旺角飯局4隻瀨尿蝦盛惠1200元 網民反而聲討168元飛天通菜

有網民近日以「朋友去食，佢問我4隻7吋長瀨尿蝦值唔值1200元」為題發帖，並上載一張旺角菜館的晚飯收據。由於8人飯局的總金額銀碼高達6288元，被其他網友轉發到不同的討論區，惹來網民一陣騷動。

4隻瀨尿蝦盛惠1192元。網上截圖

樓主事後補充「我都有問朋友食物相，因為係成班麻甩佬食所以無人打card。味道方面就一般酒樓味道。至於事前點解無問價，係因為呢餐係有搞手搞嘅團體飯，所以無人睇過個餐牌，同餐廳傾咗個budget就由佢地安排。大部分人事前唔知會食咩同埋每碟餸幾錢」。

網民指「餐牌有晒價錢，最多話唔好食／唔抵食」。網上截圖

綜合以上情況，回應的網民先談論盛惠1192元的4隻瀨尿蝦主角，有人和議指「海鮮價，咪就係講呢D囉」、「差唔多成300蚊隻瀨尿蝦，我有冇睇錯」、「200幾元一隻，就快拍得著龍蝦」、「298元隻賴尿蝦 …可以食到一隻本地龍蝦啦…」。

網民提到「飛天通菜煲168元，食完真係識飛天」。網上截圖

另有看來是老饕的網民則提供經驗指「講真4隻1200元（7吋）真系唔貴囉。除非你叫之前無問價錢。否則唔應該拿出問其他人」、「差唔多。南非鮑魚街市要50元一隻左右，佢煮埋都係70幾元。賴尿蝦睇大小，大嘅的確要，佢哋8個人，食4隻，應該都係大嘅」、「海鮮檔買，無記錯，7吋應該都198元一斤，街市買應該都要700元至800元，貴平就見仁見志（智）」、「人哋明碼實價，300元隻椒鹽瀨尿蝦唔少鋪（舖）都呢個價」、「如果係斑馬瀨尿蝦...就唔係貴」。

網民發現「按比例計條魚好抵食，就算一斤8個人分都係超抵」。網上截圖

飛天通菜要168元先神奇

說過瀨尿蝦，經網民細意審閱收據後，認為整頓飯6288元「好意頭」，但同時發現售168元的飛天通菜和豉油皇炒麵定價也太高，指「如果要講飛天通菜要168元先神奇」、「飛天通茶煲168元？食咗會飛天？」、「按比例計條魚（清蒸老虎斑368元）好抵食，就算一斤8個人分都係超抵」。

有網民稱「4隻1200蚊（7吋）真系唔貴囉」。網上截圖

網民接著總結指，「嫌貴可以唔食，又唔係拎住支槍指住你入去」、「食嘢唔問價，同打開銀包叫人隨便，係無分別」、「其實餐牌有晒價錢，最多話唔好食／唔抵食」。

有網民指「如果係斑馬瀨尿蝦...就唔係貴」。網上截圖

網民分享經驗，指「海鮮檔買，無記錯，7吋應該都198一斤，街市買應該都要700至800，貴平就見仁見志」。網上截圖

帖文來源：
Ball Lung

香港茶餐廳及美食關注組
https://www.facebook.com/groups/chachantang/permalink/3409831469250384/

8人飯局的總金額銀碼高達6288元。網上截圖

麥當勞近年推出送餐服務，讓顧客在自助點餐時可選擇由店員送餐。近日有網民在社交平台討論「年輕人應否使用此服務」，引發熱議。

麥當勞近年推出送餐服務。網上圖片

要人送餐好廢？

事緣近日網上流傳一張年輕人使用麥當勞送餐服務的照片，而照片中的男生穿着校服，疑為學生；由於該帖文指，「咁大個人都要人送餐，真係好廢……」，引起網民討論年輕人能否使用送餐服務。

網民討論年輕人能否使用送餐服務。FB圖片

防取餐時被霸位

多數意見認為，服務既已推出，應供所有顧客使用，尤其便利「一人顧客」，避免離開座位取餐時位置被佔。有網民指出，過往曾放置物品佔位卻遭盜竊。

多數意見認為，服務既已推出，應供所有顧客使用。麥當勞照片

網民：服務可創造就業

亦有網民認為服務可增加就業機會，隨着自助點餐機普及，若取消送餐服務，或進一步減少人手需求。不少網民強調，服務不應設年齡限制，「有需要就可以用」。

不少網民強調，服務不應設年齡限制。香港麥當勞圖片

平衡便利與人手分配

雖然有意見指送餐服務原為便利傷殘人士，現或被濫用，且加重店員工作量。但多數網民認為，餐廳既提供此選項，顧客便可按自身需要選擇使用，毋須過度標籤使用者。