細細個已經聽過教窮人捉魚，比起捉魚俾佢食好，因為佢學識點樣捉魚，日後就能夠自力更生，唔駛政府同社會去幫。社會企業亦係同一道理，佢地以商業模式運作，同時產生好多社會價值。
今時今日講起社企，仲有好多人諗起社福界開辦的餐廳、合作社、洗車公司之類，有無諗過原來香港有成五百幾間社企？Sebastian 同社企民間高峰會一班籌委傾開，先知道香港社企回報期平均要六、七年，比外國的社企確實耐啲，但存活率之高就係全球頂尖之列。
左起︰陳錦棠、李正儀、蔡振榮（城大學者）
呢個社企民間高峰會已經係第九年舉辦，由籌委會主席李正儀（Jane）一手湊大，Jane話今年高峰會以「社會創新在亞洲︰從創意到創效」為主題，希望推動社企發揮創意，幫手解決社會問題，佢以患有腦退化症的長者為例，而家外國有唔少科技可以幫到呢啲長者，但香港係咪可以照樣引入呢？「佢哋唔識耍太極？香港要用到就要改。」
Jane話如果學術界開發到新科技，又有商家願意投資生產，NGO可以用來幫助長者，再加上政府配合，就可以推動「官商民學」四方合作，效益絕對唔講得少！
有份籌備的理大陳錦棠博士話，早前旺角花園街排檔大火後，理大設計學院的同學就諗吓點樣設計出安全性能高的排檔，之後仲得到消防署等部門支持，幫手測試排檔安全程度，佢話呢啲就充分證明「官商民學」有幾重要啦！
講起高峰會，會喺九月廿四至廿五號一連兩日喺會展舉行，今年請咗唔少本地同海外學者演講，千萬咪為學者研究好「離地」，今年就有位本地學者研究政府推行兩蚊乘車優惠帶來的社會效益，成果係點要到九月高峰會先知，但一聽題目就知道夠晒「貼地」啦！
今年高峰會仲搞搞新意思，除咗演講，仲會喺會場搞個叫「行行企企」的活動，由十幾間社會服務機構開辦的社企，在會場內搞攤位遊戲，好似有泰拳、戲劇表演、街舞表演等，等入場市民可以親身感受吓社企有幾多元化。
Sebastian
** 博客文章文責自負,不代表本公司立場 **
世界在變，大講創新，有創意的企業才有機會跑出，似乎是必然的定律。
Sebastian早前去參觀新世界在天后廟道剛落成的新盤柏傲山，突然發現他們在發起一個「The Artisanal Movement」，所有新世界同事的名片背後，都印上這個新的品牌個性，或許可以叫做「匠心運動」?
「The Artisanal Movement」
發起這場運動的是新世界執行副主席兼聯席總經理鄭志剛，單是「The Artisanal Movement」這三個字標誌，原來就是由鄭志剛親筆書寫，結果寫了100次以上才滿意。
新世界中人熱情介紹，The Artisanal Movement是表明他們專注於具原創性的工匠手藝，借此為各種類型的產品和服務，開拓無限想像的旅程。聽落有少少抽象，直至參觀了柏傲山之後，就對他們想做的事情，多一重了解。
一踏入柏傲山，就傳來寺廟鐘聲、雀鳥聲和流水聲，它並不金碧輝煌，卻輕鬆恬靜，原來是一種日本式美學「侘寂」(Wabi-sabi)式設計，一草一木一石，都十分講究。
樓盤佈局恬靜，一石一木都十分講究，體現侘寂美學特色Ｚ難日尸木
侘寂Wabi-sabi是日本傳統美學，源自佛學思想，有短暫和不完美的特質。茶道大師千利休有著名禪意格言：「一期一會」，意思近似我們講的「活在當下」。佛學有「緣聚則生，緣散則滅」的思想。「一期一會」形容一輩子只有一次的茶會相聚，賓主各盡其誠。推而廣之，美好的事物也是一生難得，不會再來。以「一期一會」來一形容樓盤，減少銅臭，增添詩意。
新世界從日本邀請擁超過40年經驗的加藤春吉先生，舉行櫻花和菓子工作坊。
樓盤既然以「一期一會」作佈局，自然少不了茶道及櫻花和菓子工作坊，借此呈現精雕細琢日式工匠作風。鄭志剛曾於京都留學一年，很受日本文化影響，這次引入日式美學侘寂進入樓盤設計中，就是希望在煩囂的都市之中，創造隱世寧靜居所。
茶道師薛嘉弢即席示範「煎茶道」，有異於日本另一茶道流派「抹茶道」的華美手法，「煎茶道」以簡潔為美。
會所佈置亦甚有藝術味道。
Sebastian一向不喜觀那些金光閃閃的豪宅，見到柏傲山的侘寂美學設計，才知道樓盤設計得美，竟有洗滌心靈之效。亦見到新世界開始發功，在各個環節推動他們的「匠心運動」，為產品和服務附加更高價值。
