撰文：勾玄 @ 香港兔蘆術數學會
有女性朋友問起，自己既八字係未四柱全陰，跟住又問，係既係咪即係比較容易撞鬼。
又有朋友咁講：我睇過邊個邊個師傅呢，佢話我八字唔知咩陽氣好重喎，唔會見到污漕野。
呢樣野有冇根據，老實講，我真係唔攬知，就等如問一個男人既八字如果四柱全陰，咁佢係未乸型，或者係衣櫃裡的男人一樣，係無根據既。
首先，一個八字，判陰陽，定五行，辨十神，仲有神煞，缺一不可。五行陰陽既多少，同埋佢既排列，係會對命主個人性格，行為，命運有決定性既影響。
如果有師傅話單單用陰陽就判定到o個個人係未鬼見愁定係鬼追人，而你又相信既話......少年，你太年輕了。
試問一個所謂全陰八字有丁火，已火，咁算陰嗎？相反，所謂既全陽八字有子水，辰土，戌土，算陽氣強？矛玩啦
所謂既四柱全陽、全陰，同見鬼真係冇咩關係，相反，全陽者不論男女，家中男性健康不佳，反之，全陰者則不利家中女性健康。
至於易唔易見鬼呀，或者話鬼見到你都要避既人既命，應該以土上安仁或者命帶魁罡且成格者去判斷反而準確更多。
#玄學 #八字 #術數 #面掌相 #香港兔蘆術數學會 #BB發展
(相片來源：互聯網)
學會網站：https://www.facebook.com/numerology.rabbit/
學會介紹：https://www.facebook.com/numerology.rabbit/info/?tab=page_info
香港兔蘆術數學會
** 博客文章文責自負,不代表本公司立場 **
