胡楓演唱會嘉賓卡士勁過台慶張學友台上下跪

2022年11月13日 15:30 最後更新：16:22

胡楓（修哥）11月12日在紅館舉行《修哥90迎金秋無限楓騷演唱會》，以90歲之齡成為最年長的紅館歌手！

在娛圈地位舉足輕重的修哥，不但有一班契仔契女上台支持，有張學友、張家輝等人輪流現身，現場星光熠熠相當熱鬧，更有不少修哥老友出場，當中包括薛家燕等，即刻點擊睇昨晚精彩照片！

點擊看圖輯

胡楓演唱會·圖輯｜張學友台上下跪修哥輕撫薛家燕面珠觀眾卡士勁過台慶

更多相片

修哥早前因感染肺炎而令演唱會延期，12日終於可以順利舉行。

契仔張學友罕有晒歌喉，為契爺落力演出。

張學友擺招牌甫士唱歌現場觀眾聽出耳油。

修哥換上多套靚衫上台，超有型！

仲有草蜢上台！

修哥特意介紹台下觀眾席的許冠文，全場鼓掌。

黎明送上花籃。

仲有容祖兒都送上花籃賀修哥。

張學友與修哥同台，全場觀眾都超開心！

森森同斑斑送花籃。

成龍都有送上花籃。

盧海鵬都有現身睇騷！

仲有顧老闆顧紀筠。

余安安(右)casual打扮嚟睇騷。

TVB高層「珍姐」曾勵珍都係台下觀眾。

修哥著上粉紅色西裝，型到爆！

修哥同契仔張學友同台。

仲有張學友「兄弟」張家輝。

張學友現場演唱觀眾拍爛手掌。

張學友更在台上向契爺下跪表敬意。

張家輝、張學友與修哥同台演出！

仲有修哥老友薛家燕。

草蜢。

張學友全場最搶鏡！

現場氣氛熱鬧！

TVB高層樂易玲都有現身。

修哥的孫仔孫女都現身撐場。

修哥以90歲之齡成為最年長紅館歌手！

修哥孫仔孫女都有上台支持！

草蜢親吻修哥！

修哥鬼馬輕撫家燕姐面珠。

唔少天王巨星都有送花籃賀修哥演出順利。

前來睇騷的觀眾卡士超強！

前來睇騷的觀眾卡士超強，當中仲包括上台嘉賓。

高永文醫生夫婦都有來睇騷。

修哥又唱又跳，超犀利！

許冠文驚喜現身！

胡楓演唱會·圖輯｜張學友台上下跪修哥輕撫薛家燕面珠觀眾卡士勁過台慶

往下看更多文章

「修哥九五至尊無限楓騷演唱會」門票已全售罄修哥獲眾多朋友支持感喜出望外

「修哥」胡楓將於本周日（6月7日）下午3時30分在紅館舉行的「歐洲坊鐘錶呈獻：修哥九五至尊無限楓騷演唱會」門票經已全部售罄，屆時全場觀眾和一眾嘉賓歌手為修哥打氣，一起見證即將95歲的修哥挑戰《舉辦演唱會最年長華語藝人》之世界紀錄。

日前修哥聯同Philip陳欣健、Joe Junior、肥媽 Maria Cordero、《中聲三》的黃博、張與辰、劉洋、《聲秀》的馮熙燮、柯雨霏、胡子貝到 Band 房綵排，修哥表示很開心：「得到咁多朋友支持，令我喜出望外，有啲估唔到嘅嘉賓都會嚟，真係Very Good ! 主辦單位成日搞神秘，問佢有乜嘉賓佢哋又話未定，結果一個禮拜前終於知道嘉賓名單，除咗有今日嚟Band房綵排嘅朋友之外，仲有莫文蔚、楊千嬅、Big Four、草蜢同周柏豪，就講住咁多先。」

肥媽說：「我今次有份唱已經好開心，我間唔中都有同Joe合作，但Philip就真係好多年都冇同台演出。」Philip笑說：「因為我冇參加中年好聲音。」肥媽即時問他什麼時候來做評判，Philip表示 :「唔駛做評判，我而家成熟咗可以嚟唱，起初主辦叫我做修哥嘉賓，我以為佢叫我嚟跳 Cha Cha ，大家都知修哥係舞王，好彩最後係叫我唱歌，所以終於冇晒壓力。」Joe :「修哥千祈唔好叫我跳Cha Cha，我剩係識跳扭腰舞，不過今次有得唱真係好開心，當我知道主辦單位邀請我嗰一刻，我即刻話俾老婆知。」

《中聲3 》和《聲秀》6位歌手也表示相當興奮，黃博說：「修哥係我哋嘅榜樣，我最深刻就係修哥扮嘅財神，今年好幸運可以係修哥手上面攞到利是。今次可以加入呢個 Party，見證修哥挑戰世界紀錄，真係非常之開心。」與辰笑說：「今次好想挑戰修哥跳舞，同修哥佢一齊跳Cha Cha都應該好正。小學嗰陣就已經有睇過修哥嘅影視作品，覺得修哥係一個好敬業同埋好有毅力嘅藝人，所以真係值得大家學習。」劉洋：「一直以嚟都睇過好多修哥嘅影視作品，可以參與今次演出真係覺得好榮幸。」

馮熙燮表示：「首先要多謝修哥嘅邀請，也要多謝公司嘅安排，出道只係短短半年已經有呢個機會，真係非常難得，其實我細細個就有睇《三個小生去旅行》，所以今日綵排可以第一次見到兩位本尊真係覺得好激動。修哥佢好和藹可親，到時係紅館會盡我哋所能，做好自己，帶俾觀眾一個精彩嘅演出。」柯雨霏：「修哥喺我眼中係一個熱愛舞台同埋藝術嘅前輩，我哋三個好榮幸第一次上紅館表演就係喺修哥嘅演唱會，今次可以見證修哥挑戰紀錄，仲可以同咁多前輩一齊載歌載舞，真係好興奮。」胡子貝：「我哋會做好自己嘅表演部份，修哥係我哋演藝界嘅長青樹，我希望可以學習佢嘅精神，不停努力，將最好嘅作品帶俾大家。」

你或有興趣的文章

胡楓演唱會嘉賓卡士勁過台慶 張學友台上下跪