玩出真愛火?
《CP訓練營》經過第一階段「困戰鬥」戲劇特訓後,八位受訓者今次將由女方揀選Partner,並進入第二輪私下約會階段。在特訓期間與李爾晨(Kyle)「你儂我儂」的伍倩彤(Gillian),私下約會階段竟「另覓真愛」,原來Gillian為了一圓范莎莎(Zaza)渴望與Kyle相處心願,「割愛」轉Date AO蔡浩洋(Yeung),並直認對AO男有所幻想:「因為香港地要搵一個A0嘅男仔,我覺得要去幼稚園搵架喇。」
至於終能與Kyle獨處的Zaza,則直入「進擊」Mode,帶Kyle踩Roller大玩拖手仔之餘,又為壽星仔送上Birthday Cake,令Kyle冧得一陣陣,Zaza更大拋進擊Bite:「我相信我比Gillian更加適合Kyle」。
除了「型男索女」在本周似是各行各路,據知「訓練營」更成功撮合真情侶!當中最大嫌疑組合分別為葉靖儀(Michelle)+黃潤祺(Jaxson),及馮建晞(Argus)+洪靄茵(Eileen);16日晚一集,大家絕對可落足眼力尋找「真愛火」。之前在直播中遭Michelle粉絲踢爆「沉船」的Jaxson,與Michelle玩完打籃球後,將與畏高的Michelle齊齊挑戰攀石,Michelle更獲安排獨自挑戰「攀高柱」任務,心掛掛的Jaxson在女方「嗌救命」期間,一度想飛身「英雄救美」,二人「愛火」瞬即蔓延,Michelle數度心心眼,至於Jaxson則全程「怕醜仔」Mode冧笑不斷,望見都眼冤。
其實Michelle於打籃球期間已不斷發問試探男方,當中最驚爆是Michelle問Jaxson「最快試過識咗個女仔幾耐就同人Kiss」時,男方竟坦白回答是「一天」,令Michelle一度失望扁嘴,不過Michelle事後仍是對Jaxson讚不絕口:「佢好有耐性解釋啲嘢我聽,感覺比同齡男仔成熟啲,又有上進心。」
至於之前因阿Yeung 與Argus陷入兩難的Eileen,今次疊埋心水揀定Argus,食pancake之餘,又大玩空中瑜伽兼腳底按摩,節目豐富。腳底按摩期間,Argus問Eileen前度有否替其按摩,Eileen即一度流露失落樣,一臉心痛的Argus隨即自動請纓謂:「你頭先幫我按摩個頭,我遲啲幫你按番吖。」並在訪談環節直表心跡自薦:「佢話佢EX幫佢按摩,一分鐘就會話好攰。如果係我,我可以做得更好。」並坦認與Eileen拍照留念時,對望期間有「過電」感覺,到底二人是否傳說中的真情侶,還是最後Kyle與Zaza會「驚爆」跑出?密切留意節目後續發展。