Kyle成《CP訓練營》終極大贏家 Jaxson癡心錯付一再黑面

究竟當中有無真CP呢？

J2（82台）戀綜《CP訓練營》於11月日晚播出最終回，李爾晨（Kyle）、阿Yeung（蔡浩洋）、馮建晞（Argus）、黃潤祺（Jaxson），將向心儀女參賽者作終極告白，候選「佳麗」分別為洪靄茵（Eileen）、伍倩彤（Gillian）、葉靖儀（Michelle）、及范莎莎（Zaza），屆時更有可能揭曉潛藏營中的真CP。

觀看相關影片按連結：https://youtu.be/JmgB5N1944U

經過連日排戲及同房相處，各人「心頭好」逐漸浮面，當中最明顯的感情線落在Jaxson及Michelle身上，Jaxson更在鏡頭前直認「沉船」：「大家都睇到我有幾沉迷Michelle，我好開心入到呢次個Camp，我本來諗住入嚟玩吓，諗唔到自己仲未開始認識晒所有女仔，就咁快鎖定咗一個女仔」、「第一次（同Michelle）排戲嗰陣，唔知係咪投入咗感情，我望住佢對眼就即刻喊咗出嚟，但之後變咗一望（佢對眼）就笑」，驚人言論令全場男士嘩然。除了Jaxson，阿Yeung亦直認經常忍不住想起Gillian：「我發夢會見到佢唔知點解，同埋成日見到橙色就會諗起佢」，又強調之前與Jaxson爭Michelle只為排戲。

Jaxson坦承對Michelle「沉船」，好可愛呀呢個行為！

Jaxson坦承對Michelle「沉船」，好可愛呀呢個行為！

阿Yeung就原來對Gillian有意思。

Kyle一知道咗阿Yeung咁諗，即刻嚟個眼神攻勢。

之前阿Yeung同Gillian嘅微電影合作，又幾冧嘅真係，係佢哋好戲定點呢？好耐人尋味。

之後，製作組為四男四女作最後同房配對，主動權落在四女手上，四女可挑選心儀男伴同房之餘，被選男士更會成為畢業劇作拍檔。由於阿Yeung已於前一晚與Michelle「劃清界線」，正當所有人坐定粒六覺得Michelle會揀Jaxson時，震撼場面就在此時發生，原來Michelle心儀男士另有其人，被「拋棄」的Jaxson自然難掩失落，即使最後Michelle因「配對失敗」重投自己懷抱，Jaxson還是表現得相當不開心，並一再對Michelle黑面，場面相當尷尬。

當Jaxson發現手上面嘅匙咭打唔開Michelle道門嘅時候，佢即刻冇晒Mood。

之後塊臉愈嚟愈黑。

到底Michelle揀咗邊個呢？

個氣氛真係好尷尬。

但話明沉船，Jaxson好快又畀Michelle融化番。

仲主動拖Michelle手仔添。

這邊廂氣氛極僵，那邊廂卻粉紅氣場爆燈。Gillian與Kyle經過連日相處後，似乎均已認定對方，即使Kyle在「同房配對」中同時獲三女選為同房，但Kyle還是立定志向直奔Gillian閨房，甜蜜氣氛一觸即發。之後二人除了有大量甜蜜互動場口外，在畢業劇作上二人亦甚有火花，上演親嘴戲碼時不但嘴貼嘴，更一度肉緊至錫到出聲，令導師賴慰玲大為驚喜。由於演出甜蜜又自然，最終獲賴慰玲選為「最佳CP」，並獲得擔任微電影男女主角機會。向來顏值出眾的Gillian，在微電影中更會以不同靚靚造型亮相，養眼度十足。

另邊廂，Kyle竟同時獲得三女選為同房，真係魅力逼人喎。

Kyle同Gillian由始至終一條心，佢哋兩個啲互動又咁甜蜜，會唔會真係有情人終成眷屬架最終？！

喺畢業劇作入面，Gillian同Kyle係錫得最肉緊嘅一對，真係有聲架。

Gillian喺微電影入面，唔單止靚靚造型多多，連表情都係多多。

Gillian喺微電影入面，唔單止靚靚造型多多，連表情都係多多。

Gillian喺微電影入面，唔單止靚靚造型多多，連表情都係多多。

而平時成日都好甜蜜嘅Argus同Eileen就唔知做乜嗌晒交咁，Eileen仲哭成淚人。

Jaxson Michelle之吻

Yeung Zaza之吻

Argus Eileen之吻

年度盛事《微博文化交流之夜2026》昨晚（4月12日）於澳門舉行，「雙料視帝」黃宗澤（Bosco）深受內地觀眾歡迎，獲頒年度實力演員。同屬邵氏兄弟的一眾藝人林夏薇、陳瀅、吳業坤、胡鴻鈞及李爾晨等亦齊齊攞獎，各人難得聚頭，十分興奮。

樂易玲與一眾藝人齊齊攞獎。

晚會除了推動國際文化交流之外，還對一眾在行業有傑出成就的台前幕後演藝人頒發獎項。邵氏兄弟樂易玲帶領一眾藝人出席盛會，各人隆重其事，亦悉心打扮。其中薇薇的一襲珍珠米白色低胸拖尾晚裝加珍珠鍊頭飾盡顯貴氣，而陳瀅的黃色花花圖案輕紗低胸長裙亦份外嬌俏，在紅地氈及晚會中齊齊搶盡鋒頭。

樂易玲帶領一眾藝人出席盛會。

林夏薇

陳瀅

樂小姐除了為晚會擔任頒獎嘉賓外，亦率先獲大會頒發「微博中國澳門年度傑出娛樂製作人」獎項。她在台上發表得獎感受：「呢個獎項係對我影視生涯嘅肯定，好開心製作出嚟嘅作品受到觀眾喜愛，亦好開心見到培養出來嘅藝人成績好好，攞好多獎項。佢哋嘅成功就是我嘅動力，未來都會繼續站在製作嘅第一線，因為對我嚟講唔單止係一份工作，仲要係我一生嘅熱愛。」

黃宗澤、樂易玲

黃宗澤（Bosco）奪得「微博中國澳門年度實力演員」，Bosco魅力非凡，大會一公布他的名字，現場觀眾立即哄動，歡呼震撼全場。他表示加入微博已經超過10年，記錄了他很多生活點滴，陪住他成長，形容今次好像是從老朋友手上得到這個重要獎項，感覺意義特別重大。他說：「剛才樂小姐話見到我們成功就係佢嘅動力，呢個獎就係佢嘅動力！」

林夏薇、黃宗澤

薇薇在內地劇《大生意人》客串慈禧一角大獲好評，大會頒發「微博中國澳門年度人氣女演員」獎。她感謝觀眾支持，感謝給予機會的每位導演及劇組，未來會塑造好每一個角色去答謝大家；即將跟蔡潔澳門開騷的陳瀅獲頒「微博中國澳門年度卓越矚目藝人」，有不少粉絲到場支持。她感謝公司給予這麼多機會，亦感謝粉絲支持，承諾會繼續努力。

林夏薇

陳瀅

剛得到飛躍進步男演員獎之吳業坤再下一城，得到「微博中國澳門年度飛躍實力藝人」，他答應會做更多好嘅作品同戲；胡鴻鈞從樂小姐手上得到「微博中國澳門年度矚目男歌手」一獎特別開心，希望未來可以創作更多更好作品畀大家。

胡鴻鈞、吳業坤、黃宗澤、樂易玲、林夏薇、陳瀅、李爾晨

至於Kyle李爾晨獲頒「微博中國澳門年度實力青年演員」，他開心地說：「呢個係我演藝生涯第一個獎項。由運動員走向演員呢6年，我學到好多。運動員同演員都係追夢嘅行業，我會本住運動員精神，喺演藝事業度全力以赴繼續努力，為大家帶來更多精彩作品，莫忘初衷！」

胡鴻鈞、吳業坤、黃宗澤、樂易玲、丁子朗、李爾晨、胡子貝