學生哥hea坐唐樓天台邊 網民讚似劇照：好有王家衛feel

君子不立危牆下，青年愛坐危牆邊。兩名學生哥在唐樓天台圍牆對開的長窄小空地hea坐，被上載相片的網民形容為「不怕危險的少年」，回應的網民都驚呼「危險呀！細路！」、「好危險嘅吖」，但原來也同時勾起了一代人的輕狂歲月，指回憶返晒嚟。

上載相片的網民形容兩位學生哥為「不怕危險的少年」。網圖

網民先大讚這幀唐樓「邊緣青年」相像劇照，「好有王家衛feel」，還有人看圖編出了個故事來「呢個角度有啲似私家偵探租咗對面樓個單位影2個卧底喺天台匿埋交換情報，anyways，影得好」。

懷舊網民指「70/80年代好多人都坐喺度吹水㗎喇！」。網上截圖

說到那些年的青澀憶記，網民不約而同說出了「秘密基地」的暱稱，指「以前7、8歲時，我同D朋友仔都有玩，我哋叫呢D位置做『秘密基地』，真係好開心好好嘅回憶嚟」。

暱稱「秘密基地」

滿載舊日情懷的網民並指，「呢D咪真正嘅『邊緣青年』囉」，「其實身處其中時，真的一點也不覺得危險」，「我哋以前都係咁坐，前面係平石屎地，以前無咁多高樓大厦，天空海闊，對面天台又可以望」、「其實我細個都好鍾意咁樣坐，當年我仲係小學生」、「70/80年代好多人都坐喺度吹水㗎喇！」。

網民形容「呢D咪真正嘅『邊緣青年』囉」。網上截圖

網民指「呢啲咪青春囉」。網上截圖

網民一人一句續指，「我以前同D同學都係咁坐傾心事，只要自己小心D，其實沒有問題。樓主可能屋企有錢，未試過坐係呢D天台吧！」，甚至有人的回憶遠至50年代，指「50年代我哋小孩都係咁坐睇街景，67年的暴動催淚彈還飄到上來，當時唔覺什麼一回事，現時梗係條命矜貴D啦」。

帖文來源：香港風景攝影會

兩名學生哥在唐樓天台圍牆對開的長窄小空地hea坐。網圖

星期日（4月19日）網上流傳一段約17秒的短片，顯示一名身穿黑衫黑褲、狀似年輕的男子，手持一把利刀，頭戴裝有攝像頭的頭盔，在將軍澳南公園內奔跑。當時公園內有眾多小朋友正在玩耍，畫面所見，持刀男子從多名途人身旁跑過，現場有家長或外傭拖著小童，但疑因事發突然及時間甚短，均未及反應，幸而男子並未作出傷人舉動。

網民籲即時報警 議員指已接獲投訴

上載片段的網民留言指：「（將軍澳）南公園剛有戴頭盔，頭盔有前Cam青少年，手拿超長利器：剪刀/刀狂跑，請各位大人小朋友多多小心」，但未有交代拍攝的具體時間及該名持刀男子的去向。

FB影片截圖

片段曝光後即引起網民熱議，紛紛留言表示：「一定要報警！」、「應該第一時間報警」、「要報警，就算佢走咗都要，因為佢有危險性」、「好恐怖，咁樣嚇D途人」、「拉咗未？」。

FB影片截圖

立法會議員兼西貢區議員方國珊對事件表示非常關注，指星期日凌晨已收到街坊傳來的影片，不排除持刀男是區內童黨，她會向警方反映情況，要求加強人手巡邏。