霸戲哥之日常#483｜ Shelley Duvall

每逢萬聖節，唔少人都會翻睇《閃靈》（The Shining），淨係睇Jack Nicholson立住把大斧頭嗌Here’s Johnny~~都夠hyper。

《閃靈》之所以咁成功，霸戲哥認為最大功勞唔係導演Stanley Kubrick、唔係Stephen King嘅原著、亦唔係Jack Nicholson，而係陷入歇斯底里嘅Shelley Duvall，佢嗰種嚇得面容扭曲嘅演繹，恐怖程度拍得住伊藤潤二漫畫入面嘅主角，絕對係史上最出色演出，沒有之一。

Shelley Duvall付出嘅代價都好大，傳聞Kubrick迫佢拍幾十個take，又要佢喊足成日，先做到嗰種精神繃緊嘅效果。所以Shelley拍完套戲，硬係畀人感覺係神經質，之後都拍少咗戲，2002年拍完套獨立電影《Manna form Heaven》之後息影，犧牲都咪話唔大。

不過現年73歲嘅Shelley Duvall，日前傳佢復出嘅消息，亦係相隔20年再次出山，參與恐佈電影《The Forest Hills》。據知故事圍繞主角Rico，某次經歷頭部重創後，開始產生幻覺。Shelley就係飾演Rico個阿媽，會不停喺Rico腦海出現。

最新流出嘅劇照，見到Shelley恐怖狀態十足，有口痕友話佢激似Paul McCartney呢！

霸戲哥

** 博客文章文責自負,不代表本公司立場 **

台慶劇《美麗戰場》噚晚大結局，算唔算圓滿真係好見仁見智，最後15分鐘劇情大暴走，朱晨麗失驚無神同姜大偉有路，又邊個傳條片畀方力申？方力申又去咗邊？臨尾反骨琪點解突然出現？仲同鍾家寶嗌聲家姐？相信連演員都睇到黑人問號。

葉念琛臨尾製造一大堆問號，擺明為續集鋪定路線，一貫MK活地阿倫嘅操作。不過傳統師奶未必太接受到。

但又咁講，邊個話大結局一定要解釋晒所有劇情先？又邊個話結局一定要合情理？成世人流流長，根本好多嘢都冇辦法搵到圓滿同合理嘅解釋。

葉念琛呢個操作成功引起好大迴響，有人已經出得post集思廣益，商量續集應該叫咩名。當然亦有新fb群組誕生，叫「葉念琛美麗戰場結局 導致葉伯母被瘋狂問候關注組」，搞到伯母好唔得閒。

留名等睇美麗殺戮戰場，反骨琪大戰黑化寶。