博客文章
「2022 亞洲 影藝創意大獎」(Asian Academy Creative Awards 2022)日前公佈得獎名單，TVB一共掃走15個獎，涵蓋劇集、綜藝節目、新聞及資訊內容節目、串流平台內容以及宣傳片。
TVB係電視界龍頭，拎獎其實係應份。反而最令人驚喜係，J2都有兩個節目有獎攞，分別係原創節目《職工頭圍用膳》奪得
「最佳生活消閒節目」；原創劇集《凶宅清潔師》則獲得「最佳串流平台原創節目」。
霸戲哥成日講，J2自從改台徽後大改革，好多節目都有水準，今次奪獎都係一個好大嘅鼓舞，希望嚟緊有更多好節目啦！
霸戲哥
** 博客文章文責自負,不代表本公司立場 **
第27屆釜山國際電影節，凌文龍憑《IT狗》飾演葉念信一角，贏得最佳新星大獎（Best Rising Star）。致辭時用廣東話話：機會係留畀有信念嘅人。
所謂「新星」，其實凌文龍一啲都唔新，08年喺香港演藝學院畢業後，主要參演舞台劇，直至18年喺電影《黃金花》扮演自閉症患者，先開始多人識，都算係大器晚成嘅表表者。
霸戲哥對凌文龍呢位後生仔印象極好，有次寫咗個劇本，就膽粗粗搵佢演。凌文龍先冇嫌棄個劇本有幾爛，仲不停問我角色嘅性格設定同心理狀況係點。當時佢要扮一個跛腳嘅賣藝人，佢竟然不停上網睇片，然後模仿半個鐘先肯埋位拍。嗰種認真到近乎癲狂嘅程度，實在令霸戲哥無地之容。
凌文龍絕對係呢代一位好重要嘅港產片演員，希望佢喺未來日子繼續綻放光芒。
