鄭融撞正劉浩龍超級「冤家牌」一鋪清枱 譚焯升多口師兄嬲嬲豬

11月26日播出的《太興罐裝系列呈獻︰鋪鋪Poker》，由郭偉亮(Eric)、師兄劉浩龍同胡美貽（Nicole）主持。今集特別嘉賓是唱家班鄭融、香港女子撲克運動協會主席Kathy Yeung同黃紫恩（Jojo）、譚焯升（Clevis）客串派牌。

今集嘉賓鄭融牌齡不淺。

Kathy作為香港女子撲克運動協會主席，希望此項活動能普及化。

Poker不只是男人的世界，今集落場的Kathy有6年牌齡，作為女子撲克協會主席，戰力絕對毋庸置疑、鄭融牌局實戰經驗豐富，跟Eric、師兄都是老對手，所以26日晚一集特別精彩，未到最後一隻牌，都未知鹿死誰手。

Eric同師兄話poker不只是男人的世界。

開局前師兄先替鄭融平反，原來她曾經上過《鋪鋪Poker》，最後更勝出。可惜因為機器故障，該集未能播出。第一鋪開局師兄同鄭融已出現「冤家牌」，大家都以「A」一對勝出，平分籌碼。之後鄭融再沒有如此好彩，牌局接近尾聲，當局牌只剩下師兄同鄭融對決。鄭融底牌為「3」同「5」；而師兄則是「5」同「8」，雙方籌碼所剩無幾，為求速戰速決二人同意「晒冷」，一鋪定輸贏。Clevis發牌開出「4」、「6」、「7」。鄭融順利配成「34567」的「蛇」，正以為穩操勝券之際，不是冤家不聚頭，師兄配出「45678」較大的「蛇」僅勝，鄭融被一鋪清枱。

開局第一鋪師兄同鄭融已開出「冤家牌」，好在和氣收場平分籌碼。

牌局中段師兄同鄭融再有「冤家牌」，鄭融被清枱。

鄭融的小「蛇」撞正師兄的大「蛇」，可謂冤家路窄。

牌局中途發生小插曲，師兄底牌「9」、「10」，剛好枱面發出兩隻「10」，順利配成三條「10」，師兄即下注5,000元。其時只餘下Nicole一位對手，她在權衡輕重下棄牌，但又想知道師兄底牌。根據牌例派牌的荷官不應該參與，但Clevis一時口快讚了Nicole一句「good fold」，此舉令師兄不悅且有微言︰「唓！咁點好玩㗎。」事後師兄話︰「你去做演員、歌手或者主持，你就係做好本份，冇理由演演下演第二樣出嚟。」Clevis 衝動看了Nicole的底牌，但其實dealer是不可以這樣做的，最後都慚愧地向師兄道歉，他解釋︰「平時同朋友玩都好causal，嗰次係第一次做dealer，一時唔為意參與咗牌局，Off cam都有同師兄道歉。」Clevis話做《鋪鋪Poker》有好多得着，開心可以認識到好多嘉賓，又可以在Eric同師兄身上學到做主持。

師兄底牌一隻「10」跟枱面配成3條，一副胸有成竹。

師兄因為Clevis不夠專業有點嬲嬲豬。

Jojo笑言咖啡太好飲，不小心飲得太大聲

Eric同鄭融都被Jojo的超大喝飲品聲嚇一跳。

最後Nicole勝出，各人要接受大懲罰，起初鄭融非常擔心不知道箱內放置了什麼，好在得Eric提水箱內只有榴槤殼，順利完成懲罰。

鄭融準備接受大懲罰。

鄭融未知箱內放置何物，顯出一臉惶恐。

由《聲秀》十六強學員包括馮熙燮、柯雨霏、胡子貝、張津銘、徐惠晴、布子殷、陸卓謙、冼奕瑜、胡港豐、司徒泆、陳卓怡、林潔心、甄敏芳、周智敏、蕭凱恩和穎喬一起參與的「《this is OUR STAGE》聲秀畢業演唱會」，將於2026年1月18日晚上在麥花臣場館隆重舉行，因為今次是眾學員首度在一個演唱會的舞台上表演，他們也非常重視和導師在台上一起演出的珍貴時刻，於是他們向監製提供了不少想法，看如何能把這個畢業演唱會做到最好。大會特別以導師和學員為主題設計專屬海報，一公開便好評如潮，大家也覺得非常有紀念價值。

冼奕瑜、導師鍾舒漫、司徒泆的

一眾導師也非常期待再次和學員合作，剛開完個唱，布子殷、胡港豐同蕭凱恩的導師譚耀文表示：「記得初初對於我俾佢哋有關要交功課，同埋練習指令嘅回應同速度上係有少許散慢，加上對舞台知識同比賽準則又未係咁清楚，而佢哋又同時保存住佢哋自己嘅舒適圈，但後來經我費心費力再三叮囑下，佢哋終於知道要增加自己嘅競爭力，就必須要有改變同突破，同埋要跳出自己嘅框框，之後就知道台上1分鐘、台下10年功呢個真理。」阿譚續說：「每一次我都好享受和珍惜有機會同自己嘅學員一齊演出，尤其是今次係佢哋完咗比賽之後，首度正式踏上屬於自己有份嘅舞台去表演，當然為佢哋高興，我能夠同佢哋一齊參與，感到非常驕傲。」「我亦希望藉住呢個機會令佢哋緊記感恩呢回事，因為而家只係佢哋剛開始踏上銀色旅途，日後仲有好漫長嘅路途要走，所以希望佢哋學會時常記住每一個曾經幫助過佢哋嘅人，這樣日後才會成為一個真正傑出同成功嘅藝術家。」

林潔心、導師劉浩龍

冼奕瑜和司徒泆的導師鍾舒漫回憶說：「初初同學員相處，到比賽完畢之後，覺得他們心態強壯了，能應付的事情都多了。比賽過後非常想念大家一起緊密練習與溝通的日子，因爲這次的演唱會，又再次能夠一起進入排練到上台的過程，心裏充滿期待，而且現在的默契與感情深厚了很多，再次表演相信會更加投入與精彩。」Sherman非常貼心提供一些心得給日後想參加比賽嘅朋友：「首先要習慣係唔同嘅環境聽自己嘅聲音，變咗現場音響各方面有咩問題都唔會影響唱嘅狀態；如果係屋企練習時要幻想自己對住好多觀眾唱，直至感覺自然，到現場真係表演嘅時候就容易適應壓力，最後就係唔好諗咁多。」

身為林潔心的導師劉浩龍說：「我覺得成班學員可以喺三個月裏面，真係由一張白紙，用一個極速嘅時間去變成咗另外一個人，呢件事係好奇妙！對我嚟講係十分期待同學員係一個演唱會上面嘅舞台一齊表演，因為教林潔心就教咗好耐啦，但一齊合唱真係從來都未試過，所以好想同佢可以喺台上有一個一齊嘅回憶！」「有乜嘢意見可以俾想參加比賽嘅朋友？我嘅意見係要諗清楚，係咪真係想認真去面對自己，係先好去參加這類型嘅比賽！真係唔好諗住玩玩吓咁樣去比賽！事關無論導師，工作人員全部人都係百分百投入認真對待呢件事，所以態度真係好緊要！」

胡港豐、布子殷、導師譚耀文、蕭凱恩