劉晨芝非常鍾意小朋友！
有「亞洲版Beyonce」之稱的歌手劉晨芝，百足般多爪，除演藝事業外，還開設公關公司；而喜歡熱鬧、夜蒲的她，更在中環蘭桂坊大展拳腳，狂開夜場及食肆，忙得不可開交。雖然事業心極重，但非常鍾意小朋友的她，依然渴望可以做媽媽。據其閨密透露，她兩年前已經飛過台灣做了詳細檢查，準備在當地的大型生殖中心雪卵；可惜，因為疫情最終未能成事。
點擊看圖輯
一到達中環的一間婦科診所，劉晨芝馬上接受一連串的身體檢查，包括：量血壓及測量心跳等。
離開診所前，劉晨芝又到藥房拿取一大堆中藥調理身體。
劉晨芝於〇七年推出的專輯《Magic Tricks》，一上市便登上美國Billboard流行榜的第八位，更令她成為美國格林美音樂頒獎禮的常客。
一到達中環的一間婦科診所，劉晨芝馬上接受一連串的身體檢查，包括：量血壓及測量心跳等。
為趕上生B的尾班車，現年39歲的劉晨芝，日前就到中環檢查身體，閨密爆料說：「佢諗住香港做晒所有抽卵步驟，跟住就過去美國揀精子做試管嬰兒。」估不到鬼妹仔性格的劉晨芝，生仔都可以如此前衛。
離開診所前，劉晨芝又到藥房拿取一大堆中藥調理身體。
劉晨芝（Adrienne）於2005年在美國出道當歌手，於2007年推出的專輯《Magic Tricks》，一上市便登上美國Billboard流行榜的第八位，是首位華人女歌手打入此榜的頭廿位，更打低同期出碟的麥當娜（Madonna ），使她成為美國格林美音樂頒獎禮的常客，更有「亞洲版Beyonce」之稱。而她最令香港人熟悉的，一定是她曾在2008年為北京奧運主唱歌曲〈奧運北京〉，以及去年冒險飛往美國，為無綫拍攝有關新冠疫情的節目《香港你還好嗎》。
劉晨芝於〇七年推出的專輯《Magic Tricks》，一上市便登上美國Billboard流行榜的第八位，更令她成為美國格林美音樂頒獎禮的常客。
喜歡熱鬧、夜蒲的劉晨芝，人脈甚廣，更與不少城中名人非常老友，例如：清洪契仔巫翊鳴、胡杏兒老公李乘德及合和太子爺胡文新等。而不甘心只做演藝圈的她，一一年由美國返港後，便聯袂一眾好友，在中環的蘭桂坊狂開夜場及食肆。最高峰時，她擁有四間夜店及五間餐廳，即使這些年香港經過社會運動及疫情的洗禮，但喜歡冒險的她就覺得愈危愈有機，店舖執完又再開，完全冇有怕！
穿梭中西上流社會的劉晨芝，與碧咸老友鬼鬼。
棋人香港昨日（3月3日）盛大舉辦《The Best Awaits 棋人先聲迎新聚》媒體招待午宴，老闆林盛斌（Bob）與鍾楚霖率領一眾星級主持團隊亮相，正式宣布星級司儀團隊加入四位新成員，陣容進一步壯大。宴會開場，Bob打頭陣發言，感謝過去大家一直以來的信任，讓他有機會成立星級司儀團隊，其後宣布四位新成員包括應昌佑（Charles Ying）、王海榛（Dada）、許惠菁（Charmaine）及劉晨芝（Adrienne）正式加盟，連同原有的余迪偉、王鎮泉及庄嘉慧（Kathy），團隊陣容更見鼎盛。
棋人香港盛大舉辦《The Best Awaits 棋人先聲迎新聚》。
應昌佑（右一）、王海榛（右二）、許惠菁（右三）及劉晨芝（右四）正式加盟。
四位新成員在台上逐一分享加盟感受及未來展望。過去曾以歌手身份出道的應昌佑笑言：「好耐冇見，希望大家冇忘記我呢個名。加盟棋人覺得好榮幸同埋好難得，我嘅目標主要都係以MC方向為主。」
應昌佑
王海榛則感謝老闆賞識：「好開心Bob咁睇得起我，我可以勝任司儀/主持嘅角色。呢兩年都好慶幸有機會成為婚禮司儀，過去喺舊公司亦有主持。想喺接下來嘅日子繼續接觸多啲主持/司儀嘅機會，希望好快可以再同大家見面。」她亦透露會繼續發展社交媒體方面的工作。
王海榛
許惠菁坦言2025年是轉變之年：「相信大家都知道2025年對我嚟講都係一個幾大嘅轉變，同埋好多事發生。好多謝Bob，係我自己underestimate自己，佢就overestimate我，等我有機會可以join Chessman呢個大家庭。」她表示希望嘗試不同範疇，包括主持及司儀工作，同時會繼續經營社交媒體及YouTube頻道。
許惠菁
劉晨芝則分享回歸初心的心情：「之前一路比較係歐美個邊拍咗好多真人騷，或者旅遊節目。今年好開心，Bob邀請我加入棋人呢個大家庭。我本身都好欣賞Bob，因為佢嘅正能量好能夠影響到我。」她透露原來在美國唱歌之前，本身亦是司儀出身，更笑言希望金牌媒人Bob將來也為她介紹對象。
劉晨芝
原有星級主持團隊亦紛紛分享感受。余迪偉笑言自己已成「老屎忽」：「今日見到新加入嘅成員，舊嘅成員有幾個冇嚟到，原來我係老屎忽，老臣子。好多謝Bob兩年前嘅邀請，入到呢間公司好開心，因為呢間公司非常之有heart。」
余迪偉
庄嘉慧則以普通話感謝公司給予自由空間：「非常之開心有機會加入棋人娛樂呢個大家庭，容許我用普通話講幾句，因為我始終係普通話嘅主持人。我非常之開心加入棋人娛樂這個大家庭，因為它非常非常自由。」
庄嘉慧
王鎮泉亦期待團隊新火花：「今日非常之開心，因為棋人大家庭一年比一年壯大。今日我哋4位好出色嘅朋友仔加入，平時亦都係一個好熟悉嘅面孔，今日加入咗成為我哋大家庭一份子。」他表示會繼續向Bob學習司儀及媒人事業。
王鎮泉
Bob最後總結感恩見到新舊拍檔合作能產生更多化學作用，為大家帶來更多發展機會：「我最感恩見到就係啱啱同幾位新主持，同埋幾位舊拍檔合作嘅時候，多咗好多唔同嘅發展，例如：迪偉做獨腳戲，每一個人做主持都有一啲新嘅動向，做嘅品牌越嚟越大，希望令我感到好開心。幾位新主持，啱啱簽嘅時候已經好快安排咗好好嘅工作，拍攝，活動。」
林盛斌
