波波，我叫佢做"因果球"。你可以嘗試將每事每物去形象化、立體化，呢個波波就係事物既"果"，而每一個小圓平面就係構成呢一個"果"既"因"。
我地好多時對"果"都有一個好主觀既批判，但係往往大家判別出黎既答案又會有好大既分別，點解會咁既呢？
拿拿拿，宜家將抽象既野，以3D畫面擺響你面前，大家會唔會有D理解呢。正正係因為大家用唔同既角度去睇呢個"果",自然，望到既"因"自然就唔同，從而影響到你對呢個"果"既批判啦。
宜家將呢樣野立體化左，大家就緊係易理解啦，但係唔好意思，現實係，世間上萬事萬物係唔會立體化擺響你面前，俾時間你慢慢去判別對錯既。
你睇到既"因"，只係成個"果"既30%，你真係咁肯定眼見既"因"就係構成呢個"果"既主因？會唔會人地睇到既"因"比你見到既"因"對呢個"果"既構成有更大既影響力呢？
下次同人嘈到面紅耳熱時，諗一諗，既然唔確認自己講既野一定岩，你又憑咩去判定人地一定錯呢？
#玄學 #八字 #術數 #面掌相 #香港兔蘆術數學會
(相片來源：互聯網)
學會網站：https://www.facebook.com/numerology.rabbit/
學會介紹：https://www.facebook.com/numerology.rabbit/info/?tab=page_info
香港兔蘆術數學會
** 博客文章文責自負,不代表本公司立場 **
撰文：萬事達
首先同大家拜返個年先啦，遲到好過無到，祝願大家新春大吉事事順利。近期大家一係發到豬頭喇叭咀，一係輸到hihi。唔使驚嘅，炒得野一係贏一係輸架啦，50/50嘅啫，但老老77，近期係波動嘅，難炒嘅，要賺錢真心做daytrade啦。
所以呢，今日帶黎一個新方向比大家作參考，嗱，招就舊嘅，不過就好L有用囉。登登登登，就係用立春八字撚下佢老顆嘞。今年嘅立春時間就係2016年2月4日下午17時46分，用呢個八字睇呢，我就判佢偏強，因為日主得令，所以金為財星水為調候。
我up緊乜，X，好狠簡單啫，即係一入農曆七月咪開始轉好囉，唔係萬聖節丫，但係伏吟年柱，睇黎都要慢慢掙扎先會漸入佳境。而且我咁睇，今年聖誕節前後應該會非常唔錯，但一入2017時，會黎多過反高潮，到時就自己執生嘞。
咁有人就會話咁巳月都應該唔錯啵，巳申化水，哎喲，寅巳申三刑丫老闆，雖然市況可能會幾好炒，不過香港就會好動盪囉，我呢d港豬豬心態搵到錢理9得佢啦， 其他關我_事咩。壬辰月都好炒嘅，但復活節後又冚家hihihi。年中時一係食下花生放假，一係吸殘股等爆。過左選戰後，市況又差返d，冬天又突然變返 好，可能d大行要粉飾窗櫥，引9班老散黎殺。
最後講多幾句啦，今年金水為用嘅人，炒野就應該幾好嘅，當然夾埋八字黎睇，算下流年就更可以趨吉避凶，假如唔為用都唔怕，擺岩風水陣都會有美好人生架。再唔係，讀下書學下野，又或放假休息下囉。
雖然個立春八字仲有好多野可以睇到，但係因果業力太重啦，講咁多黎真係唔知邊個去承擔，做幾多善事都補唔返，所以我都係繼續炒野同做研究啦，呵呵。
送多句比大家：
山窮水盡出高手
九死一生顯功夫
寫返個免責聲明先
本人言論並不構成任何投資建議，一切予本人及本會無關。
投資任何產品價格都可以急升或急跌，所以投資前請參考個人能力及清楚產品相關風險。
#玄學 #八字 #術數 #面掌相 #香港兔蘆術數學會
(相片來源：互聯網)
