霸戲哥之日常#435｜ 公關

今個10月，MIRROR終於全面復工。四齣由佢哋主演嘅ViuTV劇《野人老師》、《季前賽》、《百萬同居計劃》同拳擊劇《繩角》將會推出，鏡粉唔使再牽腸掛肚，日日捕住個芒等偶像update搞到茶飯不思。

但鏡粉最期待嘅，可能係Makerville嘅交代。MIRROR演唱會事故發生咗兩個月
，Makerville依然採取龜縮態度，好似當件事冇發生咁，心存僥倖博大家唔記得。如果唔係要拎王牌劇出嚟撼無綫嘅台慶劇，或者VIuTV真係會一直擺喺倉底都未定。

霸戲哥深信MIRROR都好想為阿Mo發聲，奈何公司應該落晒柯打，一律禁止發表相關言論，嗰種有冤無路訴嘅心情先至係最糾結。

做人冇公關真係食得屎。或者ViuTV真係要好好諗吓呢個問題，唔好拖累MIRROR嘅發展，令一眾鏡粉心碎。

霸戲哥

** 博客文章文責自負,不代表本公司立場 **

終於感受到有啲秋意，塵封嘅行山裝備又可以拎番出嚟。

霸戲哥鍾意行山，但並唔係次次都咁爽，除咗地點吸唔吸引，人腳都好緊要。當然如果有靚女同行，嗰程trip一定有分加，可惜這些機會不是屬於我的。

好彩，仲有得睇靚女行山。下星期一J2有全新行山真人騷《港女野人》，四名港姐出身嘅靚女Honey、Amber、Jessica同Nicole將會挑戰不同難度系數嘅山野，大玩水上極限同野外活動。

一個節目有齊實用行山攻略，又有靚女睇，會唔會好過自己行呢？